Joel 1:2 - ŊWÀʼ NYÙY

² Éè ŋgày sé wìr, vèn yuúrí. Wìr dzə̀m wo wù dzə́ e nsay Juda ku mvə̀ʼtì vituʼùr, e yuùrí. Feyì feyì, naaŋkàntì kinyò kee ben ki‑iì ghàn ne kòóy e věn ghan á? Fə̀m áàtàr véné ghan, kí‑iì ghàn ne kòóy a?

Joel 1:2 Iomraidhean Croise

Ŋwàʼ Jov 12:12

«Kiíyi shìíy aàránsisii, wìr yén vishiíy, wù wàa kiíy jeéyjeéy fó vinyò.

Ŋwàʼ Jov 15:10

Wír ve vitú vi fərin ne wùn à ŋgày sé wìr si kù dzə̀kìr e věr mvəm, wír, aá shaá tàr won fó viŋgày vé wìr.

Ŋwàʼ Jov 21:7

«A dzə̀ wír ve á méŋ Nyùy, bo á rə́si shiiy e ŋàŋ, dzən, kóŋri, tsəətìn e bùʼ bìʼ ka?

Ŋwàʼ Jov 8:8

«Ku tàr fo ŋgwàʼ ye yì‑iì shaàn ne, e gwàrìr vinyo ve atàr vee fó mbìyi‑iì kavin, e lèm.

Nsùyrì Nyùy 49:1

Wìr dzə̀m yú kin ki. Vitúm vidzə̀m veé kitu ke nsay vi fó vituʼùr,

Aysaya 34:1

Ven vee vitúm, vèn kóʼtí e mǒ mentsə̀m, e yuùrí. Wíri, vèn fó vituʼùr ví. Woŋ e dzə̀m wùn à kifá kidzə̀m ke kí dzəə̀n shó ki yuúrí. Kitú ke nsay wùn à kifá kidzə̀m ke kí fəə́ fo fo ki səəm jí sìn.

Aysaya 7:17

Nyùy Tàr wíy tsənsí a fon woó Assiriya, é wù maʼ á ŋgeʼ ye tavín e wùn à wír vəə́ kitu, e bóo lì wón ntoʼ adzə̀m wùn à wón atàr və́ vee aŋkfəə. Ŋgeʼ sìn si wíy dzə̀r, e shaà se áwune‑eè yenen á ne, e kèʼ mo Isray wùn Juda‑aà jàvsìn, e kfə̀n ji vitúm jeéy jeéy.

Jeremia 30:7

Á virom eèy, kishiíy kin ki wíy a dzə kibiíbí féyì, kishiíy, a kee moo kíwun ki yòʼ dzə̀. Wíy a dzə ghán sé ŋgeʼ ye tavín e kfə́ə Jakoví wùn, yii bèy, aáwune wíy bòy fo fo.»

Jeremia 5:21

«Vèn yuúrí, ven vee viyúŋ, ven vee vinjìŋ ve wíri. Vèn kér sí, a bó vèn yòʼ yén virə́ʼ. Vèn kér vituʼùr, a bó vèn yòʼ yú vinyo.

Daniel 12:1

Nshìylav Nyùy ye yì‑iì màʼàn ndzə̀y ye baán nèn kfə̀n a suúy jii, «Ghán see shooy si wíy gheén, é Mayker woo nshìylav Nyùy ye kuʼùn ŋáʼáy, a kù dzə̀ wun woo shó wo wù shiy wír vé, wù ŋáʼayì, é ghán sé ŋgeʼ ye tavín sí tsə́ŋén, a kfə́ə ŋgeʼ rə̀n wíy a dzə, a yì yòʼ‑oò ghàn ne a dzə mo vé‑eè kèʼèn, e gwàr woŋ, é bo vitúm vi wáa dzə e nsay. Wíy lòo dzə e ghan fóo fèy, é wír vée luŋ, wír adzə̀m, ve yír sév sí wíy a dzə e Nyùy ŋwàʼ.

Hosea 4:1

Éè wìr veé Isray, vèn yuúrí kinyo ke Nyùy Tàr yoŋ e vèn kí. Kí dzə̀ jii, Nyùy Tàr kér nsaʼ wùn à wír veé wòŋàne, suuy jii, «Suuyrú wùn à kikoŋnìn ki mày ne fo nsay fèn, a bó wìr yòʼ kfə̀n gwarìr kinyo kee kùm Nyùy.

