1 Joon 4:2 - ŊWÀʼ NYÙY

² A dzə̀ vèn wàa səə̀m wír wo wù kér rú Kiyoy ke Nyùy a dzə̀ fó kinyò ke wù suuy kùm Jesus. A wìr fiʼtì ji Jesus Kristu‑uù wìy é nsay fèn, e lì mbom wìr, bo ŋgaàŋ kér rú Kiyoy ke Nyùy.

1 Joon 4:2 Iomraidhean Croise

Joon 1:14

Á mo Jínyùy‑iì wìyìn, e lì mbom wìr, a dzə wùn à wíri, a kòŋ áwune féyì, a dìn rú mo Nyùy dzəə̀n, vèr wáa yen vikuʼùy və́. A kù dzə̀ vikuʼùy vé Tàr wov, bìʼ fo kù jòʼsìn wun wo dzəə̀n Wan Nyùy.

1 Korin 12:3

M nén a tàʼ lèn ji vèn kiíy kijuŋ a ji wìr wo wù suuy kfə́ kinyo ke kí loòn a dzə̀ fo Kiyoy ke Nyùy ki yòʼ dzə̀ á wù kfə̀n a dzə ji lòné shóv Jesus. A bó yòʼ dzə̀ wìr kfə̀n a fìʼtì ji dzə̀ Jesus wo dzəə̀n Tàr, a bó bánrí Kiyoy ke Nyùy ŋgaàŋ.

1 Timoti 3:16

A dzə̀ vèsən wàa binsí ji kinyo ke toʼon Nyùy, é bo vèsən kiíy mo dzə̀ á ghvə̀m wun kìn kí dzə̀ rú kinəə́nén. A kí dzə̀ jii: Kristu‑uù wìy, e lì mbom wìr, Kiyoy ke Ranén kí bínsí wun, nshèelav se Nyùy si kfən yèn wun. Á wáa fìʼtì woŋ sidzə̀m mo wù dzəə̀n, wíri wáa way shilív é wùn wó virə́ʼ vidzə̀m. Nyùy kfən lì wun, e kòʼór e wùn ghaŋ.

1 Joon 1:2

Á mo Nyùy‑iì yiìn, é bo wíri yén dzəʼə̀m yee là may. Mo vèr yenen wun wo wù fó dzəʼə̀m yee shoon, e nèn a fìʼtì e wíri. Ku nèn a dzə kíwun ke m fer e vèn lèn. A ŋgaà dzə̀ʼə̀m woo shooy‑iì dzə́ a dzə̀ wùn Nyùy woo Tàr wòsən. Ghán sí wìy ghèén, Nyùy dìn wun e vèr.

1 Joon 2:23

A wìr káy Wan Nyùy, bo ŋgaàŋ káy sa Nyùy. Wìr wáa yu Wan Nyùy, bo wù yú sa Nyùy.

1 Joon 4:15

Kí nén a dzə jii, a wìr fiʼtì ji Jesus dzə̀ Wan Nyùy, bo ŋgaàŋ tíy kfə́ wùn Nyùy, a Nyùy tíy sa wùn ŋgaàŋ.

1 Joon 4:3

A bó wìr wo wù kinèn kinyo kee shooy yòʼ kér Kiyoy ke Nyùy gheéy. Vinyo ve wù yii vi dzə̀ vé Ŋgaà Vibàn Kristu wo vé‑eè suuy e vèn ji wù wíy wìy, a wù sì lèn e ndzə fèn.

1 Joon 5:1

Vèn wáa kiíy jii, wìr dzə̀m wo wù biíme ji Jesus dzə̀ *Mfə̀ə́r wo Nyùy‑iì tumen dzə̀ wo dzəə̀n wan Nyùy. Vèsən kì jii, wìr lóo kòŋ wír, bo wù koŋ saa wan wìr woo shooy.

2 Joon 1:7

A m sáŋ bèn, bìʼ fo wír ámóʼó wìyìn ne anín, a ghan virə́ʼ vidzə̀m, a boʼtí wíri bóʼtín, a kìnèn ji bó Jesus yòʼ‑oò lo wìy e nsay fèn, e lì rú á mbom wìr. A wír vee shooyi dzə̀ vé fòn kimboʼtì wo dzəə̀n Ŋgaà Vibàn Kristu.