Yuda 1:1 - Ulufingo Ulupya

¹ Ane ne Yuda umubombi uwa Yesu Kilisitu, sona nu mukamu uwa Yakobo. Inkubasimbila abantu babo bitiziwa nu Chala, babo baghaniwe nu Chala u Tata nukusungililiwa nu Yesu Kilisitu.

IBAYIBOLO 2024

¹ Ane ne Yuda umubombi uwa Yesu Kilisitu, sona nu mukamu uwa Yakobo. Nkubasimbila abantu babo bitiziwa nu Chala, babo baghaniwe nu Chala u Tata nukusungililiwa nu Yesu Kilisitu.

Yuda 1:1 Iomraidhean Croise

Matayi 10:3

nu Filipu, nu Batolomeyo, nu Tomasi nu Matayi umusonkezya sonko, nu Yakobo umwana uwa Alufeyo nu Tadayi,

Matayi 13:55

Nkimba yunuyu ate mwana uwa mupalamatabwa? Nkimba unyina ate we Maliya? Nkimba ate we wamwabo uwa Yakobo, u Yosefu, u Simoni nu Yudasi?

Maliko 3:18

nu Andeleya, nu Filipu, nu Batolomeyo, nu Matayi, nu Tomasi, nu Yakobo umwana uwa Alufeyo, nu Tadayi, nu Simoni uwa akabukatila, kako kakalondagha ukuti mu Izilayeli mubanje ubwabuke,

Maliko 6:3

Nkimba yunuyu ate we mupalamatabwa, umwana uwa Maliya, nu wamwabo uwa Yakobo, nu Yosefu, nu Yudasi, sona nu Simoni? Nkimba abayemba bache batakwikala naswe muno?” Po bakamukana.

Luka 6:16

nu Yudasi umwana uwa Yakobo, nu Yudasi Sikaliyoti, yuyo pisinda pache akamubika u Yesu munyobe izya balwani.

Yohani 12:26

Umuntu wesi yuyo akulonda pakumbombela, ankonkaye, umwakuti kuko indiko, ko kuko nu mubombi wane bulo abanjeko. U Tata wane akwiza pakumuchindika umuntu wesi yuyo akumbombela.

Yohani 14:22

U Yudasi uwamwabo (u Yudasi Sikaliyoti awe) akamulalusya akati, “Mwene, zingaba buli-buli ukuti wize wilanjizye wemwene kukwitu, loli kuchisu ichapasi awe?”

Yohani 15:16

Mute mwemwe mukansala awe, loli nene inkabasala amwe. Po inkabasala nukubimika ukuti mubuke nukupa ivikomwa inyinji, ivikomwa zizyo zikwiza pakubangako bwila. Sona Utata akwiza pakubapa chosi chicho mukulabila mwitabwa lyane.

Yohani 17:15

Intakulaba ukuti ubefyemo muchisu ichapasi awe, loli ukuti ubapoke ku Mubibi yula.

Yohani 17:17

Ubapaghule nu bwanaloli bwako ukuti babanje bazelu. Amazyu ghako ghanaloli.

Yohani 17:19

Pachifukwa icha babo nkwiyipa kukwako nu moyo ghosi, umwakuti naloli bope babanje bapaghuliwa.

Yohani 6:39

Po ubwighane ubwa yuyo akantuma bwakuti ntakataghepo nayumo mu bantu babo ampiye, loli ukuti imbazyusye bosi pisiku ilyabumalilo.

Imbombo 1:13

Bo binjila mukaya akakulu nkani kala bakakwela muchipinda icha pamwanya mumo bakikalagha. Mulamula mukaba u Pitala, nu Yohani, nu Yakobo, nu Andeleya, nu Filipu, nu Tomasi, nu Batolomeyo, nu Matayi, nu Yakobo umwana uwa Alufeyo, nu Simoni (yuyo akaba uwa kabukatila, kako kakalondagha ukuti mu Izilayeli mubanje ubwabuke), sona nu Yudasi umwana uwa Yakobo.

Imbombo 20:32

“Po ilelo inkubabika munyobe izya Chala na mumazyu agha chisa chache ghagho ghangabasunga nukubapa ulusayo lulo u Chala abasungiye abantu bache bosi.

Imbombo 27:23

Ubusiku bubo bwamalagha uwantumi uwa kumwanya uwa Chala, yuyo wane, sona yuyo inkumuchindika akanyizila kukwane,

Aba Loma 1:1

Ane ne Pabuli, umubombi uwa Kilisitu u Yesu, nene nitiziwa nu Chala pakuba mutumiwa, sona nukupaghuliwa pakulumbilila Amazyu Amiza.

Aba Loma 1:6

Ichi chikubongannya namwe bulo, mwe mwitiziwe pakuba bantu aba Yesu Kilisitu.

Aba Loma 16:18

Pakuti abantu banaba batakumubombela u Mwene witu u Kilisitu, loli bakuvibombela ivinyonywa vyabo. Sona na mazyu ghabo manoni, sona mazimbuli bakubazimbula abantu babo batamenye nachimochimo.

Aba Loma 6:22

Loli pakuti ilelo mwasatuliwa ku mbibi, po mwaba mwe bazya aba Chala. Chicho mwakabapo bumi ubuzelu, sona bumalilo bwache, bo bumi ubwa bwila na bwila.

