1 Joon 1:3 - ŊWÀʼ NYÙY

³ Kí nén a dzə jii, kinyo kidzə̀m ke vèr‑iì yenen, e kfə̀n yù, a dzə̀ vèr fèr sá, é vèn yú. Mo vèn yuun, é vèn nèn tàtí sa, é vèsən wáa yuurí kinyo kee shó kimòʼón. A vèr tàtí a dzə̀ vèr à Tàr wòsən Nyùy, à Wan və wo dzəə̀n Jesus Kristu.

1 Joon 1:3 Iomraidhean Croise

Ŋwàʼ Jov 13:1

«Á bèy, sí yémé yèn ne vinyo vìn vidzə̀m, vituʼùr vém ví yú, e kìíy mo ví dzəə̀n.

Nsùyrì Nyùy 2:7

Fòn suuy kfə́ jii, «M yíi a fìʼtì sáʼ Nyùy Tàr. Wù‑uù sùúy e mò jii, ‹À dzə̀ wán wom, a m sì tàr won lán.

Nsùyrì Nyùy 22:22

M yíi a fèr kinyo ke à yii aàfə́r vémé, a burí wò e mvə̀m kintatì ke wìr Nyùy.

Aysaya 66:19

e nèn kìíy kfə́ə wìr wo dzəə̀n mo, dzə̀ fó kisəəm ke m wíy dìn, a dzə̀ ŋgeʼ ye ghaʼán. «Wír ámóʼó wíy bòykìr, é m tsə́nsí áwune é vitum, aá du é Tarshish, e dù e Put, e dù e Lud fo wír vee fóo maʼ vinte. M wíy tsənsí ámóʼó é Tubal, e tsənsí e Javan, e tsənsí sa e vitum ve ví dzəə̀n é ŋguùŋè rìbà ndzə̀v. Vitúm vìn vi yóʼ ne yù yír yém ye yí dunìnè, e bóo yen vikuʼùy vém. Vé ntum vìne wíy a dù vitúm vidzə̀m, a fìʼtì mo vikuʼùy vém ví dzəə̀n.

Kintaŋ 10:32

Aà wìy, vèsən du, bo kifá ke juŋ ke Nyùy Tàr yíi a yiì e vèr, kìn dzə̀ kee ka, bo vèr yíi a yiì sa e wò.»

Joon 17:11

Wáa dzə lèn, a m sí maʼtì ndzə rə̀n, a kfən fo wò wùn, aáwune yíi siíy kév, e gòʼ sho. Tàr, kù jòʼsì wò ji Nyùy. Kú a shìy áwune mo yír yée dzəə̀n, a dzə̀ yíwun yee yír ye wò‑oò foon sá e mò. Kú a shìy áwune, aá tátí a dzə ji kitú kimòʼón mo wòsò dzəə̀n sá ji kitú kimòʼón.

Joon 17:21

A m lón jii, à ku yiì, aáwune tátí adzə̀m, a dzə ji kitú kimòʼón réŋréŋ mo wò woo Tàr dzəə̀n wòsò, a wòsò dzə̀ ji kitú kimòʼón. Ku yiì, aáwune wáa dzə sa e wòsò mvəm, é wír veé ndzə fène fíʼ biimé ji ntum ye mò‑oò loòn dzə̀ rú á ye.

Joon 17:25

Éè Tàr, kù yii yii wò kinyo kee réŋ, a bó wír veé ndzə fène yòʼ kì wò. Yii bèy, a mò‑oò kìíy ne wò, a wír vém víne kìíy ne rú ji mò‑oò lò ntum a dzə̀ ye.

Joon 17:3

A dzəʼə̀m yee là may rə̀ne dzə̀ jii, wìr kiíy wò, wo kù jòʼsìn wò Nyùy wo rù, e kfə̀n kìíy sa mo woo Jesus Kristu wo wò‑oò tumen é ndzə fèn.

Joon 19:35

Vinyo vìn vi nén a dzə ve fèrìn wír wo wù‑uù yenen mo ví kooyì. Wù suuy a dzə̀ kinyo ke ru kí, kiiy rú ji dzə̀ á kinyo ke ru kí, e nèn a fèr ji vèn fiʼ wày sá shilív e Jesus wùn.

