1 Joon 3:2 - ŊWÀʼ NYÙY

² Ŋkàr sem, vèsən dzə̀ rú wón Nyùy lèn. A bó vèsən yóʼ ne kìíy mo vèsən wíy a dzə e ghan se sí wiyì. Ke vèsən kiìn kí dzə̀ ji Jesus wíy wìy, é vèsən wáa dzə réŋréŋ moo wun, a vèsən wíy yen rú mo wù dzəə̀n.

1 Joon 3:2 Iomraidhean Croise

Filipi 3:21

Wù wíy wìy, é wù biner viŋgà vesən vé wùn veé nsay vìn, é ví kfə́n réŋréŋ moo və́ woo wún wo dzəə̀n woó yuv. A vitaáví ve wù wíy bìnèr sho vìn vi dzə̀ ve dzə̀ wù bàʼtí vifá veé ndzə sho vidzə̀m, a saʼ.

Kolosia 3:4

Yii bèy, mo dzəʼə̀m yéné dzəə̀n yé wun woo Jesus Kristu, wù wíy lòo kfən, a wù sí kér vikuʼùy və́ veé yuv, é vèn nèn nə̀ə́ sa e wùn mvə̀m vikùʼùy fóo fèy.

2 Korin 3:18

Vèsən adzə̀m nén a dzə lèn, a bó Kiyoy kee shooy ki yòʼ dzəə́ laynìn fo vèsə́n si, vitaáví vé Nyùy vi wáa yensín e vèsə́n wùn ghán sidzə̀m. Kiyoy ke Tàr wòsən kin ki kfə́n a lìm e vèsə́n wùn, a yiì, vèsən wáa kuvsín, a dzə moo wun woo Kristu, a dù duùn fó mbìy, a ker vitaáví ve dzəə̀n vé Nyùy.

1 Korin 13:12

Vèsən dzəə́ yén vinyo lèn ji làʼrì làʼrì mo wìr yèn sí rə́ é mendzə̀v. Yii bèy, wíy lòo dzə e ghan see shooy, é vinyo vidzə̀m vi nèn ràn e vèsə́n si. Lèn və̀n, m kìíy vinyo kimbéʼ, a wíy lòo dzə e ghan see shooy, é m nèn màysì, e kìíy vinyo vidzə̀m réŋréŋ mo Nyùy kiiyin ne vém vee vinyo lèn.

Ŋwàʼ woó Rom 8:29

Wù‑uù sìysì jii, wír ve wù‑uù yiìn ne kìíy ji wun wíy lì adzə̀me wíy a bìnkìr, a dzə moo Wán və, é wun woo Kristu nèn kòóy afə́r anín, a dzə ji wo mbìy.

Nsùyrì Nyùy 17:15

M dzə̀ kém, a m wíy shov wò e si, bìʼ fo m ghán a dzə̀ e wò mbòv. M wíy lóo yìmèn fo mbuùné, lóo yen wò mo à dzəə̀n, é kí gheén mo féyì.

1 Korin 15:49

Mo vèsən kér mbom lèn a dzə̀ ye Adam wo wù‑uù loòn fó kibvə̀r, vèsən kù wíy a ker sa mbom Kristu wo wù‑uù loòn kfə́ a dzə̀ fó yuv.

Ŋgaà Yen 22:4

Aá wíy a yen sí wun woo Nyùy, aá kfən sàŋ yír rə́ aáwuné yírvishi.

2 Pita 1:4

Á mo Nyùy‑iì ghanen, é bo vèsən nəə́ e wùn mvə̀m vinyò ve wù‑uù kàʼàn wíri shó fo ŋgùʼ, a dzə̀ aŋkàʼmé ve ghaʼtíné ve dzə̀ á sə̀ vèsən féyì. Vèsən nén a dzə lèn, aá bóy ne fo vinyò ve mensə́ me dom wíri, aá buʼtì e ndzə fèn. A vèsən sí yú a dzə̀ fo Nyùy, kér liì a dzə̀ və́ə.

