Filemon 1:6 - ŊWÀʼ NYÙY

⁶ M nén a bùnrì, a lon jii, mo à wáy shilív e Jesus Kristu wùn, a vèn à wír Nyùy adzə̀me sì kifá kimòʼón, kí ku yiì, áà maysi, e kìíy vinyo ve juŋ vi ve dzə̀ vèsən wàa yiì bìʼ Jesus Kristu vidzə̀m.

Filemon 1:6 Iomraidhean Croise

Matio 25:16

Wìr wo wù‑uù kér vibam vitàn və̀y siíy, e kàvnín wáy e mbàm sìy si, e kòóy séʼ sa vibam vitàn.

Matio 5:16

Kù dzə̀ sá mo vèn wáa fo rán e wíri. Vèn wáa dìn wíri a dzə̀ vinyo ve ru ví, á lóo yen, aá wáa burí Tàr won wo wù dzəə̀n é yuv.

1 Korin 14:25

Mo kí sáʼ bèy, é wù nèn kuùmé vinyo ve wù litì e wùn shiliv vidzə̀m, e tsə̀m fó nsay, a fo ghvə́m e Nyùy, a binsí ji Nyùy dzə̀ rú e věn mvəm.

1 Korin 16:9

M kòóy ne kintóʼ ke kuʼùn kí fen ke dzə̀ m wàa lìm lim Nyùy sho. Mo wír ámóʼó fə̀m ban mo fen anín, m kì ji lim rə̀ne wíy a ker a séʼ wo kuʼùn.

Filipi 4:8

Afə̀r vem, kinjòʼsì ké kinyò ki nén a dzə jii, vèn kú a kwàʼtì vinyo a dzə̀ á ve ru ví ve dzə̀ wíri wàa ghvəm, e kfə̀n a kwàʼtì ve ví dzəə̀n là kiloʼ wùn à vee là nsem vi. Vèn ku tìír vifií vén a dzə̀ é vinyò ve ví wáa bòŋ wir dzə̀m, ve wíri wáa yen, a kòŋ. A kinyo ke juŋ ki dzə̀ shó ke dzə̀ wíri wàa burí, vèn wàa kwàʼtì a dzə̀ kee shooy.

Kolosia 1:9

Kèʼ fo kishiíy ke vèr‑iì yuun mo vèn wayin shilív e Jesus Kristu wùn, vèr ku nèn a bùnrì fo vèn ghán sidzə̀m. A vèr lón ji Nyùy ku yiì, é vèn kiíy vinyo ve ví dzəə̀n e wùn shiliv, a kiíy ghán sidzə̀m mo wù koŋ ji vèn wáa yiì, é vèn nèn a kiíy rú vinyo.

Kolosia 3:10

Vèn sí kér melív me fíy mè lèn, kér a dzə̀ liì wo fíy. A yì‑iì nàŋsín Nyùy melív men, a kù sheŋrì wun ghán sidzə̀m ji vèn wáa ker liì a dzə̀ á və́ə, e nèn màysì, e kiíy mo wun woo Nyùy dzəə̀n ŋkuuŋkùŋ.

Titur 3:14

A dzə̀ wír vee vèsə́n kintatìi kù a kiíy ji á wáa yiì lim ye juŋe, a sə vinyo ve ví dzəə̀n é shií. Lá áwune yòʼ a dzə dzəə́n kisáŋ.

Hibru 6:10

Bó Nyùy yòʼ yii lóʼ wír. A bó yòʼ dzə̀ wù làysìn mo vèn rə́si lim e wùn kinyò. Wù yoʼ làysìn mo vèn koŋ wír ve dzəə̀n və́ adzə̀m, sə́ áwune. A vèn lim a dzə̀ fo wun réŋréŋ mo vèn kù yii, e shem lèn.

Jeem 2:14

Afə̀r vem, a wìr lò, a suúy ji wun wày shilív e Nyùy wùn, a bó wù yòʼ yii mo Nyùy suuyì, kee shooy ki sə̀ wun e gha? A dzə̀ ŋgaàŋ lùŋ bìʼ fo wù wayin shilív e Nyùy wun é dzəə fóo fèy a?

Jeem 2:17

Vèn yén ri, a wìr suuy ji wun wày shilív e Nyùy wùn, a bó wù yòʼ yii mo Nyùy suuyì, bo dzə̀ kisáŋ.

1 Pita 2:12

Vèn lóo dzə vèn à wír ve bó á yòʼ kiìn Nyùyi, vèn kù a dìn a dzə̀ liì wo juŋ. Aá fə̀m lór ven, aá kú a yen a dzə̀ vinyo vén ve ru ví, wíy lóo dzə e kishiíy ke Nyùy taʼ, e sham áwune, wù jaŋè, aá nèn màʼtì liì wov wo bi və̀y, e bìnkìr, a ghvəm a dzə̀ wun.

1 Pita 3:1

Kímóʼ kí nen kfə̀n a dzə sa jii, ven vee vikǐy vilum, vèn wáa yu a dzə̀ fo alúm véné. Vèn lóo yiì bèy, a lum wùmòʼ woo wír dzə̀, a bó wù yòʼ tíy e kinyò ke Nyùy, wù lóo yen mo vèn yú alúm vén, leey a dzə̀ fo věn nsaàlav, ghanmóʼ, é wù binkir, e wày shilív e Nyùy wùn, a bó á yoʼ sùúy suuyín.

1 Pita 3:16

Lóo naàrì, vèn wàa naàrì ji weè e shilív she juŋ shi. Kinyo ke vèn yii kidzə̀m ki kú a dzə ke shilív shén shí bínsi, wíri lóo toy vinyo ve kisaŋ vi e věn bàm ji bìʼ fo vèn dzəə̀n wír Kristu, lóo yen, a vèn kù din a dzə̀ liì wo juŋ, aá wáa woomé.

2 Pita 1:8

A vèn lò, a yiì vinyo vìn vidzə̀m, a dù duùn fó mbìy, é vèn nèn màysì, e kìíy dzəʼə̀m Taàtá wòsən Jesus Kristu, a wàrkìr, a yiì vinyo a dzə̀ ve ví gheen Nyùy.