1 Joon 2:2 - ŊWÀʼ NYÙY

² Nyùy laysìn ajay vesən a dzə̀ bìʼ Jesus Kristu və̀n wo wù‑uù kpuun ji wun fíʼ taŋrí vèsən. A bó wù yòʼ‑oò kpù bìʼ ajay vesən cáʼcáʼ gheéy. Wù‑uù kpù bìʼ ajay wìr dzə̀m.

1 Joon 2:2 Iomraidhean Croise

Cù 16:10

Kibév ke kí fəəsin ji ké Asasel, aá wiy shó e Nyùy Tǎr si kitin, e bóo yìi jùm ji kí beʼey á ajay wíri, a dù sho e kwaʼ e Asasel.

Ŋwàʼ Luk 14:22

Wù dù, e wìy, e yòŋ jii, ‹Tàr, m yiì ne mo à kì suuyin, a bó lav yoʼ rùn.›

Joon 1:29

Yì rán kibvəə́shí, Joon yén Jesus, a wù wiyì, e nèn a dìn e wíri jii, «Vèn yén wír wo wù mán vinyo ve wír veé ndzə adzə̀me jáyí. Wù dzə̀ moo wan njiì wo Nyùy seé, e taŋrí wíri shó.

Joon 12:32

A kém kí dzə̀ jii, á wíy koʼór mo é kici, wíri yéné, é m nèn sə̀ŋrì wir dzə̀m e mǒ wùn.»

Joon 4:42

a suúy e wiíy və̀y jii, «Vèr wày shilív e Jesus wùn lèn a dzə̀ bìʼ fo vèr yuun ne kinyo kfə́ e vituʼùr vér ví, bó yòʼ dzə̀ə́ bìʼ kinyo ke à kì fèrìn e vèr cáʼcáʼ. Vèr kìíy ne lèn kijuŋ ji wìr və̀n dzə̀ wo wù wíy lùŋèr kitú ke nsay kidzə̀m.»

Hibru 2:17

Á kinyo ke kí‑iì yiìn, é bo wù binkir, a dzə réŋréŋ moo afə́r və́, e fíʼ a dzə ŋgaà wov cù wo kuʼùn, a sham áwune, a lìm fo Nyùy shilív shimòʼón, e taŋrí áwune, é Nyùy laysin ajay vév.

1 Pita 2:24

Wúnwun woo Jesus‑eè lo siìr vinyo vesən ve bi ví a dzə̀ e wùn kitu, e kpù shó e kintam. A wù‑uù kpú bèy, ji vèsən fiʼ kpù sá fo mbìv vinyò ve bi ví, e nèn a dzə, a yiì a dzə̀ vinyo ve ru ví. A dzə̀ vileémé və́ vin ve ví yiìn ne, vèsən bónén fo vèsə́n yàsí.

1 Pita 3:18

Kù dzə̀ mo Kristu‑uù yenen ŋgeʼ bèy, e kpù fo wírí vinyò ve bi ví vidzə̀m kàŋ mòʼón. Wun woo là jay, wù kpú fo vé jayi, e màn ajay vee shooy adzə̀m ji wun fíʼ siìr vèsən fo Nyùy. Vé‑eè yùyrí wún və́, a wù kér wún a dzə̀ woó nsay. Wù fəə́ fó kpu, a ker a dzə̀ wo wú‑uù loòn fo Nyùy.

1 Joon 1:7

Yii bèy, mo Nyùy dzəə̀n é ndzə ye ranén, wíri lóo ghan sa e ndzə ye ranén, áwune nèn a dzə kintatì, a ghan kiwuú kév kimòʼón. Mo á ghán bèy, Nyùy nèn kfə̀n sù sa njò yev, á wàa dzə là jay. A wù su a dzə̀ e mensə́ me Wan və woo Jesus mè.

1 Joon 3:5

Vèn kì ji Jesus‑eè wìy é nsay fèn a ji wun laar vinyo ve bi ví ve wíri yii. A bó wun woo Jesus yòʼ yii yii vinyo ve bi ví gheéy.

1 Joon 4:10

A dzə̀ vèsən kù lèéy kinyo ke Nyùy mùmèn, e bóo kiíy rú kinyo ke dzəə̀n ji koŋ. Wù‑uù koŋ vèsən, a bó vèsən yòʼ fə̀m sí koŋ wun. Wù nèn tùm Wán və é nsay fèn ji wù wiy, e kpù, e tàŋrí vèsən, é wun fiʼ làysìn ajay vesən.

1 Joon 4:14

A ver vee aŋgàa ntume‑eè lo yèn sá Wán və wo wù‑uù tumen é nsay fèn ji wù wiy, e tìn wíri fó lòn.

1 Joon 5:19

Vèsən kì sá ji vèsən dzə̀ á wón Nyùy, yii bèy, a wír ve dzəə̀n veé ndzə fèn adzə̀me dzə̀ kév e ŋgaà vinyò ve bi ví və̀y kiwo.

Ŋgaà Yen 12:9

A kintìŋ ke kigàgǎʼsòŋ ke vé‑eè jùmèn kin ki dzə̀ yó ye yì‑iì siìn fó ŋgùʼ, a dzə̀ wun wo wù ghán ndzə e dzə̀m, bóʼti wíri, aá yoŋ yír rə́ ji Satan, a dzə̀ ji Tavmènàŋ. A vé‑eè jùm, e màʼ a dzə̀ é nsay wùn à nshèelav sə́ sí sidzə̀m.