Joel 2:2 - ŊWÀʼ NYÙY

² Dzə̀ kishiíy, a kí sə́n, beéme. Kishiíy, a dzə̀ ndzə vitsə̀ʼ, a mbàʼ si súm. Dzə̀ vé rər ve á meʼèm, wiy moo ŋguùmé, e sə agwan moo mbàʼ. Vé rər ve á tavin béne yòʼ‑oò ghàn ne bàʼtí, a bó á yòʼ kfə̀n wíy a dzə.

Joel 2:2 Iomraidhean Croise

Nsùyrì Nyùy 10:6

Á suuy e vitú vév ví jii, «A dzə̀ kfə̀n wìy sə̀ʼ ka ver? Mo ŋgwàʼ si wíy a dzə, bó yòʼ dzə̀ vèr wìy yèn ŋgeʼ gheéy.»

Nsùyrì Nyùy 97:2

Nyùy Tàr laynìn e mvə̀m mbàʼ ye sənér. Wù laynìn e ndzə ye yì sə́n ji cùm, sáʼ vifon e dzəə yee tìítiy, là kiloʼ.

Ŋwàʼ Fəə 10:14

Ŋguùmé sí gbù, e rùn woŋ Ejiv, e sə̀ kitúm kìn kidzə̀m. Kfə́ə viròm ve ŋguùmé vee ben vi yòʼ‑oò yiì ne a dzə, a bó ví yòʼ kfə̀n dzəə́ wìy a dzə.

Ŋwàʼ Fəə 10:6

Sí wíy run e wò ntoʼ, e kfə̀n run e vé saʼ vée lav si, e run lav se wìr veé Ejiv sidzə̀m. Kfə́ə see shooy see ŋguùmé sí dzə̀, a bó atàr vén wùn aàtǎr ram sén sí yòʼ‑oò lo ghàn sìíy yèn, e kèʼ mo vé‑eè dzəən áwune, e wìy, e to lán.› » Mooser màysì, e nèn fəə̀ fo Farao ntoʼ.

Ŋwàʼ Fəə 20:21

Wíri ku gòʼ kév, a tiy kwaʼda, Mooser wáa koʼtí e mentsə̀m me kirə̀ʼ ke kí‑iì sə́n ji cùm, fo Nyùy‑iì dzəə̀n.

Aysaya 5:30

Wíy lòo dzə e ghan fóo fèy, áàŋgàa vibàné wáa ghav e wír ve áwune kooné kitu, a ghav, é kí wáa koo mo yor rìbà ndzə̀v. Wíri binkìr, leey kitúm kév, aá yén, a kí sə́n ne sə́nén ji dzə̀v, a kù sì ŋgeʼ fo, a kibvər ki kóʼ e yuv é njà kikfəm ke mbàʼ, sə́ti sí shùy.

Aysaya 8:22

Áwune leey ke kí kooy áwune é nsay fèn, aá ku yèn, a bér ŋgeʼ wùn à ndzə ye sənér, a yì sə́n ji cùm, beéme. Á bèy, aá kù wíy màʼ áwune é mvə̀m ndzə, a yì sə́n, e làŋsìn.

Jeremia 13:16

Vèn wáa sùyrì Nyùy Tàr woo Nyùy won, é bo wù yiì a wìy e ndzə ye sənér, é vèn wáa bàyrìn, a bàyrìn aàgwan ve á səə́ne, a bó vèn yòʼ yén rán fo. Vèn wáa sùyrì wun, é bo wù biner ndzə ji ye vitsə̀ʼ, é wáa dzə tím vitsəʼə́.

Jeremia 13:6

Vishiíy ví líysín vinín, Nyùy Tàr nèn sùúy e mò jii, «Ŋáʼáy, e dù e Perat, e lì bàtàrí wo mò‑oò yòŋèn, à dù, e lìtì fo.»

