Joel 1:9 - ŊWÀʼ NYÙY

⁹ Cú vifa ve yii sèéy ne fo Nyùy Tǎr lav, a bó á yòʼ dzəə́ cu Nyùy Tàr e meluʼ mè. Atàá cùu sí diy, sov vitú, bìʼ fo vifá vé a cù Nyùy Tàr shó vi buŋen ne.

Joel 1:9 Iomraidhean Croise

2 Wòŋ 13:10

«Yii bèy, fo kér kí, Nyùy Tàr dzə̀ Nyùy wor, a bó vèr yoʼ màʼày wun. Vèr kér atàá cù ve dzəə̀n wón Aaron, aá lim fo Nyùy Tàr, kfə̀n kér wír veé ram Levi ve á tóm áwune.

Ŋwàʼ Fəə 28:1

Nyùy Tàr kfən sùúy e Mooser jii, «Suúy ji á wiy á e Aaron woo ŋgàywìr yè, é wù wiy á wùn à Nadav, à Abihu, à Eleasar, à Itamar vee wón və́. Á ku fə̀ə́r áwune fo wír veé Israyí mvəm, aá fíʼ a lìm ji atàá cù vém.

Aysaya 61:6

aá kù wíy a yòŋ ven ji atàá cù Nyùy Tàr. Wìr dzə̀m wíy kiíy feyì ji vèn dzə̀ á vé lìm Nyùy Tàr. Vèn wíy yòv bùʼ woó vitum vímóʼ ví nyanyày, a vèn wíy a yu vijuŋ bìʼ bùʼ woo shooy.

Yòvdìy 1:16

«M sí diy bìʼ vinyo vìn, a mensíy mè dan fo mǒ si. Ŋgaà wóo a sham mo yòʼ dzə̀, a wìr wóo tavír mo yòʼ dzə̀. Ŋgaà vibàn wom ghàʼ ne mo, wón vémé rán kibvəə́shí kév.»

Yòvdìy 1:4

Dzə́ə se sí nəə e Sion si sí tíy ji nyoòŋ, mo koò kpú. Fə̀m é vishiíy vé ŋkàʼ veé lav cù, wìr yòʼ shaa sho. Shuu sə́ sé kày si sí tíynin sirə́, a bó wìr yòʼ bav fo, aàtàá cùu leey, ndzə́kir ndzə̀kín. Wónlě vikìy ve á yii yov yòv e lav cùu kù sì a dzə̀ é nsòvkìtu, a Sion kù sí shwíkir shwìkín e dzə̀m.

Hosea 9:4

Vèn yòʼ dzəə́ wìy màʼ meluʼ e nsay foo fèy ji á cu Nyùy Tàr shó, a bó yòʼ dzə̀ vèn cù Nyùy Tàr fó, wù səə̀sí cu yén. Vifá ve yi vee fó vi wíy a dzə moo kibán ke á yí e nsaàlav kpu, a wìr dzə̀m wo wù yí wíy lì *kifàn. Kibán kìn ki wíy a dzə cáʼ ji kí rəər jíŋ yen, a bó yòʼ dzə̀ á cù Nyùy Tàr shó.

Joel 1:13

Ven vee atàá cù, vèn maʼ ndzə̀y sé kpu si, a dìy. Ven ve á lim e kiy cù, vèn wáa toŋ, a jeetí. Ven ve á cu Nyùy wom, vèn maʼ ndzə̀y sé kpu si, e dù, a dìy vitsə́ʼ vifur. Vèn wáa dìy, bìʼ fo cú vifa ve yii yòʼ dzə̀ə́, a yé melùʼu sèéy ne. Á yòʼ dzəə́ yii cu e Nyùy wón lav.

Joel 1:16

Vèn ku yèn ri mo á laàrìn ne vifá fo sum. Vèn yén ri mo kishéʼrì ki màyìn ne fo Nyùy wòsə́n lav. Á yòʼ dzəə́ yí ŋkàʼ fó, savnìnè.

Joel 2:14

Yòʼ kì la, a Nyùy Tàr yíi kuvsín kwaʼtì rə́, e səə̀vì ven, e yiì, é vifá vi kfə́n a kuy e sum. Səəvì, é vèn kfən kòóy vifá vé a cù Nyùy Tàr woo Nyùy won shó, a cù wun e vifá ve yi vi, a cù e meluʼ mè.

Joel 2:17

Atàá cù, áwune ve á yii cu Nyùy Tàrí ku tìím e ghaa kiy cù, a kìʼ kibuʼ ke kí nəə e lav cù, a dìy, a lon Nyùy Tàr jii, «Éè Nyùy Tàr, ku bàvtí dzəʼə̀m wìr vée. Wír vìne dzə̀ ve à shavin shávín ji vé. Lá à yòʼ yiì, aáwune kfə́n ji kifá ke nshéʼmé ki. Lá à yòʼ màʼtì, é vitúm vi wáa te lám aáwune, a dzər jii, ‹Nyùy won bèé lèn?› »