Filemon 1:9 - ŊWÀʼ NYÙY

⁹ Yii bèy, mo m kiìn ji à koŋ wír Nyùy e ŋàŋ, m nén a lon lonén ji à ku yiì a kinyo kee shoon a dzə̀ bìʼ koŋ yé. Áà wáa kiíy ji lón a mo woo Por wo m súŋnin moo ŋgàywìr e Jesus Kristu kinyò, a m kfə̀n lim sháŋ bìʼ wun.

Filemon 1:9 Iomraidhean Croise

Nsùyrì Nyùy 71:18

Éè Nyùy, lèn mo m dzə̀nèn ne, kitú ki fə́r, lá à yòʼ màʼày mo máʼayin. Kú a dzə wòsò, é m wáa fìʼtì vinyo vé ve ghaʼtín ví, a fìʼtì e ŋgwàʼ se sí wiy fo bàm sí.

Nsùyrì Nyùy 71:9

Yii bèy lèn, mo m dzə̀nèn ne bèn, lá à yòʼ tsə̀ʼ mo tsə́ʼən é bàm. Mo vitaáví ví sí weʼ fo mǒ wùn wéʼen, kii wò, lá à yòʼ màʼày mo.

Ŋgàn 16:31

Kitú ke fəvír kí dzə̀ ntáraʼ vikùʼùy, a dzə̀ vilaámé vé dzə̀ʼə̀m yee tìítiy.

Aysaya 46:4

Kù dzə̀ mo və̀n wo m wíy a leéy fo vèn, e meé mo vèn wíy dzə̀nkìr, e koŋrí, é vitú vi fə́r. Kù‑uù fèr mo ven ji kitúm, a m kù wíy a geʼsín e vèn. M wíy a tom ven, ŋgeʼ si nəə ven, é m boyir ven.

Ŋwàʼ woó Rom 12:1

Afə̀r vem, mo Nyùy rə́si shám vèsən é ŋàŋ ben, m nén a lon feyì jii, vèn ku tàtí vitú vén adzə̀m, e fò e Nyùy, a dzə, a yu a dzə̀ fo wun. Vèn ku yiì bèy ji vèn wáa dzə a moo kifá ke á liìn, e cù Nyùy sho, wù wáa yu vijuŋ. Á dzə́ə yee réŋ ye dzə̀ vèn fò melív men e Nyùy, a bùnrì fo fo.

2 Korin 5:20

Vèr nén a ghan ji ŋkùvtu wun woo Kristu, wáa dzə mo jaŋ Nyùy ven. A vèr boorì ven e Kristu yir jii, vèn ku wìy, é Nyùy mán á ajay vén, é vèn áwune kfə́n kijuŋ.

2 Korin 6:1

Vèr nén a boòrì ven moo wír ve vèr à Nyùy tatin wó, a lìm lim rə́ jii, lá vèn yòʼ màʼày kilíŋ ke wù bùʼùn ven shó kìn, é kí lay á kisáŋ.

Galatia 3:26

Sí kér Nyùy, bìʼ fo ven ve á wayin shilív e Jesus Kristu wùn adzə̀me siìn wón Nyùy.

Efesor 3:1

Mo Nyùy liìn ne ven sá ji və́ vee wír, m nén a bùnrì fo vèn ghán sidzə̀m. A dzə̀ mo woo Por wo m lim sháŋ, bìʼ fo m fiʼtì kinyo ke Jesus Kristu a dzə̀ e vèn ve bó yòʼ dzəə̀n wír veé Isray.

Efesor 4:1

Mo woo Por wo m lim sháŋ bìʼ kinyo ke Tàr wòsən Jesus Kristu nén a lon jii, vèn kú a ker dzəʼə̀m a dzə̀ yé wìr Nyùy mo wù‑uù liìn ven ji vèn wáa dzə.

Efesor 6:20

Kristu‑uù lì mo ji ŋkùvtu və ji m wáa fìʼtì sáʼka wo juŋ və̀n, a m lim sháŋ lèn a dzə̀ bìʼ sáʼka woo shooy. Vèn ku nèn a bùnrì ji m ku yòʼ a fìʼtì tèéter, là fan, mo dzə̀ m kù a fìʼtì.

1 Timoti 1:12

M nén a beèrì Taàtá wòsən Jesus Kristu feyì mo wù‑uù wayin shilív e mǒ wùn ji dzə̀ m yiì á lim rə̀n. A m lim a dzə̀ mo wù foon vitaáví ve m wáa lìm sho.

Titur 2:2

Lóo dzə vilum vee aránsisi, à wàa tir áwune ji lá á yòʼ a way a vifií é melùʼ. Á wáa way vifií a dzə̀ á e vinyò ve áwune yii, a yiì réŋ mo ví dzəə̀n. Á ku ghàr a dzə̀ á kinyo ke Nyùy kitávín, a kòŋ wíri, a lì ŋgeʼ sidzə̀m ji weè, e làa yòʼ a wàʼ.

Hibru 13:19

A m kfə̀n lón feyì ji vèn wáa bùnrì bèy, é Nyùy sə́, é m tav kfə̀n, e yèn ven.

1 Pita 2:11

Ŋkàr sem, vèn wáa kuumé ji vèn dzə̀ viŋgwìy, a vèn bee beèn é ndzə fèn. M nén a lon jii, lá vèn yòʼ a yu fo věn mensə me mè tíy a dzə̀ é vinyò veé ndzə fèn, funèn melív men me vèn tiirin e Nyùy wùn.

Atǎr Nsaʼ 21:22

Kí kooy bèy, atàr véví wiyì, kìn wìy afə́r, a ndzəkír, é vèr kú a boòrì boòrìn ji á ku rə̀r á mendzən men bìʼ ver, bìʼ fo vèr yòʼ‑oò lo kòóy vikìy vée fo e vèn é ghan se vèr‑iì tònèn Jabesh Gilead. A vèr kù yíi suúy aáwune ji bó áwune yoʼ yàʼáy a kilìʼ kév, bìʼ fo áwune yoʼ fò wón vév e vèn foón ji vikìy vén.»