Yòvdìy 1:12

Wù kfə̀n tóŋ jii, «Ven vee anshaàdzəə̀, kinyo kìn ki yoʼ kùm ven gheéy a? Vèn ku lèéy, e yèn, ŋgeʼ si dzə̀ shó moo sém á? Ŋgeʼ se sí gbuùn e mǒ kitu. Ŋgeʼ se Nyùy Tàr shwiiyin kilòŋ, e màʼ e mǒ kitu.

Esiker 32:7

M wíy laàr wò, e sùm yúv, é la mejiy mè yòʼ a ban. M wíy sùm shúy e mbàʼ, e yiì, é la ŋwee yòʼ a ban.

Esiker 34:12

M kù wíy a tàʼ njiì wom réŋréŋ mo nshìy yii taʼ e ghan se və́ə bvəərin. M wíy tàʼ áwune, e fəə́r fo virə̀ʼ ve áwune‑eè taʼrin, e dùkìr sho, e tàʼrí e kishiíy ke ŋgeʼ‑eè nəən áwune, e sùm moo mbàʼ.

Esiker 38:9

Vèn à shúu rər wóo wíy sàsìn, e nəə́ áwune moo kinsəm. Vèn à mànjòŋ wò e dzə̀m wíy sùm áwune mo mbàʼ sùm kirə́ʼ.

Daniel 12:1

Nshìylav Nyùy ye yì‑iì màʼàn ndzə̀y ye baán nèn kfə̀n a suúy jii, «Ghán see shooy si wíy gheén, é Mayker woo nshìylav Nyùy ye kuʼùn ŋáʼáy, a kù dzə̀ wun woo shó wo wù shiy wír vé, wù ŋáʼayì, é ghán sé ŋgeʼ ye tavín sí tsə́ŋén, a kfə́ə ŋgeʼ rə̀n wíy a dzə, a yì yòʼ‑oò ghàn ne a dzə mo vé‑eè kèʼèn, e gwàr woŋ, é bo vitúm vi wáa dzə e nsay. Wíy lòo dzə e ghan fóo fèy, é wír vée luŋ, wír adzə̀m, ve yír sév sí wíy a dzə e Nyùy ŋwàʼ.

Daniel 9:12

À yiì ne kinyo ke wò‑oò suuy ji à wíy yiì e vèr aàtǎr saʼ vérí, e màʼ ŋgeʼ ye tavín e věr kitu. Á yòʼ‑oò ghàn ne màʼ ŋgeʼ e kirə̀ʼ é sar shùy fèn moo ye à màʼàn é Jerusalem.

Joel 1:6

Mànjòŋ ŋguùmé mèʼèm ne, e wìy, e sùm nsay yèsən. Sí tàvkír e ŋàŋ, a sóŋé kù dzə̀ ji yé bvərə̀ʼ, njím moo viŋkoònyàm ve kiyìy ké bvərə̀ʼ.

Joel 2:25

Nyùy Tàr suuy jii: «M wíy siìr vifá ve vèn‑eè làyìn é ghan se ŋguùmé sí‑iì ndzəəyin vifá vén. M wíy siìr vidzə̀m, e kèʼ fo vifa ve sé mbìy si‑iì laàrìn, e dù, e meé e ve sé bàm sí‑iì ndzəəyin. Kù‑uù tsə̀nsí mo mànjòŋ wom wo ghaʼán və̀n, é bo wù nəə́ ven.

Joel 2:31

Shùy wíy ndzəmén, lóo sən sənén, ŋwee lóo bàŋ moo mensə́, é bo kishiíy ké Nyùy Tàr ke ghaʼán kí gheén.

Joel 2:5

Sí léʼ e vitu ve agwan, a kiléŋléŋ kí koó moo ké *vitentén vé rər. Sí kfə́r visáŋsáŋ, báykir mo və́yí bàykír fo kinshaàrì. Sí du e ŋgoo sí ŋgoo si, du, moo mànjòŋ wo wù du e shùu rər.

