Yakobo 3:1 - Ulufingo Ulupya

¹ Mwee bakamu bane, mwebosi mutakabanje bamanyisi, pakuti muzimenye ukuti aswe twe bamanyisi twe tukwiza pakulongiwapo ukuchila abantu abanji.

IBAYIBOLO 2024

¹ Mwee bakamu bane, mwebosi mutakabanje bamanyisi, pakuti muzimenye ukuti aswe twe bamanyisi twe tukwiza pakulongiwapo ukuchila abantu abanji.

Yakobo 3:1 Iomraidhean Croise

Matayi 10:24

Umumanyili ate wapamwanya ukumuchila umumanyisi wache, awe, sona uwambombo ate wapamwanya ukumuchila u mwene wache, awe.

Matayi 23:13

“Chighune nkani kukwinyu, amwe mwe bamanyisi aba Ndaghilo naba Falisayi! Mwe bazimbuli mwee! Mukwighalila umulyango uwa Bumwene ubwa Kumwanya pamaso pa bantu, po amwe mwebene mutakwinjilamo, pamo ukwitikizya babo bakuyezya ukwinjilamo.

Matayi 9:11

Bo aba Falisayi bamo bennya zinizi, bakabalalusya abamanyili aba Yesu bakati, “Nkimba choni chicho umumanyisi winyu ali pakulya na bantu banaba?”

Luka 16:2

Po akamwitizya nukumulalusya ukuti, ‘Nkimba choni chicho nkwivwa nizya awe? Zagha nu kalata uwakulingannya namumo wabombela, pachifukwa chakuti utangaba we kapitawa sona.’

Luka 6:37

“Mutakabalongaye abantu abanji, po namwe bulo mutakwiza pakulongiwa. Mutakabasusyanje abantu abanji, po namwe bulo mutakwiza pakususyiwa. Mubahobokelaye abantu abanji, po namwe bulo mukwiza pakuhobokeliwa.

Yohani 3:10

U Yesu akamula akati, “Awe we mumanyisi umumanyikwe mu Izilayeli, loli utazimenye zinizi?

Imbombo 13:1

Muchipanga icha mukaya aka Antiyokiya mukaba abalaghuzi bamo na bamanyisi: U Balanabasi, u Simiyoni (yuyo akwitiziwa ukuti we mufitu), u Lusiyasi (uwa mu Kileni), u Manayeni (yuyo akakulilagha poka nu Helodi umulaghili uwa chisu), nu Sabuli.

1 Aba Kolinti 12:28

Muchipanga ichakwanda u Chala akasala abatumiwa, ichabubili abalaghuzi, ichabutatu abamanyisi, pisinda pache babo bakupela ivyika, sona babo bali ni chabupi ichakupozezya ububine, pamo babo bali ni chabupi ichakubavwa abanji, pamo babo bali ni chabupi icha bulongozi, pamo babo bali ni chabupi ichakunenela mundimi injeni.

2 Aba Kolinti 5:10

Pakuti twebosi tubaghiye twime pamaso pa Mulongi u Kilisitu. Umuntu wesi akwiza pakupokela chicho chimubaghiye, ichiza pamo ichibibi, ukuyana na mumo akabombezyanga umubili wache pachisu ichapasi pano.

Aba Efeso 4:11

Akaba we yuyo akabapa abantu ivyabupi ivyakuti bamo babanje batumiwa, abanji babanje balaghuzi, abanji babanje balumbilili, abanji babanje baputi, sona abanji babanje bamanyisi.

1 Timoti 1:7

Bakulonda pakuba bamanyisi aba Ndaghilo loli batavimenye ivintu vivyo bakunena, pamo chicho bakulonda pakusimikizya.

1 Timoti 2:7

Ichi cho chifukwa inkasaliwa pakuba ne mulumbilili, nu mutumiwa, sona nu mumanyisi uwa lwitiko ulwanaloli uwa bantu babo bate ba Yuda. Nkunena ubwanaloli, ntakutamanta, awe.

2 Timoti 1:11

Inkasaliwa ukuti imbanje ne mutumiwa, nu mumanyisi ukuti indumbilile Amazyu Amiza ghanagha,

Aba Hebeli 13:17

Mubivwilaye abalongozi binyu nu kukonka zizyo bakubabuzya. Abene bakwenelezya ubumi bwinyu pakuti bakulingannya nizya mbombo yabo kwa Chala. Nanti mukubivwila, bakwiza pakubomba imbombo yabo nu buhobosu. Loli nanti mutakubivwila bakwiza pakuyibomba imbombo yabo ni chitima, chicho chitangabavwa amwe.

Yakobo 1:16

Mwee bakamu bane abaghaniwa mutakazimbuliwanje.

Yakobo 1:19

Mwee bakamu bane abaghaniwa, muchimanye ichi: Umuntu wesi ateghelezyanje tasi, loli atakachimbililaye pakunena, sona atakakalalaye mwalwe.

Yakobo 3:10

Amazyu aghamapalo na mazyu aghanguno ghosi ghakufuma pa mulomo ghoka ghulaghula. Mwee bakamu bane, ichi chitakabombiwanje!

1 Pitala 5:3

Mutakabanje ngati mwe bamwene abakwitutumula pa bantu babo mubaghiye pakubalongozya, loli mubanje chifwanikizyo ichiza icha ng'ozi.