3 A bó wìr wo wù kinèn kinyo kee shooy yòʼ kér Kiyoy ke Nyùy gheéy. Vinyo ve wù yii vi dzə̀ vé Ŋgaà Vibàn Kristu wo vé‑eè suuy e vèn ji wù wíy wìy, a wù sì lèn e ndzə fèn.
Wòn vem, ghán se ndzə rə̀n wíy mày si sì fó mentsə̀m. A vé‑eè ló a suúy e vèn ji ndzə wíy lòo mày, é Ŋgaà Vibàn Kristu wàá wiy, aá wìy ne lèn anín. Mo á wìyìn ne, vèsən nèn a kiíy rú ji ndzə rə̀n waà sí mayì.
Mo vèn kiiyin ne bèy, bo ŋgaà kimboʼtì dzə̀ la lèn? Bó yòʼ dzə̀ wír wo wù kinèn ji bó Jesus yòʼ dzə̀ *Mfə̀ə́r wo Nyùy‑iì tumen a? A wìr woo shooy dzə̀ Ŋgaà Vibàn Kristu. Wù káy Wan Nyùy, kfə̀n káy sa Nyùy woo Tàr wov.
A m sáŋ bèn, bìʼ fo wír ámóʼó wìyìn ne anín, a ghan virə́ʼ vidzə̀m, a boʼtí wíri bóʼtín, a kìnèn ji bó Jesus yòʼ‑oò lo wìy e nsay fèn, e lì rú á mbom wìr. A wír vee shooyi dzə̀ vé fòn kimboʼtì wo dzəə̀n Ŋgaà Vibàn Kristu.