1 Korin 2:9

A dzə̀ kíwun ke vé‑eè saŋen é Ŋwàʼ Nyùy jii: «Vinyo ve bó wìr yòʼ‑oò yiì ne yèn, a bó á yòʼ‑oò yiì ne yù, a bó ví yòʼ fə̀m‑eè yiì ne wìy e wìr vifii, ví dzə̀ víwun ve Nyùy‑iì sìysìn fo wír ve á koŋ wune.»

1 Joon 3:1

Vèn ku yèn búʼú mo Nyùy koŋ vèsən, yoŋ ji wón və́. A bó wù yòʼ yoŋ a dzə̀ fó shuù, vèsən dzə̀ rú wón və́. A bó wír veé nsay fène yòʼ kì, bìʼ fo bó á yòʼ kiìn sá Nyùy.

Galatia 4:6

Mo wù liìn vèsən ji wón və́, e nèn tùm Kiyoy ke Wan və və̀n, kí wíy, e nə̀ə́ e vèsə́n meliv, a yiì, vèsən wáa yòŋrì Nyùy ji Tàr, Tàr.

Ŋwàʼ woó Rom 8:18

A m kì féyì jii, bó yòʼ dzə̀ á fìʼsìn ŋgeʼ ye vèsən yén fo shintàm fèn wùn à vijuŋ ve vèsən wíy a ker e yuv ghán sidzə̀m vi gheéy.

Galatia 3:26

Sí kér Nyùy, bìʼ fo ven ve á wayin shilív e Jesus Kristu wùn adzə̀me siìn wón Nyùy.

Joon 17:24

«Tàr, mo m sí kfə́n fo wò wùn lèn, m koŋ ji wír ve wò‑oò foon e mò víne wáa dzə vèr áwune fo m dzəə̀n, aá fíʼ a yen vikuʼùy ve wò‑oò foon e mò, bìʼ fo wò‑oò sí koŋ mo, é bo ndzə wìy a kèʼ.

Matio 5:8

Bòŋ ké wìr ve á kér melív me juŋ mè, bìʼ fo áwune wíy yen sí Nyùy.

1 Joon 2:28

Wòn vem, vèn ku nèn a suusín vèn à Jesus Kristu bèy, wíy lóo dzə e ghan se wù wiyì, é la vèsən yòʼ a woomé, a tàʼ, e laáy, aá fan a dzə̀ fó yen wun.

Hibru 9:28

Kù dzə̀ sá mo Kristu‑uù foon kitú kfə́, e kpù fo wíri kàŋ mòʼón, e nèn bèʼèy njò sé wìr anín, á bòy fo nsaʼ. A wù kfə̀n wíy wìy e ndzə fèn ji akàŋ abaà, a bó wù yòʼ dzəə́ wiy bèy ji wun kwaŋri á njò sé wíri. Wù sí wiy lèn ji wun luŋer á wír adzə̀m ve á shiy ji wù wiy.

2 Korin 4:17

A ŋgeʼ se vèr yén fo shintàm fèn sìn si náŋsin ver náŋsín, é vèr wìy nə̀ə́ e Nyùy mvə̀m vijùŋ ve ghaʼán ví, ve bó yòʼ dzə̀ ví mày, a bó yòʼ dzə̀ wìr kìíy móo fìʼ.

Ŋwàʼ Jov 19:26

A nyári fə̀m rèŋèr wún wóm, wú may, bo m kù yíi yen Nyùy, a m dzəə́ ŋeʼè.

1 Joon 5:1

Vèn wáa kiíy jii, wìr dzə̀m wo wù biíme ji Jesus dzə̀ *Mfə̀ə́r wo Nyùy‑iì tumen dzə̀ wo dzəə̀n wan Nyùy. Vèsən kì jii, wìr lóo kòŋ wír, bo wù koŋ saa wan wìr woo shooy.