Lim Aŋgàa Ntum 13:32

«Vèr nen wìy sa lèn ji vèr fiʼti ven sáʼka Nyùy wo juŋ və̀n. A wù dzə̀ jii, kinyo ke Nyùy‑iì kàʼàn atǎr ram Isray sho,

Lim Aŋgàa Ntum 13:41

« ‹Ven ve á shéʼ Nyùyi yuúrí. Vèn wíy a ker gháʼ, a kpukír. M wíy yiì kinyo e věn ghan, é vèn wáa yu, e làa yòʼ a biimé.› »

Lim Aŋgàa Ntum 2:42

Á ku nèn a yu kinyo kimòʼón a dzə̀ ke aŋgàa ntum Jesuse yéʼeyì, wùn áwune wáa ghanén, a yinín kikóŋ, a bùnrì amòʼón.

Lim Aŋgàa Ntum 20:27

Mò‑oò ló a fìʼtì ven vinyo vidzə̀m ve Nyùy sìysìn ji wun wíy yiì, e làa yòʼ lìtì kímóʼ kí gheéy.

Lim Aŋgàa Ntum 4:20

A dzə̀ vèr kù a suúy kinyo ke vèr‑iì yenen, e kfə̀n yù.»

Ŋwàʼ woó Rom 15:27

Kù‑uù kwàʼtì áwune, e sìysì kee shooy. A dzə̀ mo dzə̀ áwune kù yiì bèy, bìʼ fo sáʼka woo kùm Jesus Kristu‑uù loòn a dzə̀ fo wír veé Judàa, é bo á wáa fìʼtì aáwune ve bó yòʼ dzəə̀n wír veé Juda, aá wáa dzə sa wír Nyùy lèn, a yu vijuŋ. Mo áwune yú vijuŋ a dzə̀ bìʼ wír veé Juda, Nyùy fó áwune kifá, á sə́ sá wír veé Juda sho.

1 Korin 1:30

Dzə̀ wun woo Nyùy wo wù liìn ven, e tàtí vèn à Jesus Kristu, wù wáa fo vèsən vifií ve ru ví, Nyùy kfən lì vèsən ji wír vee là jay, e fə̀ə́r vèsən fó lǒn vinyò ve bi ví, a yòŋ ji və́ vee wír.

1 Korin 1:9

A dzə̀ Nyùy kù wìy yiì kinyo kìn, bìʼ fo wù kù yii tíy e wùn jì. Yì‑iì lì wun ven, bo vèn à Wan və Jesus Kristu wo dzəə̀n Taàtá wòsən tátí ji wír amòʼón.

1 Korin 15:1

Afə̀r vem, m nen kfə̀n a tàʼ lèn, a remrí sáʼka Nyùy wo juŋ wo mò‑oò fìʼtìn e vèn, a dzə̀ kinyo ke vèn‑eè biimen, e wày shilív, a tiy sho lèn kitávín.

2 Korin 13:14

M nén a lon jii, Tàr wòsən Jesus Kristu kú a leéy fo vèn, é Nyùy wáa kòŋ ven, é Kiyoy ke Ranén kí tátí ven, aá wáa dzə amòʼón.

Efesor 3:6

A kinyo kee shoon ki dzə̀ jii, wír ve bó yòʼ dzəə̀n veé Israyi yú á sáʼka woo kùm Jesus Kristu, e biìmé, é Nyùy tátí wùn à veé Israyi, aá wáa dzə kintatì kimòʼón ji wír və́. Aáwune kfə̀n nə̀ə́ ne e mvə̀m vijùŋ ve Nyùy fó e wír vəə́ adzə̀m. A dzə̀ lèn áwune wàa shìy sa vinyo ve Nyùy‑iì kàʼàn wír ve dzəə̀n vé Jesus Kristu sho vidzə̀m.

Filipi 1:7

A dzə̀ m wàa kuumé ven bey, bìʼ fo vèn dzəə̀n tím yém, a vèsən tíy e kinyò kimòʼón, a dzə̀ ke Nyùy bùʼùn vèsən shó wír adzə̀m. Vèsən tíy sho lèn wo m dzəə̀n é sháŋ, a kù‑uù tíy vèsən é ghan se mò‑oò dzəə́ ghán, binèr fo sáʼka Nyùy wo juŋ, naarì mo wù dzəə̀n.

Filipi 2:1

M kì kijuŋ ji vèn à Kristu sì á kintatì, a wù távir melív men, koŋ ven é ŋàŋ, yii, a melív men mè lum ghán sidzə̀m. A m kfə̀n kì ji vèn à Kiyoy ke Nyùy ki suùsín ne sa, vèn kfən kìíy a mó a kòŋnìn, é wìr wáa way fə́r və é shiliv.

