Joel 2:3 - ŊWÀʼ NYÙY

³ Á wíy laàr kifá kidzə̀m, kù mo laàr ŋguùmé. Á wíy ndzəə́y vifá, kù moo ji tòn və́y. Nsay yee áwuné mbìy dzə̀ moo kiboó keé Eden, a yee áwuné bàm dzə̀ nsay ŋgaŋ. Rúrú, sí yòʼ bávti kifá gheéy, fə̀m shishàr.

Joel 2:3 Iomraidhean Croise

Kèʼlo 13:10

Lot nàn sí, e lèéy, e yèn a mboʼ ndzə̀v yee Jordan bór féyì virə́ʼ vidzə̀m, e dù duùn é mbìv yeé Tsoar, moo kiboó ké Nyùy Tàr, kìn moo nsay Ejiv bèy. Kin ki‑iì dzə̀, é bo Nyùy Tàr wìy laàr ŋkà se laʼ see Sodom wùn Gomorra.

Kèʼlo 2:8

Nyùy Tàr nèn nàŋsín kiboó é kirə̀ʼ ke á yoŋ ji Eden, a kí dzə̀ é mbìv ye shùy yii tó fo fo. Wù náŋsín, e lèm wír wo wù‑uù fèrìn və̀y fo.

Nsùyrì Nyùy 50:3

Nyùy wòsən wiyì, a bó yòʼ dzə̀ wù kfə̀n gòʼ kisə́sə. Və́y wo wú laar virə́ʼ láariné baári fo wun mbìy, a wù shaa e mvə̀m kinsəm ke wiy kí, a kí kar virə́ʼ.

Nsùyrì Nyùy 97:3

Wù tsə́nsi və́y e wun mbìy, wú wàa tòn aŋgaà və́ vibàn virə́ʼ vidzə̀m.

Ŋwàʼ Fəə 10:15

Sí‑iì sùm woŋ woo shooy e dzə̀m, virə́ʼ ví sə́n. Sí kfə́r vifá ve teʼèn ví vidzə̀m, vicí, vikwiíy, à báŋ se vici sí, vifá vidzə̀m ve ví‑iì gòʼòn, la mentíy mè yòʼ bìvír. Bó kicí, kìn kikwiíy ke shoòŋ ki yòʼ‑oò lo gòʼ e Ejiv.

Ŋwàʼ Fəə 10:5

a sí wíy sə virə́ʼ vidzə̀m, é la kirə́ʼ kí yòʼ a yensín, é sí maysi, e kfə̀r vifá vidzə̀m ve mentíy mè yòʼ‑oò lo bìvír, a fə̀m dzə̀ vicí vén ve ví kfə̀n tókirì.

Aysaya 14:17

Á wíy a dzər jii, və̀n sà kù yòʼ dzə̀ ŋgaà wo wù‑uù bìnèrìn kitú ke nsay, kí kfə́n ji wóʼ, e tàtí ŋkà se laʼ, e laàr sidzə̀m a? Sà kù yòʼ dzə̀ wun wo wù‑uù koorin wíri, e tèn fóo màʼtì a?

Aysaya 15:6

Ndzə́v seé Nimrim si yùmkír ne, viŋgà ví yóvrí, vifá veé sum ví sə́ʼsí, a bó kifá ke kí teʼ ki yòʼ kfə̀n dzə̀ə́.

Aysaya 33:4

wír vée wàa kuúy vifá vév, kù mo ŋguùmé sí sòóy vav se vici. Á wàa gbù kintáŋ é kitu ke vifa fèn réŋréŋ mo ŋguùmé sí gbù e kitu ke yi.

Aysaya 51:3

Rúrú, Nyùy Tàr dzəə́ wìy rəə̀r shilív shé wìr veé Sion. Wù dzəə́ wìy sham mendzən me virə̀ʼ vév ve á laàrìn, e yiì, é virə́ʼ vé woʼ vee fó vi kfə́n ji kiboó keé Eden. Wù wíy yiì, é virə́ʼ vév vee nsay ŋgaŋ vi kfə́n ji kiboó ké Nyùy Tàr. Wír veé Sione wíy a yu vijuŋ, a sheʼrí. Á wíy a fo vibeerì e Nyùy Tàr, a yòv yòv, a burí wun sho.

Aysaya 9:18

Rúrú, liì kisaŋ wo wíri yii kù baári moo və́y. Və́y, a wú baári, ton vimbìn wùn à vitiír vé njoŋ vi, ton vinshaàrì wùn à kóv sí, a sí rə́ŋsín. Wú ton, a kindzə́ʼ ki sə́ virə́ʼ, dzəm, kóʼ e yuv.

Aysaya 9:19

Nyùy Tàr woo Taà Mànjòŋ sí shwiiy kilòŋ é ŋàŋ, a ŋgeʼ ye wù maʼ e wòŋ, sí ton kitúm e njà və̀y. Və́y, a wú laar wíri, kù mo á màʼ áwune shó ji vidaànè, a bó wìr yòʼ kfə̀n yú fóo sə wír woo wun kfəə.

Jeremia 5:17

Áwune wíy laàr vifá vén, e laàr viyíkìr fo kwaʼ. Áwune wíy laàr wón vén vee vilum, à vee vikìyí. Áwune wíy laàr ŋgoo sén sé bvəy, à sé nàʼ si. Áwune wíy laàr vitiír vén vé *vayin, à vicí vé *fig vi. Vé rərí wíy kètì ŋkà se laʼ sén see vikum, se vèn tiirin vifií shó.»

Esiker 36:35

Á wíy a shaà, a ghay wún jii, ku yèn kirə́ʼ ke yì‑iì siìn kinshaàrì ki, lèn, a kí sì moo kiboó keé Eden. Ŋkà se laʼ si‑iì sàʼkìr, e dù e vifə̀m, lèn, a sì vikum ve ŋkà se laʼ, a wíri ŋeʼ fo ŋéʼen.

Amos 7:4

Nyùy Tàr woo Taà Ndzə kfən siì ghèm ndzə e mò, m yén a wù báʼti və́y ji wun maʼ ŋgeʼ sho e wír vəə́. Və́y və́ne yúmér ndzə́v yeé lòo nsay, e kfə̀n tòn kirə́ʼ kév kidzə̀m.

Habakuk 1:6

Vèn yuúrí, m sí nan kitúm kee Babilon, wír, aá nyárninè, a bó á yòʼ mvəʼ si, yén wír, ghán kitú ke nsay kidzə̀m, faasì virə́ʼ ve bó yòʼ dzəə̀n vév fáasin.

Sekariya 7:14

Á bèy, m nen bvə̀ə́r áwune e kìrkir, á bvəə́rí, e dùkìr e vitum ve á yòʼ‑oò lo wìy sìíy, e kìíy. Á dù bèy, woŋ wóv wo juŋe dù e vifə̀m, la wìr yòʼ dzə́ə a kùm fo.»