Nsùyrì Nyùy 31:19

À nə́ʼsin wír ve á ghvə́m wò e vijuŋ vi, nə́ʼsin áwune e vijuŋ ve ghaʼtín ví, fó vijuŋ e wír ve á lir e wò wùné adzə̀m, a wìr dzə̀m yéné, səəmè.

Aysaya 56:5

bo m bóm kirə́v e mǒ lav, e saŋ yír sév shó wir dzə̀m. Kin ki wíy bòŋ, e shaà fo áwune wáa ker a dzə̀ wóné, bìʼ fo yír yéví kù wíy a tiy fo, e dù, e jòʼsì, aá yòʼ wíy làysìn.

Nsùyrì Nyùy 16:11

À wíy dìn mo dzə́ə ye dzə̀ m shaà shó, e bóo lùŋ. M lóo dzə e wò si, é m wáa ker kishéʼrì ke kuʼùn kí. Mo à dzəə̀n e mǒ koy yìyí, m kù yú vijuŋ, e dù, e jòʼsì.

Malakay 3:2

«Wù wíy wìy e kishiíy kee shó, é boy la? Wù wíy sàsìn, e bvəy, é goʼ a tiy la e wun shwin? Wù wíy a dzə moo və́y wo á ton kisha sho, é bo á sheŋri, a dzə moo shuv wo wú fəʼ kijuŋ.

Ŋwàʼ Luk 17:30

Á mo kinyo ki wíy koóy sa wíri é kishiíy ke ŋgaà wo yírí dzəə̀n Wanwìr wíy sàsìn, e bvəy.

Ŋwàʼ Luk 20:36

Áwune wíy a dzə réŋréŋ moo nshèelav se Nyùy, a bó yòʼ dzə̀ á kfə̀n a kpukír. Mo Nyùy fəərin áwune fó kpu, á sì wón və́ ŋkuuŋkùŋ.

Joon 1:12

Yii bèy, a wír ámóʼó‑oò ló a yen wun feyì, a way shilív é wùn wó. Wù nèn lì vee shooy adzə̀m, e bùʼ ji wáa dzə wón Nyùy.

Joon 11:52

A bó kí yòʼ‑oò dzə̀ ji Jesus kpú a dzə̀ fo wír veé wòŋ foo fèyi cáʼcáʼ. Wù‑uù wíy kpu ji wù fiʼ bàʼtí wír ve dzəə̀n vé Nyùy fo kitu ke nsay adzə̀m, aá wáa dzə kintatì kimòʼón.

Ŋwàʼ woó Rom 8:16

A yii Kiyoy ke wun woo Nyùy ke kí bánri melív mèsən, aá kiiy rú ji vèsən sì á wón və́.

Ŋwàʼ woó Rom 8:19

Vifá ve Nyùy bomen vidzə̀m vi sí shiy, njeʼ feyì jii, á yén á mo Nyùy wíy yiì e wón vəə́ e ghan foo fèy.

1 Joon 2:7

Ŋkàr sem, nsər ye m sáŋ fo vèn lèn rə̀n yòʼ dzə̀ e fíy. Kù dzə̀ kinyo ke vèn‑eè sí yú fo ŋgùʼ, e kèʼ mo vé‑eè kèʼèn, a fìʼtì kinyo ke Nyùy e vèn.

1 Joon 3:10

Kinyo ke kí din jeéyjeéy fo wón Nyùy wùn à vé Satan ki dzə̀ jii, wír ve bó á yòʼ yii kinyo ke ru kí, a bó á yòʼ koŋ afə́r véví yòʼ dzə̀ á wón Nyùy gheéy. Vee shooyi dzə̀ vé Satan.

1 Joon 3:21

Ŋkàr sem, kí nén a dzə jii, mo bó yòʼ dzə̀ melív mèsən mè wàa yàʼ, bo dzə̀ vèsən wàa koʼtí lèn e Nyùy si là fan.

Ŋgaà Yen 2:28

A m kfə̀n wíy fo ŋgaàŋ vitaáví a dzə̀ vé sàŋ wo wù yii lo kijàvndzə, shùy kù nèn tò.