Hosea 5:1

Nyùy Tàr kú a suŋnín, a suúy jii: «Ven vee atàá cù, vèn yuúrí. Éè vilìmbìy veé Isray, vèn yuúrí. Ven vee wón ntoʼ, vèn yuúrí kinyo kìn ki. Vèn kì yíi a tinén vinyo e nsànloŋ, mo vèn yàrìn, bo nsaʼ sí lo, e bìnkìr e věn kitu. Vèn cu anyùy e Mispa, cu e Gwan Tabor, a sì kitám ke wíri li sho, lálán, wo á ndzə́v sho.

Joel 1:14

Vèn fó sáʼa, aá wáa lèm jíŋ ji á lón Nyùy. Vèn jaŋri wíri, aá tiím e Nyùy si. Vèn báʼtí vilìmbìy vi wùn à wìr dzə̀m woó Juda. Vèn báʼtí áwune e Nyùy Tàr woo Nyùy wón lav, aá wáa toŋ e wun ji wù ku sə̀ á ven.

Joel 2:2

Dzə̀ kishiíy, a kí sə́n, beéme. Kishiíy, a dzə̀ ndzə vitsə̀ʼ, a mbàʼ si súm. Dzə̀ vé rər ve á meʼèm, wiy moo ŋguùmé, e sə agwan moo mbàʼ. Vé rər ve á tavin béne yòʼ‑oò ghàn ne bàʼtí, a bó á yòʼ kfə̀n wíy a dzə.

Amos 3:1

Wír veé Isray, vèn yuúrí kinyo ke Nyùy Tàr roomè ven shó ki. Wù roomè ven wír adzə̀m ve wù‑uù fəərin fó wòŋ woo Ejiv, suuy jii:

Amos 4:1

Ven vee vikìy veé Samaria, vèn yuúrí kinyo kìn ki. Vèn yuúrí, ven ve á fàŋkìn moo anàʼ veé Bashan. Vèn nyavrì aàŋgàa kitàne, táy aghéʼncey, lo, á wàa tiy tiyín aàlúm vén vee kfə́m sé wírií kitu jii, vèn wáa dzə rì, e làa yòʼ fo meluʼ é vèr nó.

Amos 5:1

Wír veé Isray, éè mò, vèn yuúrí yòv dìy wo m yov, sheŋ kitú bìʼ ven.

Mayka 1:2

Vitúm vidzə̀m, vèn yuúrí. Kitú ke nsay wùn à kifá ke kí dzəə̀n shó kidzə̀m ki yuúrí. Nyùy Tàr dzə̀ e wun lav ye ranén é yuv, wun woo Nyùy Tàr woo Taà Ndzə ku fə̀ə́r vinyo vén ve bi ví tèéter.

Mayka 3:1

Á bèy, Mayka wáa tiisí jii: «Ven vee atǎr saʼ rám Jakov, ven ve á sáʼ kitúm kee Isray, vèn yuúrí kinyo ke m lo, a suúy ki. Bó yòʼ dzə̀ kilíŋ kén fó a yiì kijuŋ e wíri a?

Mayka 3:9

Ven vee atǎr saʼ rám Jakov, vèn yuúrí, ven ve á sáʼ kitúm kee Isray. Vèn ŋwáy kinyo kee tínén é nsànloŋ, kù jwivrì kinyo ke ru kí jwívrin.

Matio 13:9

Jesus fèr bèy, e nèn màysì jii, «Vituʼùr ví dzə̀ vibaà, kímóʼ kí tén fó yu, kímóʼ kí wàa yù.»

Matio 24:21

Wíri wíy yen ŋgeʼ ye tavín é ghan fóo fèy, a bó á yòʼ‑oò yiì ne yèn kfə́ə yìwun, e kèʼ mo Nyùy‑iì bomen nsay, e wìy, e meé lèn. A bó á yòʼ dzəə́ wìy yen yìmòʼ moo yee shooy.

Ŋgaà Yen 2:7

«Kí nén a dzə jii, vituʼùr ví dzə̀ vibaà, kímóʼ kí tén fó yu, kímóʼ kí waà yù. Vèn yuúrí ri kinyo kìn ke Kiyoy ke Nyùy ki suuy e vintatì vi. Wìr wo wù wíy so vinyo veé ndzə ye bi fen dzə̀ wo m wíy fo kilíŋ sho, é wù yí kicí ke kí kúy e Nyùy mvə̀m kiboò, a dzə̀ ke wìr yí, wù wàa ker dzəʼə̀m yee là may.»