1 Joon 3:3 - ŊWÀʼ NYÙY

³ Kí nén a dzə jii, wìr wo wù leey fó mbìy, shiy Jesus, yii baamè vinyo ve bi ví, ji wun fíʼ a dzə là njò, réŋréŋ mo Jesus dzəə̀n.

1 Joon 3:3 Iomraidhean Croise

2 Samuel 22:27

À kér shilív she juŋ shi vèn à wír ve á kér melív me juŋ mè, din nyár yé e wìr wo wù yòʼ ghán tìítiy.

Matio 5:48

Kidzə̀m ki wáa dzə jii, vèn wáa yiì vinyo vén tìítiy, é ví wáa ran réŋréŋ mo Tàr won wo wù dzə́ e yuv ráné.»

Ŋwàʼ Luk 6:36

«Vèn wáa rər mendzən me wìr réŋréŋ mo Tàr won rə́rí.

Joon 17:19

M nén a fo kitú kém e wò bìʼ áwune vin, aá fíʼ a dzə rú wír vé ŋkuuŋkùŋ.

Lim Aŋgàa Ntum 15:9

Wù kfən làysìn ajay vév, bìʼ fo áwune‑eè wayin shilív e Jesus wùn, e làa yòʼ a dìn jeéyjeéy fo vèsən à wír vee shooyi gheéy.

Ŋwàʼ woó Rom 15:12

Aysaya kfən sùúy jii: «Taà saʼ wo fíy wíy fəə fo Jessi ram. Dzə̀ wun wo wù wíy saʼ vitúm ve bó yòʼ dzəə̀n veé Isray, aá wíy way vifií é wùn wó ji á luŋ fó fo.»

2 Korin 7:1

Ŋkar sem, mo Nyùy kàʼàn vèsən é kinyò fèn, vèsən ku nèn a nyeŋ vinyo ve ví kóʼoy fo Nyùy vidzə̀m, kìn dzə̀ ke wìr kwaʼtì fo wùn shiliv, kìn dzə̀ ke wù yii yiìn. Vèsən ku fò vitú vesən a dzə̀ e Nyùy ŋkuuŋkùŋ, a ghvəm wun, a yu a dzə̀ fó fo.

Kolosia 1:5

Vèr kì ji vèn yii vinyo vìn bèn, bìʼ fo vèn tiirin ne vifií a dzə̀ fó mbìy, a shìy vijuŋ ve Nyùy kàʼàn ven shó e yuv. A dzə̀ vijuŋ ve vèn‑eè yuun é ghan se vé‑eè wìyìn, a fìʼtì ven kinyo ke dzəə̀n ke ru kí, ke dzəə̀n sáʼka wo juŋ wo wù lo a dzə̀ fo Nyùy.

2 Tesalonika 2:16

Vèr ku nèn a lon fo wúnwun woo Taàtá wòsən Jesus Kristu wùn Tàr wòsən Nyùy jii, á kú a bayrí melív men, a tavír ven, é vèn wáa suúy, a yiì a dzə̀ vinyo ve juŋ vi. A Nyùy wo vèsən lón fo fo və̀n‑eè lo dìn ji wun koŋ vèsən. Wù‑uù shàm vèsən, e yiì, melív mèsən mè wáa lùm ghán sidzə̀m, e kfə̀n yiì, vèsən wáa shìy a dzə̀ vijuŋ ve wù‑uù kàʼàn vèsən shó.

Titur 3:7

A wù‑uù fó bèy ji wun fiʼ bùʼ vèsən, e lì a ji wír vee là jay, aá wáa kiíy ji á wíy nəə́ e vijùŋ ve wù‑uù lèmèn e wír vəə́, a dzə̀ dzəʼə̀m yee là may.

Hibru 12:14

Vèn wáa mùm kitávín ji vèn à wíri wáa dzə dzə́ ye juŋe ji nyaáŋ, e kfə̀n a mùm feyì ji vèn wáa ker a dzəʼə̀m ye yí wáa dzə e juŋ, là nsem, a kiíy jii, a wìr bùŋ dzəʼə̀m yee bey, bo bó yòʼ dzə̀ á wù wìy yèn Nyùy.

