Joel 3:2 - ŊWÀʼ NYÙY

² Siirì, é m báʼtí vitúm vee aŋgàa vibǎn wìr vém é Kiwoóy ké Jehoshafat. Dzə̀ fó, fo m wíy way áwune é kibàʼ ke nsaʼ, e saʼ áwune bìʼ kinyo ke á yiìn e wír vém veé Israyi, kitúm, ke mò‑oò shavin ji wír vém vee jeéyí. Áwune jùm ne wír veé Isray, á táʼrí, e dùkìr e vitum ve sən ví, e jàv nsay yev ye dzəə̀n yéem féyì feyì.

Joel 3:2 Iomraidhean Croise

2 Wòŋ 20:26

Wáa dzə e kishiíy ke kí‑iì meen ne ji kweè, áwune báʼtí é Kiwoóy ké Beraka, e beèrì Nyùy Tàr fó. Á kinyo ke kí‑iì yiìn, é bo á wáa yòŋ fó ji Kiwoóy ké Beraka, e wìy shem lán.

Aysaya 66:16

Kí dzə̀ jii, Nyùy Tàr wíy màʼ ŋgeʼlàʼ kitú ke nsay kidzə̀m, a wíy a dzə və́y wùn à rə́r sí. Á bèy, é wír ve wù yuyriné wáa dzə e mfòn.

Aysaya 66:18

M kì lím wìr dzə̀m, a m kì kwaʼtì yév. M wíy fo sáʼ, é wìr dzə̀m wiy, e yèn mo, kìn wù súŋnin lám a dzə̀ vəneé. Áwune wíy wìy, aá yén vitaáví vém ve wiy ví,

Jeremia 12:14

Nyùy Tàr suuy jii, «Mò‑oò sùŋnín kùm vitúm ve ví dzəə̀n e Juda ghaŋ, aá giŋ wír vém e shilív she bi shí ji á sə́ nsay ye mò‑oò foon aáwune ji vitsə́ʼ vév. Vèn leéy, e yèn, m yíi shoʼóy aŋgàa vibàn vén vin fo áwuné nsay mo á shòʼóy kitiír ké kifa fo nsay, e bòyìr wír veé Juda fo áwuné wo.

Jeremia 25:31

Kiyor ki yíi a koʼ buú se ndzə sidzə̀m, bìʼ fo Nyùy Tàr kér nsaʼ wùn à vitúm vi vidzə̀m. Wù yíi tiír wir dzə̀m e kibàʼ ke nsaʼ, e tsənsí wír ve á méŋ wun, é rə́r sí yúy. Suuy a wun woo Nyùy Tàr.› »

Jeremia 49:1

Ntum yee kùm wír veé Ammon rə̀ne. Nyùy Tàr suuy jii: «Dzə̀ ji bó Isray yòʼ kér wón vee vilum à? Dzə̀ ji wù yòʼ kér njìlaʼ à? Nyùy woo *Molek yóv nsay rám Gad bìʼ ka? Wír ve á cu Moleki‑iì wìy, a dzə fo bìʼ ka?

Jeremia 50:17

Nyùy Tàr suuy jii: «Wír veé Israyi dzə̀ moo njiì wo abvərə̀ʼə́ jùmèn, wù táʼrí. Wìr mbìy wóo kèʼ, a laàr áwune‑eè dzə̀ fon woó Assiriya. Fòn Nebukadnessar woó Babilon nèn màysì, e bvə̀ʼə́y.

Esiker 25:8

Ke Nyùy Tàr woo Taà Ndzə suuy ki dzə̀ jii, «Wír veé Moav wùn à veé Gwan Seiri‑iì té lám ji wír veé Judàa kfə̀n ne saa moo vitúm vímóʼ ví.

Esiker 34:6

Njiì wom‑eè bvəə̀rí, a jan e vitu ve agwan, a jan e vitu ve aŋkoŋ. Á kù‑uù sàŋrí kitú ke nsay kidzə̀m, là ŋgaà wóo tàʼ, e bìnèr.›

Esiker 35:10

«Vèn‑eè suuy ji vitúm vee vibaà vee Isray wùn Juda vìn vi dzə̀, a vèn waà kù wíy yòv, suuy bèy, a vitúm vìn vi dzə̀ vém, mo woo Nyùy Tàr.

Esiker 36:1

Nyùy Tàr yòŋ jii, «Wàn wìr msòŋ, tiísí kinyo ki áàgwan veé Israyi, e sùúy jii, ven vee agwan veé Isray, vèn yuúrí kinyo ke Nyùy Tàr suuy ki.

Esiker 36:5

Ke mo woo Nyùy Tàr woo Taà Ndzə suuy ki dzə̀ jii, ‹Rúrú, m sùŋnín ne, e kàntì vitúm ve ví‑iì nəən ven, e sùŋnín e Edom e dzə̀m, a kòʼ dòʼshwíiy wom é ŋàŋ. Wù kòʼ bey, bìʼ fo áwune‑eè kaarin, e faàsì nsay yem, a sheʼ, a kèŋ ji áwune kòóy ne a nsàʼmboʼ wov, a sì á kwáʼ wóv nyàm.›

Esiker 38:22

M wíy màʼ ŋgeʼ e Gog kitu, e nəə́ wun e yàsí, kfəə́ si kfəə́ si, e nəə́ e kinjuyrì ki. M wíy səyír kiŋkò ke wuu e wùn à màŋgòŋ və́ kitu, à wìr dzə̀m woo wùn ŋgoo. Lo fo fo, é m nyoori e mentíy mè, e dzə̀sì və́y, e tom və́y.

