1 Joon 2:3 - ŊWÀʼ NYÙY

³ Kímóʼ kí wáa dzə jii, a dzə̀ vèsən kù a lèm nsər se Nyùy, e bóo kiíy rú ji vèsən kì á wun.

1 Joon 2:3 Iomraidhean Croise

Nsùyrì Nyùy 119:32

M kù yíi a jùmrì, a yeʼéy nsər sé, bìʼ fo à yíi a dzə̀sì vifií vém.

Nsùyrì Nyùy 119:6

M lóo tuy sí e wò nsər, lóo ŋeèvì sidzə̀m, bo bó yòʼ dzə̀ féyì m wìy shòór kitú, a woomé.

Aysaya 53:11

Wù wíy yen ŋgeʼ, yì mayì, lóo yen vijuŋ ve yì wìyìn shó, kiiy nsàv, é shilív sə́ shí neem é nsay. Nyùy Tàr suuy jii, «Rúrú, ŋgaà wom lìm wíy yiì, aá mayir ajay wìr anín, bìʼ fo wun wo wù yòʼ kér jay wíy bèʼèy ajay wìr anín.

Ŋwàʼ Luk 6:46

Jesus nèn dzə̀r jii, «Bìʼ ka mo vèn yoŋrì mo ji Tàr, Tàr, a bó á yòʼ yii kinyo ke m suuyì?

Joon 14:15

«A vèn koŋ mo, vèn wàa lèm nsər se dzəə̀n sém.

Joon 15:10

A vèn lò, a lèm nsər sém, bo m kù yíi a kòŋ ven, réŋréŋ sá mo m lem sé Tàr wor, a wù koŋ mo.

Joon 15:14

A vèn yú kinyo kém rú, bo vèn sì ŋkar sém.

Joon 17:3

A dzəʼə̀m yee là may rə̀ne dzə̀ jii, wìr kiíy wò, wo kù jòʼsìn wò Nyùy wo rù, e kfə̀n kìíy sa mo woo Jesus Kristu wo wò‑oò tumen é ndzə fèn.

2 Korin 4:6

Yì‑iì mvə̀ʼ Nyùy vifií vér, é bo vèr yén rán, a kiíy Jesus. A kù dzə̀ wun woo Nyùy wo wù‑uù suuyin fó shuù ji ndzə rán, yì nèn ràn. Vèr nén a yen mo vitaáví vé Nyùy vi lim e Kristu wùn, a kiíy mo wun woo Nyùy ghaʼan.

Hibru 5:9

Wù màysì, e nèn ghèén e wìr wo dzə̀ wù lùŋèr wír ve á yú kinyo kfə́, a wù kù wíy a lùŋèr bèy ghán sidzə̀m, e dù, e mày,

1 Joon 2:13

A m sàŋ fo vèn ve siìn atàrí, bìʼ fo vèn kiiyin ne Nyùy wo wù‑uù siìn fó kèʼ, e sàŋ fo vèn vee wàʼbìn, bìʼ fo vèn soon ne Satan woo ŋgaà vinyò ve bi ví.

1 Joon 3:14

Á ban bèy, a vèsən kì ji vèsən bòy ne fo kpu, aá sí kér dzəʼə̀m yee là may. Vèsən kìíy bèy, bìʼ fo vèsən sí koŋ afə́r vesən. Yii bèy, wìr wo bó wù yòʼ koŋ fə́r və yòʼ dzə̀ wù bòy fó kpu gheéy.

1 Joon 3:19

Vèsən lóo kòŋnìn bèy, é vèsən nèn kìíy là méŋnín ji vèsən tíy rú a dzə̀ e Nyùy kinyò ke ru kí, é kí kfə́n a yiì sa, vèsən lóo koʼtí e Nyùy si, é la melív mèsən mè yòʼ a yàʼ.

1 Joon 3:6

Kí nén a dzə jii, wìr wo wù tíy kfə́ a dzə̀ wùn Jesus yòʼ dzə̀ á wù kfə̀n a yiì vinyo ve bi ví. A bó wìr wo wù yii kfə́ a dzə̀ vinyo ve bi ví yòʼ kì wír wo dzəə̀n Jesus, a bó wù yòʼ‑oo yií ne yèn wun.

1 Joon 4:13

Vèsən kì ji vèsən tíy vèsən à Nyùy, a Nyùy dzə̀ vèsən áwune, bìʼ Kiyoy kfə́ ke Ranén ke wù‑uù foon e vèsən.

1 Joon 4:7

Ŋkàr sem, vèsən kú a kòŋnìn, bìʼ fo yii Nyùy, bo wíri wáa kòŋnìn. Wìr lóo yiì bèy, é wù nèn a dzə rú wan Nyùy, e kfə̀n a kiíy sa Nyùy.

1 Joon 5:19

Vèsən kì sá ji vèsən dzə̀ á wón Nyùy, yii bèy, a wír ve dzəə̀n veé ndzə fèn adzə̀me dzə̀ kév e ŋgaà vinyò ve bi ví və̀y kiwo.

1 Joon 5:2

Mo kí dzəə̀n bey, vèsən nèn a kiíy jii, a vèsən koŋ Nyùy, yú sáʼ rə́, bo vèsən koŋ saa wón və́.

1 Joon 5:3

A koŋ ye vèsən koŋ Nyùyi dzə̀ mó a yu sáʼ rə́. A bó sáʼ rə́ rə́ne yoʼ ghàʼ fo vèsən wáa yiì gheéy,

Ŋgaà Yen 12:17

Wù yén bey, e màysì, e shwìíy kilòŋ fo wiíy və̀y, e nèn fəə̀ ji wun du, e kèʼ rə́r, a màʼ kfə́ə wiíy woo shooy ye yí berin, a dzə̀ áwune ve á lem nsər se Nyùy, tíy a dzə̀ é kinyò ke Jesus.

Ŋgaà Yen 14:12

Kí nén a dzə jii, wír ve dzəə̀n vé Nyùyi kú a tiy kitávín, e dù, e jòʼsì, a lèm nsər se Nyùy, e kù a way shilív a dzə̀ e Jesus wùn.»

Ŋgaà Yen 22:14

«Bòŋ ké wìr ve á su ndzə̀y sév, a sí ráné, e fíʼ a ker kilíŋ ke dzə̀ á tòsín shúu kày, e nə̀ə́ e Nyùy mvə̀mlaʼ, e kòy kicí ke wìr yí, wù wáa ker dzəʼə̀m yee là may.