Joel 1:4 - ŊWÀʼ NYÙY

⁴ Kí dzə̀ jii, vifá ve ŋguùmé sé mbìy si‑iì wìyìn, e shèr shèrìn, sé bàm sí wìy ne, e ndzə̀ə́y kifá kidzə̀m ndzəə́yín.

Joel 1:4 Iomraidhean Croise

1 Afòn 8:37

«A jìŋ koò é wòŋ, kìn gbù kifə̀ʼ, kìn tòn kiŋgáŋ vifá ve yi, kìn kòʼ mfə̀m, kìn gbù ŋguùmé, kìn ntèmntém, kìn aŋgàa vibàné nəə wír vé e rə́r sí aáwuné ŋkàlaʼ, kìn koò yàsí woo ka áwune,

2 Wòŋ 6:28

«A jìŋ koò é wòŋ, kìn gbù kifə̀ʼ, kìn tòn kiŋgáŋ vifá ve yi, kìn kòʼ mfə̀m, kìn gbù ŋguùmé, kìn ntèmntém, kìn aŋgàa vibàné nəə wír vé e rə́r sí aáwuné ŋkàlaʼ, kìn koò yàsí woo ka áwune,

2 Wòŋ 7:13

A m lòo dzə, e yiì, wuú táv é yuv, e tèn fó a lo, kìn m tsə̀nsí a dzə̀ ŋguùmé, sí wíy, e laàr vifá fo wòŋ, kìn m màʼ a dzə̀ kifə̀ʼ e wír vémé wùn,

Nsùyrì Nyùy 105:34

Wù suúy, ŋguùmé sí wìy, wùn à rámé shó nyanyày.

Nsùyrì Nyùy 78:46

Wù‑uù tsə̀nsí ŋguùmé, sí gbù, e laàr kifá kidzə̀m ke vé‑eè lìmèn é sum.

Ŋwàʼ Fəə 10:4

Yén ri mbà, aà tèn fó màʼtì áwune, bo m tsə́nsi ŋguùmé e wò wòŋ kibvəə́shí,

Ŋwàʼ Fəə 10:5

a sí wíy sə virə́ʼ vidzə̀m, é la kirə́ʼ kí yòʼ a yensín, é sí maysi, e kfə̀r vifá vidzə̀m ve mentíy mè yòʼ‑oò lo bìvír, a fə̀m dzə̀ vicí vén ve ví kfə̀n tókirì.

Aysaya 33:4

wír vée wàa kuúy vifá vév, kù mo ŋguùmé sí sòóy vav se vici. Á wàa gbù kintáŋ é kitu ke vifa fèn réŋréŋ mo ŋguùmé sí gbù e kitu ke yi.

Jeremia 51:14

Nyùy Tàr woo Taà Mànjòŋ kàʼ ne, e kfə̀n lìʼ, e kàn kitú kfə́ jii, «M kù wíy tsənsí wíri nyanyày moo ŋguùmé, aá sə́ woŋ Babilon, é fóo rún, sə́, aá ton fó, a binsí nsiì.»

Jeremia 51:27

Á fəə́r sáʼ, é yí du é vitum, e tòŋ sóŋé, é yí ghánén fó e dzə̀m. Á báʼtí vitúm, é ví taámé Babilon e rə́r sí. Á bí Ararat wùn à Minni, à Ashkenas, aá nəə́ fó. Á shóʼ mfòómé wo wù li vé rərí, e nə̀ə́ sho fo, e tsə̀nsí nyám se ŋkoʼ fo nyanyày moo ŋguùmé bey.

Joel 2:25

Nyùy Tàr suuy jii: «M wíy siìr vifá ve vèn‑eè làyìn é ghan se ŋguùmé sí‑iì ndzəəyin vifá vén. M wíy siìr vidzə̀m, e kèʼ fo vifa ve sé mbìy si‑iì laàrìn, e dù, e meé e ve sé bàm sí‑iì ndzəəyin. Kù‑uù tsə̀nsí mo mànjòŋ wom wo ghaʼán və̀n, é bo wù nəə́ ven.

Amos 4:9

«Dzə̀ akàŋ anín ve m lo, m laàr vifá fo věn viboo, e laàr fo věn sum sé vitiír vé *vayin. M lo, m fə̀ə́r shwér wo wú tonnìnè wùn à koʼòr sí, vifá vi wàa yovrí. M lo, m fə̀ə́r ŋguùmé, sí yì vicí vén vé *fig wùn à vé oliv vi. Yii bèy, la vèn yòʼ kfə̀n é bàm e mǒ wùn. Suuy mo woo Nyùy Tàr.

Amos 7:1

Yì‑iì dzə̀ é kishiíy kímóʼ kí, Nyùy Tàr woo Taà Ndzə ghém ndzə e mò, m yén, a wù fəə́r kikfə́m ke ŋguùmé, kí gbú, aá ku kàv vifá veé ntoʼ fo sum kávín, a kfə̀n‑eè dzə̀ sá e ghan se vifá veé sum vé bàm ví‑iì fəən, e kèʼ a kuy.

Malakay 3:11

M wíy yiì, é la vibáy vi yòʼ a kòr vifá ve vèn wayin, e yiì, é vitiír vén vé *vayin vi kfə́n a koóm kijuŋ.› Suuy mo woo Nyùy Tàr woo Taà Mànjòŋ.

Remrí 28:38

«Vèn wíy way ŋgoòy se vifa e kwaʼ nyanyày, yii bèy, ví kúyí, é ŋguùmé sí ndzəə́y, é vèn káv shishàr.

Remrí 28:42

Ŋguùmé sí wíy ndzəə́y vicí vén vidzə̀m, e laàr vifá ve yi.