Filemon 1:7 - ŊWÀʼ NYÙY

⁷ M suuy bèn fər wom, bìʼ fo m lóo kuumé mo à koŋ wír Nyùy e ŋàŋ, yii, a melív mev mè lum ghán sidzə̀m, m wàa ker kishéʼrì ke ghaʼán kí, shém shee shilív shí wàa lùm sa.

Filemon 1:7 Iomraidhean Croise

1 Korin 16:18

Shilív shém shí nen rə̀sìn, réŋréŋ mo wír vìne lo, á wàa rəə̀r méen mee melív. A kí bòŋ ji vèn wáa ghvəm a wír vee ben.

2 Korin 7:13

Mo vèn yenen ne lèn bèy, shilív shér shí nen neèm. Vèr kfən yèn mo Titur wìyìn, a sheʼrí e ŋàŋ, a bó wù yòʼ dzəə́ fan kinyo kímóʼ kí kùm ven, vèr nen màysì, a yu vijuŋ.

2 Korin 7:4

Vifií vém ví kfə̀n tíy e věn wùn féyì, a m nyavnìn feyì bìʼ ven. Vèn rəər shilív shém ghán sidzə̀m. A m fə̀m yén ŋgeʼ e le, m kù a sheʼrí sheʼrín bìʼ ven.

1 Tesalonika 1:3

A vèr kuúme a dzə̀ mo vèn yii. Vèn wày shilív e Nyùy wùn, a lìm fo wun, e kfə̀n suùsín, a kòŋ wun, e nèn a lìm, a shaàsìn. A vèn kfə̀n leey sa fó mbìy, shiy ji Tàr wòsən Jesus Kristu wàá wiy, nèn tíy kitávín, la kinyo kímóʼ kí yòʼ dzə́ə a sə̀ʼ ven gheéy.

1 Tesalonika 2:13

Kinyo kímóʼ kí ke vèr rə́si beerì Nyùy fo fo ki dzə̀ jii, vèr‑iì fìʼtì kinyo kfə́ e vèn, vèn ku nèn biìmé ji dzə̀ rú á ntum Nyùy, a bó yòʼ dzə̀ ye wìr. Mo vèn biimen, yì nèn a lùm e věn meliv kitávín.

1 Tesalonika 2:19

A vèr kér shií fo vèn ben, bìʼ fo dzəə̀n ven ve dzəə̀n viwìr vér, e kfə̀n a dzə kishéʼrì kér. Kí búŋ fó bey, bo Tàr wòsən Jesus wíy wìy, vèsən lóo tiy e wùn si, é vèr wáa kàn a dzə̀ ala, é vèr wáa sheʼrí a dzə̀ bìʼ ala, é vèr wáa binsí nsiì a dzə̀ bìʼ ala? Kù wíy a dzə bìʼ ven vin ve vèr kooyin ji wír və́.

1 Tesalonika 3:9

Vèr lóo kuumé ven lèn, Nyùy nèn a yiì, vèr wàa ker kishéʼrì ke kuʼùn kí, a bó yòʼ dzə̀ vèr kìíy móo beèrì wun bìʼ ven.

2 Timoti 1:16

Yii bèy, Onesiforur yòʼ‑oò lo woòmé, e màʼày mo ji bìʼ fo m siìn é sháŋ. Nyùy ku laàmé wùn à kfə́ə rəə́ bìʼ kee shooy. Wù‑uù rə́si yii akàŋ anín, a m shéʼri.

Filemon 1:20

Fər wom, ku yiì kinyo ke m lón kìn ki, bìʼ fo wòsò tatin ji wír Jesus Kristu. Ku yiì rì bìʼ kintatì kee shooy, é shilív shém shí rəsin.

2 Joon 1:4

Mò‑oò yèn mo wón vé ámóʼó jumrì kinyo ke dzəə̀n ke ru kí, a sheʼrí feyì. Aá jumrì réŋréŋ mo Nyùy suuy ji vèsən wáa yiì.