Joel 3:4

«Éè wìr veé Taya, à veé Sidone, e lì wir dzə̀m woó ŋguùŋè Filistia, vèn taʼ ji vèn yée le e mò? Vèn taʼ ji vèn siir ŋkfə́tír vèsən a? A vèn taʼ, e siìr, vèn wàa yen, bìʼ fo m lo, e siìr vinyo ve vèn yiìn ne e věn kitu, a siìr e kileʼ ki.

Amos 4:13

Rúrú, dzə̀ wun Nyùy wo wù‑uù tuuyin agwan, e fə̀ə́r shwér. Wù kfən yiì, wíri kiíy kwaʼtì rə́. Wù lo, wù bìnèr ndzə ye ranén, yì kfə̀n ji ye sənér. Kù sáʼ wun kitú ke nsay kidzə̀m. Yír rəə́ dzə̀ Nyùy Tàr, Nyùy woo Taà Mànjòŋ.

Tsəfaniya 1:7

Vèn lem nyaáŋ e Nyùy Tàr woo Taà Ndzə si. Kishiíy kfə́ ké nsaʼ ki sì fó mentsə̀m. Wù bàʼtí ne wír və́ moo nyám se cù, e bì aŋgàa vibàn vév ji á wiy á, e seèrí.

Sekariya 14:6

Kishiíy kee shooy ki wíy a dzə, é la ráne yòʼ a dzə, a bó kidzə́r kí yòʼ wíy a dzə, e bóo lì kintòn.

Matio 24:21

Wíri wíy yen ŋgeʼ ye tavín é ghan fóo fèy, a bó á yòʼ‑oò yiì ne yèn kfə́ə yìwun, e kèʼ mo Nyùy‑iì bomen nsay, e wìy, e meé lèn. A bó á yòʼ dzəə́ wìy yen yìmòʼ moo yee shooy.

Maak 13:19

Wíri wíy yen ŋgeʼ ye tavín é ghan fóo fèy, a bó á yòʼ‑oò yiì ne yèn kfə́ə yìwun, e kèʼ mo Nyùy‑iì bomen nsay, e wìy meé lèn. A bó yìmòʼ yòʼ dzəə́ wìy koóy yee shooy.

Remrí 32:7

Vèn kuúmé ghán sé mbìy si, e kwàʼtì viyá ve ŋgwàʼ se sí‑iì shaàn ne. Vèn dzə́tí áàtàr véné, aá naari e vèn. Vèn dzə́tí e ŋgày sé wìr si, é sí fer vinyo veé yàŋgùʼ e vèn.

Hibru 12:18

Vèn kuúmé kirə́ʼ ke vèn tíy sho lèn, e Nyùy si. Vèn yòʼ tíy e kirə̀ʼ, a dzə̀ keé nsay fèn mo wír veé Israyi‑iì tíy e sar Gwan Sinay, a və́yí baári fo kitu ke gwan ji vùŋ vùŋ, ndzə sə́n, virə́ʼ ví wáa kìʼ ji cùm, a kinsəm ki shaa ji kìkìkì.

Ŋwàʼ Jud 1:13

Á kfə́n a dzə sa moo ndzə́v lome, ye shwéri lóo tsəy, vifə́yfə́y ví wàa fə̀ʼ, a dzə̀ joonè wo áwune yii. Aá kfə̀n dzə̀ moo mejiy me mè kár karín, a bó mè yòʼ sə́ŋ fo Nyùy keèrìn. A Nyùy nàŋsín ne kirə́ʼ é ŋòròʼ wo wù sə́n ji cùm fo wù wíy way áwune, aá wáa neŋ fo viyá viyá là may.

Ŋgaà Yen 9:2

Wù mvə̀ʼ, kindzə́ʼ ki dzə̀m fo fo mo á tòn Mbokam, a koʼ, a sətí sí shùy, mbàʼ wáa sən.