Yakobo 2:1 - Ulufingo Ulupya

¹ Mwee bakamu bane, pakuti mukusubila mwa Mwene witu u Yesu Kilisitu, yuyo we Mwene uwa buchindamu, mutakabombaye ivintu pakwennya icheni.

IBAYIBOLO 2024

¹ Mwee bakamu bane, pakuti mukusubila mwa Mwene witu u Yesu Kilisitu, yuyo we Mwene uwa buchindamu, mutakabombaye ivintu pakwennya icheni.

Yakobo 2:1 Iomraidhean Croise

Matayi 22:16

Po bakatuma kwa Yesu abamanyili babo bamo poka na bantu bamo aba mukabukatila aka Helodi. Bakati, “Wee Mumanyisi, tuzimenye ukuti ukunena ubwanaloli. Ukumanyizya izila iya Chala pakasi pa bantu ukuyana nu bwanaloli, ukusita ukunyila inyinong'ono izya bantu pakuti utakwennya icheni icha muntu.

Imbombo 10:34

U Pitala akanda pakunena akati, “Ilelo nazyaghannya ukuti naloli u Chala atakwennya icheni icha muntu,

Imbombo 20:21

Aba Yuda na bantu babo bate ba Yuda, inkabalaba umwakulambilizya nkani ukuti bazileke imbibi zyabo nukupindukila kwa Chala nukusubila mwa Mwene u Yesu.

Imbombo 24:24

Bo ghachilapo amasiku ghamo u Felikisi akiza nu muchi wache u Dulusila yuyo akaba mu Yuda. Akamwitizya u Pabuli nukumuteghelezya, bo akunena izya lwitiko mwa Kilisitu Yesu.

Imbombo 7:2

U Sitefani akamula akati, “Mwee bakamu bane na batata, munteghelezye! Bo umunyenya witu u Abulahamu achili atabukite pakwikala mu Halani, u Chala uwa buchindamu akamubonekela muchisu icha Mesopotamiya

Aba Loma 1:11

Pakuti nkulonda nkani pakubennya ukuti imbagabile ulusayo ulwa buzimu ukuti lubape amaka.

1 Aba Kolinti 2:8

Abalaghili aba muchisu ichapasi batakazimanya zinizi. Nanti bakazimanyagha ngali batakamukomela u Mwene uwa buchindamu pachipinjika.

Aba Kolosi 1:4

Pakuti twivuye mumo mukusubilila mwa Kilisitu u Yesu, sona na mumo mukubaghanila abantu bosi abazelu aba Chala.

1 Timoti 1:19

Sungilila ulwitiko lwako nu mabyebye umwiza. Abantu bamo batakamwivwila umabyebye wabo, po ulwitiko lwabo lwananganika.

1 Timoti 5:21

Pantazi pa Chala, na pamaso pa Kilisitu u Yesu, sona na pamaso pa bantumi bosi abasaliwa, nkukulamula ukuti ukonkaye indaghilo zinizi nu bwanaloli, pamo ukwennya icheni icha muntu muvintu vyosi vivyo uli pakubomba.

Titi 1:1

Ane ne Pabuli, umubombi uwa Chala, sona nu mutumiwa uwa Yesu Kilisitu. Ane inkasaliwa ukuti imbavwe abantu babo bakasaliwa nu Chala ukuti basubile nukubalongolela ukuti babumanye ubwanaloli, sona nukuti babanje nubumi ubwakumwiputa,

Titi 2:13

bo tukulindilila nu lusubilo isiku isayiwa lila, isiku lilyo ubuchindamu ubwa Chala umukulu, nu Mupoki witu u Yesu Kilisitu bukwiza pakuboneka.

Aba Hebeli 1:3

U Mwana ko kulama kwa buchindamu ubwa Chala, sona ichifwani ichenecho icha Chala. Umwene achilemite ichisu chosi na mazyu ghache aghamaka. Bo efya imbibi izya bantu, akikala pachitengo ichamuchizi kunyobe indilo iya Chala Uwamaka Ghosi.

Aba Hebeli 12:2

Zagha tulolotele pa Yesu yuyo we bwandilo nu bumalilo ubwa lwitiko lwitu. Loli pachifukwa icha buhobosu bubo bukamulindilagha, akajimba nkani pachipinjika, napapo chikaba chintu chakukozya isoni, po ilelo akwikala pachitengo icha bumwene kunyobe indilo iya Chala.

Yakobo 1:16

Mwee bakamu bane abaghaniwa mutakazimbuliwanje.

Yakobo 1:19

Mwee bakamu bane abaghaniwa, muchimanye ichi: Umuntu wesi ateghelezyanje tasi, loli atakachimbililaye pakunena, sona atakakalalaye mwalwe.

Yakobo 2:3

Nanti ukumuchindika umuntu yuyo avwalite akiza nukumubuzya ukuti, “Ikala pa bwiza pano”, loli nukumubuzya umuntu umupina yula ukuti, “Awe, imilila pala pamo ikala pasi.”

Yakobo 2:9

Loli nanti mukubomba ivintu pakwennya icheni, kokuti mukunanga, sona Indaghilo izya Chala zikubasusya ukuti mwe bananga ndaghilo.

Yakobo 3:17

Loli amahala agha kumwanya, ichakwanda mazelu, na ghamutende, na mololo, sona na ghabumanyani. Ghizuye nu lupazikizyo, sona imbombo zyache nyiza, ghatakwennya icheni, sona ghate mazimbuli, awe.

2 Pitala 1:1

Ane ne Simoni Pitala, umubombi, sona nu mutumiwa uwa Yesu Kilisitu. Inkubasimbila ukalata uyu abantu babo bapokelite ulwitiko lulo tukapokela ukwendela mu bugholosu ubwa Chala witu, sona nu Mupoki u Yesu Kilisitu.

Yuda 1:16

Abantu banaba bamilumbuzyo, sona bakubapakazya abanji inongwa. Bakukonka ivinyonywa vyabo ivibibi, na bamituvyo sona bakubapala abantu abanji, umwakuti bachaghe chicho bakulonda.

Ubuvumbuli 14:12

“Panapa pakulondiwa ukuti abantu abazelu aba Chala babanje bajivu nkani, babo bakukonka amalamulo agha Chala, sona babo bakwendelela pakumusubila u Yesu.”