Filipi 3:10

M nén a tàʼ cáʼ jii, m maysi, e suùsín vèr Kristu, e kìíy wun kijuŋ, a yu mo vitaáví və́ ví lim e mǒ wùn, wun wo wù‑uù fəən fó kpu. A m kfə̀n taʼ ji m biímé sá ŋgeʼ se wù‑uù biimen, a yu a dzə̀ fo Nyùy, e fò kitú kém, e kpù mo wù‑uù foon kfə́,

Kolosia 1:13

Wù‑uù fə̀ə́r ne vèsən fó saʼ yeé ndzə vitsə̀ʼ, e wày a dzə̀ é saʼ ye kér Wán və wo wù koŋ e ŋàŋ.

1 Tesalonika 1:10

Á kfə́n a fèr sa mo vèn leey fó mbìy, shiy Wán və woo Jesus wo wù‑uù fəərin fó kpu, é wù wiy fó yuv, e tìn vèsən fó ŋgeʼ ye yì wiyì.

1 Timoti 6:2

Kwàné lóo dzə, a wùn tàr wov dzə̀ wír veé kintatì adzə̀m, lá wú yòʼ a kay tàr wov ji bìʼ fo wùn wun siìn réŋréŋ, aá sì ji afə́r. A dzə̀ wú kù a lìm fo fo, e shaà bèy, bìʼ fo wú sí lim lèn a dzə̀ fo fər və wo wùn wun tatin bìʼ Jesus, a kòŋnìn. Kú a dìn vinyo vìn vi e wíri vidzə̀m, a yen ji á wáa yiì a mo ví dzəə̀n.

Hibru 2:12

Wù‑uù sùúy e Nyùy e ghan símóʼ sí jii: «M yíi a fèr kinyo ke à yii, aàfə́r vémé, a burí wò e mvə̀m kintatì ke wìr Nyùy.»

Hibru 3:1

Afə̀r vem, mo vèn siìn wír Nyùy, a lì wun ven ji və́ vee wír, vèn kú a kuumé wír wo dzəə̀n Jesus. Dzə̀ wun wo Nyùy‑iì tumen, wù wáa dzə taà cù wòsən wo kuʼùn fó kinyò ke Nyùy ke vèsən tíy sho.

Hibru 3:14

Kifá ke Kristu kér kidzə̀m ki sì sá késən, a vèsən fèn tíy a dzə̀ é kinyò ke vèsən‑eè wayin shilív shó fo mbìy, e dù, e jòʼsì.

1 Pita 5:1

M nén a tir wír ve dzəə̀n atǎr kintatì e věn mvəm. A m tír moo wír wo dzəə̀n sá taà kintatì wùmòʼ, kfə̀n suuy moo wír wo wù‑uù yenen e sí rəə́ mo Kristu yén ŋgeʼ bìʼ vèsən, kfə̀n suuy moo wír wo vèn áwune wíy nəə́ e vijùŋ ve Kristu wíy wìy sho.

2 Pita 1:16

A dzə̀ m kù a yìmrì vinyo vìn bèn, bìʼ fo vèr yòʼ‑oò jumrì vinjeenjèm ve vinyò ve bomen wíri, e bó a yeʼéy ven mo vikuʼùy vé Taàtá wòsən Jesus Kristu vi dzəə̀n, a dìn ji wù wíy kfən, a saʼ nsay rə̀n. Vèr‑iì lo yèn vifon və́ vin e sí yérí.

1 Joon 1:1

Kinyo ke m sáŋ fo vèn kin ki dzə̀ ké wìr wo wù‑uù siìn, é bo ndzə wìy a kèʼ, a kér wun ntum ye yì fó dzəʼə̀m yee là may. Vèr à wír ámóʼó‑oò lo yèn wun e sí yérí, vèr áwune wáa ghanén, vèr wáa kùm wun, e kfə̀n a yen vinyo ve wù‑uù yii.

1 Joon 1:5

Vèr‑iì yù kinyo ke m fer e vèn kin a dzə̀ fo wun woo Wan Nyùy. A kí dzə̀ jii, bó Nyùy yòʼ yii ghán e ndzə ye sənér, yii vinyo ve bi ví. Wù dzə̀ kfə́ ji rán.

1 Joon 1:7

Yii bèy, mo Nyùy dzəə̀n é ndzə ye ranén, wíri lóo ghan sa e ndzə ye ranén, áwune nèn a dzə kintatì, a ghan kiwuú kév kimòʼón. Mo á ghán bèy, Nyùy nèn kfə̀n sù sa njò yev, á wàa dzə là jay. A wù su a dzə̀ e mensə́ me Wan və woo Jesus mè.