Joel 3:1 - ŊWÀʼ NYÙY

¹ Nyùy Tàr suuy jii: «Rúrú, wíy lòo dzə e ghan see shooy, é m siir vikuʼùy vé wìr veé Juda fo, à vé Jerusalem vi.

Joel 3:1 Iomraidhean Croise

Nsùyrì Nyùy 14:7

La Nyùy sí ri yiì, é luŋ wìr veé Israyi lo fó Sion à. Rúrú, Nyùy Tàr wíy lòo siìr vikuʼùy vév, é rám Jakovi wáa sheʼrí, é wír veé Israyi wáa sàvnìn.

Nsùyrì Nyùy 85:1

Éè Nyùy Tàr, à kù‑uù sí shám mendzən me wìr vee wò wòŋ, wò‑oò lo siìr vikuʼùy vé wìr veé Isray aáwune.

Ŋgàn 1:23

Vèn binkir, e yuùrí ntir ye m fó e vèn. M yíi way vifií vém e věn kitu, e yiì, é vèn wáa dzə afií.

Aysaya 44:3

Kí dzə̀ jii, m wíy səə̀vì nsay ye yì yúm ji káv, e fəə́r ndzə́v, é yí wáa leŋ e nsay ye yì yumen ne, e mày. M wíy səə̀vì rám yén, e fo Kiyoy kém aáwune, é kiŋgoòy kén kí wáa yu vijuŋ ve kisəə̀vì kém.

Jeremia 16:15

Á sí wìy a kàn, a yòŋ a dzə̀ jii, ‹Mo Nyùy Tàr dzəə̀n shó, wun wo wù‑uù fəərin wír veé Isray fo wòŋ kùyi, à fó vitum ve wù‑uù jùmèn áwune, á dù, a dzə sho.› E ké ru kí, m wíy siìr áwune e yéev yee nsay ye mò‑oò foon áàtàr véví.»

Jeremia 29:14

é m yii, é vèn yén. Suuy mo woo Nyùy Tàr. M wíy siìr vijuŋ vén e vèn. M wíy baʼtí ven fó vitum vidzə̀m, à fó virə̀ʼ ve mò‑oò taʼarin ven, á dùkìr sho vi, e nèn lì, e kfən sho e kirə̀ʼ kee fo mò‑oò jùmèn ven, é bo vèn du, a dzə e kwaʼ nsàm.» Suuy a wun woo Nyùy Tàr.

Jeremia 30:18

Nyùy Tàr suuy jii: «Vèn leéy, e yèn, m sí yìi rər mendzən me rám Jakov, e siìr vijuŋ ve laʼ sév fó. Á wíy bàʼrì ŋkàlaʼ yev fo yì‑iì dzəə̀n, é ntoʼ yev kú a dzə sa fo yì‑iì dzəə̀n.

Jeremia 30:3

Leéy, e yèn, ghán sí sí gheenè se m wíy siìr vijuŋ ve wìr vém veé Isray wùn à veé Judàa. M yíi siìr áwune é nsay ye mò‑oò foon ne aàtàr véví, aáwune nèn yì vitsə́ʼ vév.»

Esiker 16:53

«Ké jèmèr sén, m wíy siìr vijuŋ ve Sodom fo, é wùn à wón və́ vee vikìyí wáa dzə mo vé‑eè dzə́. M kfə̀n wíy siìr sa vé Samaria wùn à vé won və́ ví fó. A kù dzə̀ sá mo m wíy siìr vén bey.

Esiker 39:25

«Á bèy, ke suuy Nyùy Tàr woo Taà Ndzə ki dzə̀ jii, m sí yìi siìr vijuŋ ve rám Jakov fo, e dìn mo m koŋ wír veé Isray adzə̀m, shám áwune. M kù wíy a kiyrí yír yém ye ranéné fo á wáa shoór.

Daniel 12:1

Nshìylav Nyùy ye yì‑iì màʼàn ndzə̀y ye baán nèn kfə̀n a suúy jii, «Ghán see shooy si wíy gheén, é Mayker woo nshìylav Nyùy ye kuʼùn ŋáʼáy, a kù dzə̀ wun woo shó wo wù shiy wír vé, wù ŋáʼayì, é ghán sé ŋgeʼ ye tavín sí tsə́ŋén, a kfə́ə ŋgeʼ rə̀n wíy a dzə, a yì yòʼ‑oò ghàn ne a dzə mo vé‑eè kèʼèn, e gwàr woŋ, é bo vitúm vi wáa dzə e nsay. Wíy lòo dzə e ghan fóo fèy, é wír vée luŋ, wír adzə̀m, ve yír sév sí wíy a dzə e Nyùy ŋwàʼ.

Joel 2:29

Wíy lòo dzə e kishiíy fóo fèy, é m kfən fò sá Kiyoy kém aàŋgaà vém lìme adzə̀m, kìn dzə̀ woo lumèn, kìn dzə̀ woo wiíy.

Amos 9:14

M yíi siìr wír vém veé Isray fo kwaʼ nsàm, aá kfə́n aáwuné nsay, kfə́né, aá náŋsín ŋkà se laʼ sév se sí‑iì gbùkìn ne, a dzə sho. Áwune wíy bìy vitiír vé vayin, a fèr meluʼ e báŋ sə́ sí, a no, a bonén, a lìm viboó vév, a bòn vifá ve á lìmèn shó.

Kintaŋ 11:29

Mooser bìnèr jii, «Shii wò dzə̀ ka é kinyò ke kí kùmèn a dzə̀ mo? Kì yée fo wáa dzə ji wír Nyùy adzə̀me kì tiísi ntum rə? Wìr ku lì ji Nyùy Tàr kì wày á kiyoy kfə́ e wìr dzə̀m wùn féyì.»

Kintaŋ 12:6

Wù suúy jii, «Vèn yuúrí kijuŋ. *Ŋgaà ntum wom yii lóo dzə e věn mvəm, m wàa dìn kitú kém shó e njà vinjeenjèm, e kfə̀n a suŋnín sho e njèm.

Remrí 30:3

bo Nyùy Tàr woo Nyùy won wíy rər mendzən men, e baʼtí ven fó vitum vidzə̀m vee fo wù‑uù tsənsin ven. Báʼti, é wù siir vikuʼùy vén fó.