2 Samuel 7:3 - ŊWÀʼ NYÙY

³ Natan suúy jii, «Yiì kinyo ke kí dzəə̀n e wò kwàʼtì ki, bìʼ fo Nyùy Tàr dzəə̀n vèn wun.»

2 Samuel 7:3 Iomraidhean Croise

1 Wòŋ 22:7

Wù‑uù yòŋ shó jii, «Wan wòm, mò‑oò sí kér e mǒ kwàʼtì ji m wíy bàʼrì a lav ye á wáa cù Nyùy Tàr woo Nyùy wom shó.

1 Wòŋ 28:2

Vé‑eè bàʼtí bey, Fòn Davir nèn lò e yuv, e yòŋ aáwune jii, «Afə̀r vem, wìr vem, vèn yuúrí, é m suúy ven kinyo. Mò‑oò sí kér e mǒ kwàʼtì ji m wíy bàʼrì a lav ye ŋkùv mensàŋ Nyùy Tàr kù wíy a dzə sho ghán sidzə̀m, ŋkùv mensàŋ wo Nyùy dzə́ e kàvàʼ, a wúu rəə́ meemè sho. Á bèy, m nèn yiì mbaʼtì kibàʼrì kìn.

2 Afòn 4:27

Wù wìy, e yèn Elisha e Gwan Karmel, e baàmé wúu rə́. Gehasi wìy, a tsə̀ʼ wun fo fo. Yii bèy, Elisha suúy shó jii, «Màʼtì wun fo bèy, bìʼ fo wù dzəə̀n é mvə̀m nyar ye tavíné. A Nyùy Tàr kì lìtì ne, e làa yòʼ suúy kinyo kfə́ e mò.»

1 Samuel 16:7

Nyùy Tàr suúy e Samuel jii, «Lá à yòʼ a leéy wun a dzə̀ fó si, kìn fó vidà, m kìnèn woo shoon. M yòʼ yii leey wír a dzə̀ mo wíri leeyì. Wìr lo, wù wàa leéy wír a dzə̀ fó si, a m leey kém a dzə̀ fó shiliv.»

1 Joon 2:27

M sáŋ bèn, a m kì ji Kiyoy ke Ranén kí ke Jesus‑eè foon e vèn kí kù dzə̀ə́ e věn meliv, yéʼey ven, a vèn kiiy vinyo vidzə̀m, la shií yòʼ a dzə wo kfə́n a yeʼéy wír ven. A Kiyoy ke Ranén kí yéʼey ven a dzə̀ kinyo ke ru kí, a bó yòʼ dzə̀ kí bòʼtí ven. Bìʼ bey, m nén a tir ven ji vèn kú a yu a dzə̀ á fo fo, a suusín vèn à Jesus Kristu.

Nsùyrì Nyùy 37:4

Kú a sheʼrí ké kí a dzə̀ Nyùy Tàr, é wù yii yiì kinyo ke shilív shé shi diyì.

Nsùyrì Nyùy 20:4

Wù kú a fo fon kifá ke shilív shé fòn shi tíy sho. Wù ku yiì, é kinyo ke fòn kidzə̀m ki kú a ghan kijuŋ,

1 Samuel 10:7

Vinyo vìn vi kooy wò, mayì, à wàa yiì kinyo ke kí dzəə̀n ji á yii, bìʼ fo Nyùy dzəə̀n vèn wun.

2 Samuel 7:4

Waá dzə vitsə́ʼ vee shooy, Nyùy Tàr nèn sùŋnín e Natan jii,

1 Samuel 14:7

Wìr wo wù‑uù kér ŋkeè rə̀r və və̀y suúy shó jii, «Yiì kinyo ke kí dzəə̀n e wò kwàʼtì ki, m dzə̀ wòsò vèr à shilív shém shí shidzə̀m.»

1 Afòn 1:8

Yii bèy, bó Tsadok woo taà cù wùn à Benaya woo wan Jehoyiada, à Natan woo *ŋgaà ntum Nyùy, à Shimey, à Rey, à wír Davir ve tavkíné yòʼ‑oò lo tòm Adonija.

1 Wòŋ 29:29

Vinyo vee Fòn Davir saʼ vidzə̀m, e kèʼ fo kèʼ, e dù, e màysì, á sàŋ áàŋwàʼ vinyò vee vé aŋgàa ntum Nyùy vee jii, Ŋwàʼ Vinyò ve Samuel, à wó Vinyò ve Natan, e lì wó Vinyò ve Gad.

2 Wòŋ 29:25

Fòn Hesekiya‑aà tìír wír veé ram Levi aáwuné virə̀ʼ e Nyùy Tǎr lav. Wù‑uù fò vifá ve kwaʼán ví aáwune, à lúŋ nshìí wùn à yé mbàytìi, kù mo Nyùy Tàr‑iì yòŋèn, e shaà fo Fòn Davir, e kfə̀n shaà fo Gad woo ŋgaà si fòn, à fo Natan woo *ŋgaà ntum Nyùy.