Hibru 6:18

Mo wù‑uù kàʼàn, e kfə̀n lìʼ, vinyo vìn vi nén a dzə vibaà ve bó yòʼ dzə̀ ví shaà fó ghaŋ, bìʼ fo vinyo vee shoon vi fəən a dzə̀ fo Nyùy shuù, a bó wù yòʼ yii bóʼti kimboʼtì. Kí nén a lùmèr melív mèsən ve á nəən ne e Nyùy sar, ji á fíʼ lùŋ vìn, á wáa ghar ŋkàʼmé və kitávín, a leéy a dzə̀ fó mbìy.

Hibru 7:26

Wù nen ghèén feyì e taà cù wo kuʼùn wo dzə̀ vèsən wàa ker, e bóo fíʼ lùŋ. Wù kù dzə̀ kfə́ ji wir Nyùy cáʼ, a bó wù yòʼ kér njò yìmòʼ gheéy, a bó shilóm shi yòʼ dzə̀ é wùn wó gheéy shishàr, e bó a dor. Wù tíy kfə́ jeéy fo wíri adzə̀m, bìʼ fo áwune dzəə̀n aŋgàa jay. Nyùy kfən lì wun, e kòʼór e ntoò yùv.

Jeem 4:8

Vèn wáa koʼtí e Nyùy ghaŋ, é Nyùy wáa koʼtí sa e věn ghaŋ. Ven ve á buʼtì vinyo, vèn fəə́r wó yéné fó fo. Ven ve á tíy vèn à Nyùy melív mebaà, vèn fəə́r kwaʼtì ye bií fo věn meliv.

1 Pita 1:15

Mo Nyùy wo wù liìn ven ji wír və́ dzəə̀n e ránén là jay, vèn kú a yiì vinyo vén vidzə̀m, é ví wáa dzə viránén là jay.

1 Pita 1:3

Vèsən ku nèn a beèrì Nyùy woo Tàr à Taàtá wòsən Jesus Kristu. Wù‑uù rə̀r ne mendzən fo vèsən é ŋàŋ, e yiì, vèsən wáa dzə wír və́ bìʼ Jesus Kristu. Mo Kristu‑uù kpuun fo vèsən, e kfə̀n fəə̀ fó kpu, vèsən nén a dzə wír ve á dzəə̀n afíy. A vèsən sí dzə́ lèn, njeʼ feyì, leey a dzə̀ fó mbìy ji

2 Pita 1:4

Á mo Nyùy‑iì ghanen, é bo vèsən nəə́ e wùn mvə̀m vinyò ve wù‑uù kàʼàn wíri shó fo ŋgùʼ, a dzə̀ aŋkàʼmé ve ghaʼtíné ve dzə̀ á sə̀ vèsən féyì. Vèsən nén a dzə lèn, aá bóy ne fo vinyò ve mensə́ me dom wíri, aá buʼtì e ndzə fèn. A vèsən sí yú a dzə̀ fo Nyùy, kér liì a dzə̀ və́ə.

2 Pita 3:14

Á bèy lèn ŋkàr sem, mo vèn sí shiy kishiíy ke Kristu wíy kfən, vèn ku tìír vifií vén féyì ji vèn à Nyùy wáa dzə a kiránén, é melív men mè wáa neŋ ji nyaáŋ, é la vèn yòʼ a fàn kinyo kímóʼ kí gheéy.

1 Joon 2:6

a wìr suuy ji wun tíy kfə́ wùn Nyùy, wù kù a ker a liì a dzə̀ wo Jesus‑eè kérí.

1 Joon 4:17

Kinyo ke kí din ji koŋ ye Nyùy koŋ vèsəné shèmsín e kinyò ke wù taʼ ki dzə̀ jii, vèsən yòʼ dzəə́ fan a kishiíy ke wù wíy tinén nsaʼ wìr dzə̀m. A bó yòʼ fə̀m dzə̀ vèsən wìy a fàn, bìʼ fo vèsən sí ghán e nsay fèn mo Jesus‑eè gháné.