Joel 3:4 - ŊWÀʼ NYÙY

⁴ «Éè wìr veé Taya, à veé Sidone, e lì wir dzə̀m woó ŋguùŋè Filistia, vèn taʼ ji vèn yée le e mò? Vèn taʼ ji vèn siir ŋkfə́tír vèsən a? A vèn taʼ, e siìr, vèn wàa yen, bìʼ fo m lo, e siìr vinyo ve vèn yiìn ne e věn kitu, a siìr e kileʼ ki.

Joel 3:4 Iomraidhean Croise

2 Wòŋ 21:16

Á bèy, Nyùy Tàr nèn bàyír wír veé Filistia, e bàyír veé Arab ve á dzə́ e wír veé Etiopiàá ghaŋ, á nəə́ Fòn Jehoram e rə́r sí.

Aysaya 14:29

Ven vee wír veé Filistia, lá vèn yòʼ a sheʼrí ji ŋkoó wo wú‑uù wúŋ vené shèsìn ne. Á sə̀m ne mfǐŋ yò, a kù yíi mee búv fo fo.

Aysaya 34:8

Kí dzə̀ jii, Nyùy Tàr lèm ne kishiíy ke wù wíy siìr ŋkfə́tír. Kishiíy ke wù wíy kwàŋ kinyo ke wìr veé Sion, bìʼ kinyo ke wír veé Edome yiìn aáwune.

Aysaya 59:18

Wù kù wíy làʼ wir dzə̀m a dzə̀ mo ŋgaàŋ lìmèn. Wù wíy màʼ ŋgeʼ aàŋgàa vibàn vəə́ kitu adzə̀m, e màʼ e wìr dzə̀m kitu wo wù tún kinyo kfə́, fə̀m e vitúm vidzə̀m veé ŋguùŋè rìbà ndzə̀v ví.

Jeremia 47:1

Nyùy Tàr‑iì sùŋnín e Jeremia woo *ŋgaà ntum və kùm wír veé Filistia, é bo Farao wìy a tòn Gasa.

Jeremia 47:4

Sì ghán se á laar wír veé Filistia adzə̀m, e tsə̀ʼ ntom Taya wùn Sidon ye yì berin e mòʼón. Rúrú, Nyùy Tàr sí laar wír veé Filistia, áwune vee kibér ke wìr ke kí loòn fó meshavtí meé Kaftor.

Jeremia 51:6

Ven vee wír veé Isray wùn à veé Judàa, vèn wáa leʼ fo wòŋ Babilon, wìr wáa leʼ e kitú kfə́ kí. Vèn wáa yen fó lày dzəʼə̀m yén bìʼ jay wìr veé Babilon. Sì ghán se Nyùy Tàr wíy a siìr ŋkfə́tír, a wù wíy a laamé áwune, kù mo yii yéví dzəə̀n.

Joel 2:10

Sí lóo wìy, é nsay wáa sə̀ʼ, é yúví wáa yàʼ, é shùy wùn à ŋwee ndzə́mén, é la mejiy mè yòʼ dzə́ə a ban.

Joel 2:2

Dzə̀ kishiíy, a kí sə́n, beéme. Kishiíy, a dzə̀ ndzə vitsə̀ʼ, a mbàʼ si súm. Dzə̀ vé rər ve á meʼèm, wiy moo ŋguùmé, e sə agwan moo mbàʼ. Vé rər ve á tavin béne yòʼ‑oò ghàn ne bàʼtí, a bó á yòʼ kfə̀n wíy a dzə.

Matio 11:21

Wù nèn yòŋ jii, «Éè wìr veé Korasin, éè wìr veé Besayda, ŋgeʼ dzə̀ yéen. A mò‑oò yii viŋgaʼnìn ve vinyò ve mò‑oò rə́si yii e věn ntèʼ vin, a dzə̀ é ntèʼ see Taya wùn Sidon, bo vé‑eè yiì ne bìnèr melív mev fó ŋgùʼ, e màʼ ndzə̀y sé kpu, a ser e kibvə̀r.

Matio 11:22

Vèn wáa kiíy jii, wíy lòo dzə e kishiíy ke Nyùy tínen nsaʼ, é ké wìr veé Taya wùn à veé Sidon ki boŋ, e shaà kén.

Ŋwàʼ Luk 10:13

Jesus lò, e yòŋ jii, «Éè wìr veé Korasin, éè wìr veé Besayda, ŋgeʼ dzə̀ yéen. A mò‑oò yii viŋgaʼnìn ve vinyò ve mò‑oò rə́si yii e věn ntèʼ vin, a dzə̀ é ntèʼ see Taya wùn Sidon, bo vé‑eè yiì ne bìnèr melív mev fó ŋgùʼ, e màʼ ndzə̀y sé kpu, a ser e kibvə̀r.

Ŋwàʼ Luk 10:14

Vèn wáa kiíy jii, wíy lòo dzə e kishiíy ke Nyùy tínen nsaʼ, é ké wìr veé Taya wùn à veé Sidon vìn ki boŋ, e shaà kén.

Ŋwàʼ Luk 18:7

Mo wù‑uù səən wiíy və̀y, bo bó Nyùy yòʼ wíy sə sa və́ vee wír ve wù‑uù shoʼon, aá tóŋ fo wun e shùy, tóŋ vitsə́ʼ ji wù sə́ áwune a? A dzə̀ wù kfə̀n a siʼsíʼ à?

Lim Aŋgàa Ntum 9:4

Wù gbù fo nsay, e yù, a jì wìr yoŋ wun jii, «Saul, Saul, à ron wúu yém ben bìʼ ká?»

Remrí 32:35

Kù wíy siìr mo ŋkfə́tír, a maʼ mo ŋgeʼ e wírí kitu. Wír vìyi kù lo, e sàsìn, e lèrìr, e gbù. Kishiíy kév ké ŋgeʼ ki sì fó mentsə̀m, a ŋgeʼ se tavkín sí kù lo, a nyoòrì.»

2 Tesalonika 1:6

Yii bèy, a Nyùy kù wíy yiì sa réŋ e wír ve á fó ven ŋgeʼ lène, e siìr ŋgeʼ see shooy aáwuné kitu.

Atǎr Nsaʼ 11:12

Jefta ló fó fo, e nèn tsə̀nsí vé ntume ji á ku dù, e dzə̀r e fòn woó Ammon a jii, «Wùn wun sà kér ka, é bo wù wáa nəə́ rə́r e wun nsay a?»