Daniel 3:3 - ŊWÀʼ NYÙY

³ Vé saʼ vìne báʼtí adzə̀m adzə̀m ji á shéʼri a shibvə̀m she Fòn Nebukadnessar tuuyin. Á báʼtí, e tìím e shibvə̀m shee shooy shí si.

Daniel 3:3 Iomraidhean Croise

Daniel 3:2

Fòn Nebukadnessar tsə́nsí toóy ji atǎr saʼ ve á sáʼ mbìv sé wòŋ se kuʼkìn sí wùn à vé saʼ ve á dzəə̀n aáwuné sari wàá báʼtí. Wù toóy sá vé saʼ ve á sáʼ meliŋèn e mvə̀m wòŋ wùn à vé ntiri, à wír ve á yii lem mbàm e vitàví, e lì wír ve á yii lim e kinyò kee kùm nsər, wùn à vé saʼ adzə̀me báʼtí sá, e wìy, aá shéʼrí á shibvə̀m she wun woo Nebukadnessar tuuyin.

Daniel 3:27

Á bèy, atǎr saʼ ve á sáʼ mbìv sé wòŋ se kuʼkìn sí wùn à vé saʼ ve á dzəə̀n aáwuné sari, à vé saʼ ve á sáʼ meliŋèn e mvə̀m wòŋe, à vé ntiri báʼtí ji á kù‑úù yén ó a wír vìn ve á ghaʼan və́y. Á leéy, e yèn, a bó və́yí yoʼ kùm ŋgay nəŋ fo wìr kitu, kìn kirə́ʼ kév, kìn ndzə̀y fo áwuné wùn. Fə̀m kirəm ke və̀y, bó kí yòʼ‑oò ló a koʼ fo wìr wùn.

Daniel 3:4

Gwèy nèn a fuŋ jii, «Wìr dzə̀m yuúrí, kìn dzə̀ wir kitum kìka, kìn woó wòŋ vəné, kìn wù súŋnin a dzə̀ lám gha. Fòn suuy jii,

Ŋwàʼ woó Rom 3:11

A bó wìr yòʼ dzə̀ wo wù kiìn vinyo ve dzəə̀n ve ru ví, kìn wo wù taʼ, e kiíy Nyùy.

Ŋgaà Yen 17:13

Aáwune kù wíy a tiy kév kinyo kimòʼón ji á wáa tom sáʼ nyàm ye beemén rə̀y, e nèn way vinyo vév vidzə̀m a dzə̀ é kiwo wo.

Ŋgaà Yen 17:17

A kù ŋàʼár Nyùy melív me afòn vìn, bo á kfə́n mbòv e mòʼón, e wày sáʼ yév a dzə̀ e nyàm ye beemén rə̀y kiwo. A Nyùy yiì bèy ji á fíʼ yiì kinyo ke wù‑uù yiìn ne sùúy ji kí wíy koóy kidzə̀m.