Filemon 1:1 - ŊWÀʼ NYÙY

¹ Ŋwàʼ və̀ne sàŋ mo woo Por wo m lim sháŋ bìʼ kinyo ke Jesus Kristu. A sàŋ vèr fər wòsən Timoti fo wò woo Filemon. À dzə̀ ŋkar yer féyì, a vèsən tàtí, a lìm kinyo ke Jesus Kristu amòʼón.

Filemon 1:1 Iomraidhean Croise

Lim Aŋgàa Ntum 16:1

Por dù, e mèé e mvə̀mlaʼ yee Derbe, e wìy lò, e dù e Lista. Ŋgaà biìmé wùmòʼ wáa dzə fo, a yírí dzə̀ Timoti. Yè wov‑iì dzə̀ sá ŋgaà biìmé, a dzə̀ wír woó Juda, tàr wov wáa dzə wir Grik.

1 Korin 3:9

A ver vee abaà víne tàtí wó a dzə̀ vèr à Nyùy ji á wáa yiì lim rə́. Vèn nén a dzə kén moo súm wo Nyùy taʼ, e fùm, e kfə̀n a dzə moo lav ye wù bómé.

2 Korin 1:1

Sàŋ mo woo Por, vèr fər wòsən Timoti ŋwàʼ və̀n. Dzə̀ mo wo dzəə̀n ŋgaà ntum Jesus Kristu mo Nyùy‑iì sìysìn. A ŋwàʼ və̀ne dzə̀ fo vèn vee kintatì ke Nyùy ke kí dzəə̀n é Korin, e kfə̀n a dzə sa fo wír Nyùy ve á dzəə̀n e věn wòŋ woo Akayàa adzə̀m.

Galatia 3:26

Sí kér Nyùy, bìʼ fo ven ve á wayin shilív e Jesus Kristu wùn adzə̀me siìn wón Nyùy.

Efesor 3:1

Mo Nyùy liìn ne ven sá ji və́ vee wír, m nén a bùnrì fo vèn ghán sidzə̀m. A dzə̀ mo woo Por wo m lim sháŋ, bìʼ fo m fiʼtì kinyo ke Jesus Kristu a dzə̀ e vèn ve bó yòʼ dzəə̀n wír veé Isray.

Efesor 4:1

Mo woo Por wo m lim sháŋ bìʼ kinyo ke Tàr wòsən Jesus Kristu nén a lon jii, vèn kú a ker dzəʼə̀m a dzə̀ yé wìr Nyùy mo wù‑uù liìn ven ji vèn wáa dzə.

Efesor 6:20

Kristu‑uù lì mo ji ŋkùvtu və ji m wáa fìʼtì sáʼka wo juŋ və̀n, a m lim sháŋ lèn a dzə̀ bìʼ sáʼka woo shooy. Vèn ku nèn a bùnrì ji m ku yòʼ a fìʼtì tèéter, là fan, mo dzə̀ m kù a fìʼtì.

Filipi 1:1

Ŋwàʼ və̀ne sàŋ mo woo Por vèr Timoti ve dzəə̀n aŋgàa lìm Jesus Kristu. Vèr sàŋ a dzə̀ fo vèn vee wír Nyùy ve á dzəə̀n é Filipi adzə̀m ve vèn à Jesus Kristu tatin. A wú dzə̀ fo vèn à vilìmbìy vén ví, à wír ve á lim e věn mvəmé adzə̀m.

Filipi 2:25

A m kfə̀n yén sa ji bo m kì tsə̀nsí á fə́r wòsən Epafraditur fo vèn. Dzə̀ taà lav wom, a vèr wun rə́si funèn e kinyò ke Jesus Kristu. A dzə̀ wun wo vèn‑eè tumen ji wù wiy, a sə a mo.

Filipi 4:3

M nen kfə̀n a suúy e wò woo ŋgaà wom ŋgoo feyì ji à ku sə̀ á vikìy vee shooy, aá mán vinyo vév. Dzə̀ wír ve vèr áwune‑eè katìr, fiʼtì sáʼka Nyùy wo juŋ, a yì‑iì fiʼtì vèr à Kilemon, aàŋgaà vém ŋgoo ámóʼó sá. A wír vìn adzə̀me dzə̀, a Nyùy sàŋ ne yír sév é ŋwàʼ wo á sáŋ yír sé wìr ve á wíy lùŋ sho.

Kolosia 1:1

Sàŋ mo woo Por vèr fər wòsən Timoti ŋwàʼ və̀n. A dzə̀ mo wo dzəə̀n ŋgaà ntum Jesus Kristu mo Nyùy sìysìn ji m wáa yiì lim rə̀n.

Kolosia 4:11

Joshua wo á kfə̀n yoŋ sa ji Justur shaʼtì sa ven. Fo wír veé Juda ve á tíy wùn à Jesus Kristùu kù mày vee ataár vìn ve á tatin ŋgoo yem, vèr áwune wáa fìʼtì kinyo kee kum sáʼ Nyùy. Aáwune sə́ mo féyì.

1 Tesalonika 3:2

e tùm á fər wòsən Timoti fo vèn. Fər wòsən Timoti və̀n dzə̀ ŋgaà lìm Nyùy wo vèr wun fiʼtì sáʼka wo juŋ woo kùm Jesus Kristu. Mo vèr‑iì kiiyin ne ji vèn yén ŋgeʼ e ŋàŋ, vèr nèn a fàn fo melív men mè wáa weèy, e tùm Timoti ji wù wiy, e tàvír ven, e tìr ven mo dzə̀ vèn wày shilív e Nyùy wùn kijuŋ. A vèn kì sá ji ŋgeʼ see shoon si kù kér fó a koóy vèsən vee aŋgàa biimé adzə̀m.

2 Tesalonika 1:1

Ŋwàʼ və̀ne sàŋ mo woo Por vèr à Silar, à Timoti fo kintatì keé Tesalonika ke dzəə̀n ké Nyùy woo Tàr wòsən wùn Taàtá wòsən Jesus Kristu.

2 Timoti 1:8

Kí nén a dzə jii, lá à yòʼ a woomé fó kù a fìʼtì a ji kù dzə̀ vèn à Taàtá wòsən Jesus Kristu. A bó yòʼ dzə̀ sá, à wàa woomé fo mò wo m lim sháŋ bìʼ wun woo Kristu. Ku lì kitú ké ki ji dzə̀ à kù tàtí vèsən, e yèn sá ŋgeʼ mo Nyùy fó wò vitaáví ve dzə̀ à wàa yen sho, é sáʼka və wo juŋ fíʼ a sàmèr.

Filemon 1:23

Epafar wo vèr áwune dzəə̀n é sháŋ fen bìʼ kinyo ke Jesus Kristu shaʼtì wò.

Filemon 1:24

Maak wùn à Aritakur, à Demar, à Luk ve vèr áwune tatin, a lìm kinyo ke Jesus Kristùu shaʼtì sa wò.

Filemon 1:9

Yii bèy, mo m kiìn ji à koŋ wír Nyùy e ŋàŋ, m nén a lon lonén ji à ku yiì a kinyo kee shoon a dzə̀ bìʼ koŋ yé. Áà wáa kiíy ji lón a mo woo Por wo m súŋnin moo ŋgàywìr e Jesus Kristu kinyò, a m kfə̀n lim sháŋ bìʼ wun.