1 Joon 5:3 - ŊWÀʼ NYÙY

³ A koŋ ye vèsən koŋ Nyùyi dzə̀ mó a yu sáʼ rə́. A bó sáʼ rə́ rə́ne yoʼ ghàʼ fo vèsən wáa yiì gheéy,

1 Joon 5:3 Iomraidhean Croise

2 Afòn 18:6

Wù‑uù jumrì Nyùy Tàr féyì, a bó wù yòʼ‑oò lo ghàn sìíy yàr fó a jùmrì wun. Wù‑uù yú nsər se Nyùy Tàr‑iì foon e Mooser.

Nsùyrì Nyùy 119:140

Ŋkàʼme wò kù dzə̀ là kiloʼ ŋkuuŋkùŋ, a kwàn wóo koŋ ŋkàʼmé woo shooy feyì.

Nsùyrì Nyùy 119:45

a ghan, a wàrkìr, bìʼ fo m yú a dzə̀ fó ntò sé se yeʼéy se à foon e mò.

Ŋwàʼ Fəə 20:6

Yii bèy, a m din koŋ yém e wóné, e ŋgwàʼ sí ŋgwàʼ si, e dù, e meé nsə̀kì, bìʼ koŋ ye atàr véví koŋ mo, lem nsər sém.

Ŋgàn 3:17

Ví yii, a wìr dzə́ e vijùŋ, kiŋsìn ŋgaàŋ, a wù dzə́ ji nyaáŋ.

Daniel 9:4

M ku nèn a bùnrì Nyùy Tàr woo Nyùy wom, a tunrí ajay wìr vém, a yòŋ sho jii: «Éè Nyùy Tàr, à dzə̀ Nyùy, aà shaà vitaáví, a vèr ghvə́m wò. À kù yii tíy e *mensàŋ me wò‑oò gwàrìn vèn à wír vée, din koŋ yé e wír ve á koŋ wò, kfə̀n yúnin nsər sé.

Mayka 6:8

Éè wìr msòŋ, Nyùy Tàr dìn ne kinyo ke juŋ ke dzə̀ à yiì. Kinyo ke wù leey ji à yii kí dzə̀ jii, à kú a yiì vinyo vee réŋ ví, a ker shammèndzə̀n, a ghan e wun woo Nyùy mbòv, a borkír.

Matio 23:4

Áwune báʼti vinyo nyanyày, nə́ʼəy wíri shó, a bó yòʼ dzə̀ áwune nàn wan kiwo ji á tóm shó.

Joon 14:15

«A vèn koŋ mo, vèn wàa lèm nsər se dzəə̀n sém.

Joon 15:10

A vèn lò, a lèm nsər sém, bo m kù yíi a kòŋ ven, réŋréŋ sá mo m lem sé Tàr wor, a wù koŋ mo.

Joon 15:14

A vèn yú kinyo kém rú, bo vèn sì ŋkar sém.

Ŋwàʼ woó Rom 7:12

Mo kí fə̀m dzəə̀n bey, bó yòʼ dzə̀ ji nsər Nyùy sì á kinyo ke bi kí. Vinyo ve nsər suuy vidzə̀m vi lo a dzə̀ fo Nyùy, a dzə̀ vinyo ve ru ví, e kfə̀n a dzə vijuŋ fo wíri.

Ŋwàʼ woó Rom 7:22

A shilív shém shí kù yòʼ koŋ nsər ye foon Nyùy, bínsi feyì.

Remrí 5:10

Yii bèy, a m din koŋ yém e wír ve á koŋ mo, lem nsər sémé, e kù a dìn bèy, e dù, e meé mo ŋgwàʼ si wíy a koʼ, ansə̀kì ansə̀kì.

Remrí 7:9

«Bo dzə̀ ji vèn kiíy á ji Nyùy Tàr woo Nyùy won kù dzə̀ wun Nyùy. Wù dzə̀ Nyùy woo ŋgaà suuyrú, a wù yii tíy e wun mensàŋ, din koŋ rə́ ye wiyí e wír ve á koŋ wun, kfə̀n lem nsər səə́. Wù kù wíy a dìn bèy mo ŋgwàʼ sév sí wíy a koʼ viyá viyá là may.

Hibru 8:10

Yii bèy, ghán sé mensàŋ me mvə mè si wíy shaà, é mensaŋ me m gwar vèr à wír veé Isray mè wáa dzə jii, m wíy way nsər sém aáwuné vifii, e saŋ aáwuné meliv. M wíy a dzə Nyùy wov, aáwune wáa dzə wír vém. Suuy mo woo Nyùy Tàr.

1 Joon 2:3

Kímóʼ kí wáa dzə jii, a dzə̀ vèsən kù a lèm nsər se Nyùy, e bóo kiíy rú ji vèsən kì á wun.

2 Joon 1:6

Kinyo ke dzə̀ kí wàa dìn ji vèsən koŋ Nyùy ki dzə̀ jii, vèsən wáa lèm a nsər sə́. A nsər ye wù‑uù foon e vèsən fó mbìy, e kèʼ mo vèsən‑eè yuun kinyo kfə́ dzə̀ jii, vèsən wáa kòŋnìn.