1 Samuel 2:3 - ŊWÀʼ NYÙY

³ «Ven vé kinsùmrìwùn, vèn sə́tí shuu wóné. Ven ve á kóʼor wún, vèn sə́sín. Nyùy Tàr dzə̀ Nyùy, a wù kì vinyo vidzə̀m. Wù kíyri wír e kinyò kidzə̀m ke wù yii.

1 Samuel 2:3 Iomraidhean Croise

1 Afòn 8:39

à kù yù é yuv fo à dzə́, e làysìn jay wov. Kù jòʼ wò cáʼ, vèn mòʼón, wo à kiìn shilív shé wìr msòŋ e dzə̀m. Kú a làʼ wir mòʼón mòʼón mo vinyo ve wù yii vi dzəə̀n,

Ŋwàʼ Jov 31:6

Nyùy kù tìnén nsaʼ yem é nsànloŋ. Tínenè, é wù yén ji m dzə̀ á rú là kiloʼ.

Nsùyrì Nyùy 147:5

Nyùy Tàr dzə̀ e gháʼtín, kér vitaáví e shaàsìn, a vifií və́ ví dzə̀ là mfìʼ.

Nsùyrì Nyùy 17:10

Á yòʼ kér mendzən gheéy, á súŋnin, kóʼor a dzə̀ wún.

Nsùyrì Nyùy 31:18

Sə́tí shúu vé kimboʼtìi, aá kfə́n ji vindzə̀mer, shúu wìr ve á jaʼ wír ve á yúnin wò, shúu wìr ve á kóʼor wún, taʼ wír vé ntéŋ.

Nsùyrì Nyùy 44:21

wù wàa meŋ à? Bó wù yòʼ kì kilìtì kee wìr shiliv a?

Nsùyrì Nyùy 75:5

Lá vén yòʼ dzə́ə a ŋàʼnìn. Lá vèn yòʼ dzə́ə a jàʼrì e kisuŋnìn.› »

Nsùyrì Nyùy 94:4

Áwune kóʼor wún, súŋnin, dzəv nsaŋ.

Ŋgàn 16:2

A dzə̀ wìr wàa yen ji vinyo ve wun yii vi dzə̀ á tìítiy, yii bèy, a kù yén Nyùy Tàr shilív shé ŋgaàŋ.

Ŋgàn 24:12

Aà lò, a sù njò yè jii, «Rúrú, vèr yòʼ kì fó kinyò fèn,» bo bó Nyùy wo wù tar shilív shé wìr dzə̀m yòʼ kù yéné à? Bó ŋgaàŋ wo wù kíy dzəʼə̀m yé yòʼ kù kì kidzə̀m à? Wù yòʼ kù wíy a làʼ wír a dzə̀ mo lim rəə́ dzəə̀n a?

Ŋgàn 8:13

Wìr lóo yunín Nyùy Tàr, bo wù sí ban kinyo ke bi kí. M ban kiŋkoʼòrwùn, ban lám woo baà.

Aysaya 26:7

Dzəə̀ wìr ve á yúnin Nyùy sì é leŋ. Nyùy Tàr, rúrú, à yii yii, a dzəə̀ wìr ve á ghán e wò mbòv dzə́ bèn ji fèm.

Aysaya 37:23

Sennakeriv, wìr wo à shéʼ, kuurì dzə̀ la? Wìr wo à súŋnin sho kitávín dzə̀ la? À fə́ti sí a dzə̀ vèn la? À kù yòʼ kì ji dzə̀ Ŋgaà wo Ranén woó Isray a?

Jeremia 17:10

Mo woo Nyùy Tàr, m kaʼày melív me wíri, tar kwaʼtì sév, laáme wír, kù mo yii rəə́ taʼà, laáme réŋréŋ mo liì və dzəə̀n.»

Esiker 35:13

Vèn‑eè kóʼninè, yoŋ vinyo fo shuù kùm mo, keŋ mo, táŋri vinyo, tónenè, a m kù yú.›

Daniel 4:37

«Ké lèn ki, mo woo Nebukadnessar, m búri Fon woó Yuv, kóʼor yír rə́, ghvə́m wun. Lim sə́ sidzə̀m si din a dzə̀ suuyrú, a vinyo ve wù yii vi dzə̀ là kiloʼ, a wù dzə̀ a dzə̀ wù sèn wir dzə̀m wo wù kóʼor wún.»

Daniel 5:27

Nsàv ‹Vidzəə̀sì› din a ji Nyùy fìʼ ne wun, e yèn, aá wàá caár.

Malakay 3:13

Nyùy Tàr suuy jii, «Vèn yòŋ ne vinyo ve ghaʼtín ví e mǒ bàm. Yii bèy, kfə̀n dzə́r jii, ‹Vinyo ve vèr yòŋèn e wò bàm ví dzə̀ viné ví?›

Hibru 4:12

Vèn wáa kiíy jii, jí se Nyùy si dzə̀ sigháʼtín, a dzə̀ sí yiì kinyo. Sí lim e wìr shiliv, lim e vifii, njím shaa shwàʼ wo á baàyìn mbìv sidzə̀m. Sí sáyri kwaʼtì wìr e dzə̀m, kìn dzə̀ ye yí tíy e shiliv, kìn ye wù kwaʼtì a dzə̀ fó vifii, kwaŋrì réŋréŋ mo shwàʼ ghàn é nsàn se vighvər.

Joshua 22:22

«Nyùy Tàr dzə̀ taà Vitu, Nyùy Tàr dzə̀ Taà Vitu, a wù kì. Kí ghèén é Isray wúnwun kiíy sá. A vèr fèn tàv rú a dzə̀ kitú, kìn ji vèr méŋ Nyùy Tàr méŋén, lá vèn yòʼ màʼtì ver atin e kishiíy ké lán ki.

Ŋgaà Yen 2:23

bo m kù yíi màʼ yàsí aàŋgaà və́ ŋgoó wùn adzə̀m, aá kpúkír. M yii bèy, é vintatì vidzə̀m vi nèn yèn rú ji dzə̀ á mo, wo m kiìn vinyo ve ví dzəə̀n e wìr bvə̀m, e kfə̀n kìíy ve shilív shé ŋgaàŋ shi tíy sho. A m wíy a yiì kinyo e wìr, a dzə̀ mo ŋgaàŋ‑eè yii.

Atǎr Nsaʼ 9:38

Sebul nèn bìnèr jii, «Shuu wo à kì fáŋé, dzə́r ji Abimelek sà dzə̀ la, é bo vèn wáa lìm fo wune bèé lèn? Bó yòʼ dzə̀ wír ve wò‑oò ŋwáy vìy bèn à? Shaà ri, e dù, é vèn áwune maʼ rə́r.»

1 Samuel 16:7

Nyùy Tàr suúy e Samuel jii, «Lá à yòʼ a leéy wun a dzə̀ fó si, kìn fó vidà, m kìnèn woo shoon. M yòʼ yii leey wír a dzə̀ mo wíri leeyì. Wìr lo, wù wàa leéy wír a dzə̀ fó si, a m leey kém a dzə̀ fó shiliv.»