Aba Loma 8:30

Po sona abantu babo u Chala akabapaghula, bope akabitizya, sona babo akabitizya, bakaneniwa pakuba bantu bagholosu pantazi papache, sona akagabana nabo ubuchindamu bwache.

Aba Loma 9:24

Pakuti twe bantu babo u Chala akatwitizya, tute mo mu ba Yuda bene, loli na bantu bope babo bate ba Yuda.

1 Aba Kolinti 1:2

Tukuchisimbila ichipanga icha Chala icha mu Kolinti, abantu babo bakapaghuliwa mwa Kilisitu Yesu, sona babo bitiziwe pakuba bantu bazelu, poka na bantu bosi kosi na kosi, babo bakulichindika itabwa ilya Mwene witu u Yesu Kilisitu, u Mwene wabo nu Mwene witu.

1 Aba Kolinti 6:11

Umu mo mumo bamo mumwinyu mukabela, loli mukaswefiwa nukupaghuliwa, sona mwaneniwa ukuti mute ninongwa nayimoyimo pamaso pa Chala mwitabwa ilya Mwene u Yesu Kilisitu, sona nukwendela mu Muzimu uwa Chala witu.

Aba Efeso 5:26

Akabomba zinizi ukuti achipaghulile ichipanga kwa Chala, bo achiswefya tasi pakuchisuka na mizi, sona na mazyu ghache.

1 Aba Tesalonika 2:12

Tukabakazya umoyo nukubapumizya, sona tukwendelela pakubalaba ukuti mwikalaye nubumi ubwa kumuhobosya u Chala, yuyo akubitizya amwe ukuti mugabane nawe Ubumwene, sona nu buchindamu bwache.

1 Aba Tesalonika 5:23

U Chala umwenecho uwa mutende abapelaye pakuba bazelu muvintu vyosi. Umuzimu winyu ghosi, nu moyo winyu ghosi, sona nu mubili winyu ghosi, vibanje visita chilema nachimochimo pakwiza kwa Mwene witu u Yesu Kilisitu.

2 Timoti 1:9

Akatupoka nukutwitizya ukuti tubanje bantu bache abazelu. Akabomba bunubu, chite chifukwa ichakuti aswe tukabomba inyiza, awe. Loli pachifukwa icha mbatiko ni chisa chache. Akatupelela ichisa ukwendela mwa Kilisitu u Yesu, bo na kabalilo katandite.

2 Timoti 4:18

U Mwene akwiza pakumpoka ku bubibi bosi nukunsunga akiza mupaka nukunyinjizya mu Bumwene bwache ubwa kumwanya. Kukwache kubanje ubuchindamu bwila na bwila! Ameni.

Aba Hebeli 3:1

Mwee bakamu bane, u Chala abasalite amwe ukuti mubanje bantu bache abazelu. Polelo mwinong'onaye nizya Yesu, yuyo akatumiwa nu Chala ukuti abanje Muputi Usongo uwa lwitiko lulo tukwitika.

Yakobo 1:1

Ane ne Yakobo umubombi uwa Chala, sona nu mubombi uwa Mwene u Yesu Kilisitu. Nkubalamuka abantu bosi aba Chala babo banyampanite muchisu chosi ichapasi.

1 Pitala 1:2

U Tata u Chala akabasalila zila ukuyana ni mbatiko zyache. Akabapaghula pakuba bantu abazelu mwa Muzimu Umuzelu, umwakuti mumwivwile u Yesu Kilisitu, sona nukuswefyiwa ni banda lyache. U Chala abizuzye ni chisa nu mutende.

1 Pitala 1:5

Po u Chala mumaka ghache akubasunga, amwe mwe mukumusubila ukuti mupokele ubupoki, bubo umwene ayannya pakubavumbulila pisiku ilyabumalilo.

1 Pitala 2:9

Loli amwe mwe luko ulusaliwa, abaputi aba bumwene, abantu abache na bache aba Chala. Akabasala ukuti mulumbilile imbombo izyakuswighizya izya Chala, yuyo akabefyamo muchisi nukubinjizya mu lukozyo lwache ulwakuswighizya nkani.

1 Pitala 5:10

Loli bo mwayimbapo panandi, u Chala uwachisa, yuyo akubitizya pakugabana ubuchindamu ubwa bwila na bwila poka nu Kilisitu, akwiza pakubapyanizikizya papo, nukubavwa, nu kubakazya, sona nukubikazya palwalo ulukafu.

2 Pitala 1:1

Ane ne Simoni Pitala, umubombi, sona nu mutumiwa uwa Yesu Kilisitu. Inkubasimbila ukalata uyu abantu babo bapokelite ulwitiko lulo tukapokela ukwendela mu bugholosu ubwa Chala witu, sona nu Mupoki u Yesu Kilisitu.

Yuda 1:21

Mwikalaye mulughano ulwa Chala, bo mukulindilila u Mwene witu u Yesu Kilisitu ukuti abape ubumi ubwa bwila na bwila ukwendela mu chisa chache.

Yuda 1:3

Mwee bamanyani bane abaghaniwa, inkalondagha nkani pakubasimbila nizya bupoki bubo twebosi tuli nabo. Loli ilelo nadumula ukuti imbasimbile koka bulo pakubalaba ukuti mulwe nkani inkondo pakulwimila ulwitiko lulo u Chala abapiye abantu bache.