Joel 3:3 - ŊWÀʼ NYÙY

³ Vé‑eè lo, á shwèŋ wír vém, e bóo kiíy wóo lì ji kwàn. Áwune lo, á lì wán woo lumèn, e kàv sàkì sho, li woo wiíy, á kàv meluʼ sho, a no.

Joel 3:3 Iomraidhean Croise

Ŋwàʼ Jov 6:27

A dzə̀ ven, vèn kù lì wón tsə̀, a tsəm kàŋ sho, a kavnín ŋkar sén, a fiìnè.

Esiker 27:13

Wír veé Grik wùn à veé Tubali, à veé Mesheki‑iì yii wáy vèn áwune. Vé‑eè kúvsin akwàn vév wùn à vifá vee kisha kee *brons ki, sə́ vé vee vifá ve way.

Joel 1:5

Éè amfoòkìnó, vèn yimen, a dìy. Ven vee anomèlùʼ, vèn wáa toŋ, a jeetí. Tútúʼ wo á fer meluʼ sho yòʼ kfə̀n dzə̀ə́. Meluʼ me fíy me vèn koŋ a no mè bùú ne.

Amos 2:6

Nyùy Tàr suuy jii: «Abaày, wír veé Israyi fìʼ a dzə̀ ka? Áwune jáy vinyo, jáy, tónenè, a m kù‑úù maʼ ŋgeʼ aáwuné kitu. Yìiy, á kan alànjò, aá lim vikwàn ji áwune fiʼ kòóy, li ghéʼncey, á kàv kiwuú ké lábáʼ shó.

Obadia 1:11

Kishiíy ke vitúm vi‑iì bvəʼən shúu kày fər wò, e kùúy vifá və́, wò‑oò tíy, leey leèyín. Viŋgwìy vi‑iì nə̀ə́ é Jerusalem, a tsəm kàŋ, a jàv fó, aà kù kár fo mvəm moo wír woo áwuné ŋgoo.

Nahum 3:10

yii bèy, á ku kùúy wun, e dù sho. Á kù‑uù dù shó e lav vikwàn. Vé‑eè bvə̀ʼtí wón vév é mentàrnín, koóri kfə́m sé wìr vév, tsə́m kàŋ sho, aàŋgàa tsəme kúr aàsháŋé.

Ŋgaà Yen 18:13

A bó wìr yòʼ dzə̀ə́ sa sho wo wù wíy a yun vifá ve ví shaŋ, rəʼtìnè, vee moo vighuv ve vici vímóʼ ví, à viláy ví, à kfəə́ se vifù vé shìv si. Kìn wo wù yún meluʼ mer, wùn à meŋgvə́r mè, à meŋkfəŋ mè, à sáŋé, kfə̀n yún anàʼ wùn aànjìi. A bó wìr yòʼ dzəə́ wìy a yun nyám sér sé ŋkoʼ wùn à *viténtén vé rər ví, aàkwàné wùn à wír ve á koó koón e kòŋé.»