Esiker 39:11

«Wíy lòo dzə e kishiíy fóo fèy, é m fó kirə́ʼ é Isray ke á dzəəme Gog sho. Kí wíy a dzə e Mboʼ Vé Ghane, a yì dzə̀ é mbìv yee fo shùy yii tó, e lò fo Ndzə́v Shiŋgwaŋe. Say sév sí wíy a dzə nyanyày yée sətí dzə́ə, fo vé ghane wáa shaà. Á wíy a yòŋ fó ji Mboʼ Shùu Rə́r Gog.

Joel 3:12

Nyùy Tàr bínsí jii: «Vitúm vidzə̀m vi ku ŋàʼáy, e bàʼtí e Kiwoóy ké Jehoshafat. Dzə̀ fó, fo m yíi dzə̀ʼə̀m, a tinén nsaʼ vitum ve ví kaarin Juda.

Joel 3:14

Yímóy, wíri bàʼtí ne ansə̀kì ansə̀kì, aá sì é kiwoóy kee fo Nyùy Tàr kwaŋrì vinyo. Dzə̀ fó, fo kishiíy ké Nyùy Tàr kí yíi sàsìn, e bvəy.

Amos 1:11

Nyùy Tàr suuy jii: «Abaày, wír veé Edome fìʼ a dzə̀ ka? Áwune jáy vinyo, jáy, tónenè, a m kù‑úù maʼ ŋgeʼ aáwuné kitu. Yìiy, áwune‑eè ghíʼ afə́r vév e rə́r sí, nyoorì feyì, e làa yòʼ a rər mendzən mev. Kilòŋ kév ke shwiiyín kí yòʼ‑oò kpúrinè, a dòʼshwíiy wov kù‑uù kúy kuyín.

Mayka 4:12

Yii bèy, vitúm vìn vi yòʼ kì kinyo ke Nyùy Tàr kér e wun shiliv. Bó áwune yòʼ kì antaŋ ve wù bá. Bó á yòʼ kì ji wù bàʼtí áwune, e kùr moo mbeʼ sàŋ, mbeʼ sàŋ, ye á kurin, a dù sho ji á búʼ é riimé.

Tsəfaniya 3:8

Mo woo Nyùy Tàr nén a suúy jii: «Vèn kú a shìy kishiíy kiy, kishiíy, ke m wíy nànèn, e roòmè vitúm. M wày ne wayín ji m báʼtí á vitum, e bàʼtí afon, e nyè dòʼshwíiy wom wo tavín aáwuné kitu. Dòʼshwiíy wo wù baári e mǒ shiliv, wù yíi tòn kitú ke nsay kidzə̀m.

Ŋgaà Yen 11:18

Wír veé ndzə fène‑eè lò, a taŋ sáʼ yé, a ghán sí ghèén ne lèn, à dín áwune mo wo woo dòʼshwiíy dzəə̀n. A sì ghán se à yíi koʼór aŋkfə fo si, e tinén vinyo vév. Kfə́n a dzə ghán se à yíi laamé aŋgàa lìm vé ve vé‑eè tiísi ntum yè, e kfə̀n laamé wír vé adzə̀m, áwune ve á ghvə́m yír yé, kìn dzə̀ wo kùʼùn, kìn dzə̀ wo terí. Kfə́n a dzə sa ghán se à yíi laàr wír ve vé‑eè ghán, bívir ndzə.»

Ŋgaà Yen 16:14

Vibáy vìn vi dzə̀ vé anyùy, a ví ghán kitú ke nsay kidzə̀m, báʼti afon ji á fíʼ wìy fəə̀, a màʼ rə́r é kishiíy ke Nyùy woo Ŋgaà Vitaàví Vidzə̀m wíy fəə, a nə̀r kóy.

Ŋgaà Yen 16:16

Vibáy vìy vi ku nèn bàʼtí afon veé kitu ke nsay vìy e kirə̀ʼ kímóʼ kí, aá yoŋ e Lǎm Hibru ji Amagedon.

Ŋgaà Yen 16:6

Wír vìne‑eè yúyri wír vé wùn aàŋgàa ntum vée, a mensə́ mè léŋé. Aà siìr ne ŋkfə́tír a dzə̀ mensə́, á wáa no. A dzə̀ mo dzə̀ á kù lòvtí aáwune.»

Ŋgaà Yen 20:8

Wù fəə́, é wù nèn a ghan, a boʼtí vitúm veé kitu ke nsay vidzə̀m, a dzə̀ ji Gog wùn Magog, aá báʼtí rə́r, é vé rərí wáa neŋ neŋén moo síy seé ghaa ndzəv.