Ubuvumbuli 5:9 - Ulufingo Ulupya

⁹ Bakimbagha ulwimbo ulupya bakatinji, “Awe ubaghiye pakusenda ibuku ilyakunnyengiwa nukumamatula ivimatilo vyache. Pakuti ukaboliwa, sona ni banda lyako, ukamughulila u Chala abantu abaluko losi, na baneno zyosi, sona ninko zyosi izya bantu.

IBAYIBOLO 2024

⁹ Bakimbagha ulwimbo ulupya bakatinji, “Awe ubaghiye pakusenda ibuku ilyakunnyengiwa nukumamatula ivimatilo vyache. Pakuti ukaboliwa, sona ni banda lyako, ukamughulila u Chala abantu abaluko losi, na baneno zyosi, sona ninko zyosi izya bantu.

Ubuvumbuli 5:9 Iomraidhean Croise

Matayi 20:28

Ayane bulo nu Mwana uwa Muntu, pakuti atakiza ukuti bamubombelaye, loli pakubabombela nukubapa ubumi bwache ukuti abapoke abantu abinji.”

Matayi 26:28

Pakuti ili libanda lyane ilyakusimikizya ulufingo ulwa Chala, lilyo lyatonya ukuti abantu abinji bahobokeliwe imbibi zyabo.

Imbombo 20:28

Po mwisungilile mwebene, sona nu mudimo ghosi ghugho u Muzimu Umuzelu abikite munyobe zyinyu. Mubanje mwe badimi aba chipanga icha Chala, chicho akachitabula ni banda ilya mwana wache.

1 Aba Kolinti 6:20

Pakuti amwe mughuliwe nu mutengo uwapamwanya nkani. Po mumuchindikaye u Chala na mabili ghinyu.

1 Aba Kolinti 7:23

U Chala akabaghula nu mutengo uwapamwanya, po mutakabanje bazya aba bantu.

Aba Efeso 1:7

Aswe twabukite ukwendela mwibanda lyache, sona akatuhobokela imbibi zyitu ukuyana nu bukulu ubwa chisa icha Chala,

Aba Efeso 5:19

Mwangalilanaye na mazyu agha masalimo, ni nyimbo izyakumupala u Chala, sona ni nyimbo izya buzimu. Po mumwimbilaye u Mwene inyimbo nukumumapala mumoyo ghinyu.

Aba Kolosi 1:14

Ukwendela mwibanda lyache, akatusatula ku mbibi, kokuti akatuhobokela imbibi zyitu.

Aba Kolosi 1:23

Loli mubaghiye mwendelele pakwikalana nkani palwalo ulwa lwitiko lwinyu, ukusita ukuyingana mulusubilo lwinyu, lulo lukufuma ku Mazyu Amiza, ghagho mukivwa. Amazyu Amiza agha ghakalumbililiwa pakasi pa bantu bosi aba muchisu ichapasi. Po u Chala we yuyo akampa ane ne Pabuli, imbombo iyakuti ingalumbilile.

Titi 2:14

Akiyipa mwene pachifukwa icha sweswe ukuti atusatule ku bubibi bwitu bosi nukuti tubanje bantu bache abazelu, babo balweke pakubomba imbombo inyiza.

Aba Hebeli 11:14

Abantu babo bakunena bunubu bakulanjizya pabuzelu ukuti bakwilondela bene akaya akabo na kabo akakwikalamo.

2 Pitala 2:1

Kale abalaghuzi abamyasi bakabapo pakasi papinyu. Umwakuyana bulo, abamanyisi abamyasi bakwiza pakubapo pakasi papinyu. Bakwiza mubusyefu ni vimanyisyo ivya bumyasi ivyakunangannya mupaka na pakumukana u Mwene wabo yuyo akabatabula. Po bakwiza pakwipalaghulila bene ukunanganika kwa kuchenusya bulo.

1 Yohani 1:7

Loli nanti tukwenda mu lukozyo, ukuyana na mumo umwene abeleye mu lukozyo, kokuti tuli mubupoka twebenebene, sona ibanda ilya Yesu u Mwana wache likutuswefya aswe imbibi zyosi.

1 Yohani 2:2

Umwene we chakwiyipa ichakuhobokeleliwamo imbibi zyitu. Atakutuhobokela imbibi zyitu zyene, awe, loli ni mbibi zyope izya bantu bosi aba muchisu ichapasi.

Ubuvumbuli 10:11

Po nkabuziwa ukuti, “Ubaghiye ufumuzye sona amazyu agha Chala ghagho ghakunena nizya bantu abinji, ninko izyakulekanalekana, ni neno inyinji, sona na bamwene.”

Ubuvumbuli 11:9

Abantu aba inko zyosi na bavikolo vyosi, sona na baneno izyakulekanalekana bakwiza pakwennya imivimba yabo amasiku matatu nu hafu po bakwiza pakubakanila pakusyila.

Ubuvumbuli 13:7

Chikitikiziwa pakulwa inkondo na bantu aba Chala nukubapota. Chikapeghiwa ubulaghili pakubalaghila abantu bosi, na baluko losi, na bantu aba inko zyosi, sona na bantu abaneno zyosi.

Ubuvumbuli 13:8

Abantu abakwikala muchisu ichapasi bakwiza pakuchichindika ichinyamana chila, abantu bosi babo amatabwa ghabo ghatasimbiwe mwibuku ilya bumi ilya Mwana uwa ng'ozi, yuyo akaboliwa yula.

Ubuvumbuli 14:6

Pisinda pache inkennya uwantumi uyunji akupululuka mumwanya-mwanya nkani, bo anyamuye Amazyu Amiza agha bwila na bwila aghakuti alumbilile pakasi pa bantu bosi aba muchisu ichapasi. Banaba bo bantu abaluko losi, na bantu abavikolo vyosi, na bantu abaneno zyosi.

Ubuvumbuli 15:3

Bakimba ulwimbo ulwa Mozesi, umubombi uwa Chala, sona nu lwimbo ulwa Mwana uwa ng'ozi ukuti, “Wee Mwene Chala Uwamaka Ghosi, imbombo zyako nkulu sona zyakuswighizya nkani! Wee Mwene uwa inko zyosi, izila zyako zyanaloli sona ngolosu.

Ubuvumbuli 17:15

Po uwantumi akanena sona kukwane akati, “Amizi ghagho ukaghennya papo umukolo umalaya yula akikalaghapo bo abantu aba inko zyosi, na bavikolo vyosi, sona na baneno izyakulekanalekana.

Ubuvumbuli 4:11

“Wee, Mwene u Chala witu, pokela ubuchindamu, nu muchizi na maka. Pakuti wewe ukapela ivintu vyosi; mubwighane bwako vikapeliwa nukuba nubumi.”

Ubuvumbuli 5:12

Bakimba umwakukolomoka bakati, “U Mwana uwa ng'ozi yuyo akaboliwa apokelaye ubulaghili, nu bukabi, na mahala, na maka, nu muchizi, nu buchindamu, sona na mapalo!”

Ubuvumbuli 5:6

Po inkennya u Mwana uwa ng'ozi pakasi pachitengo icha bumwene, azyunguliliwe ni vipeliwa ivyabumi folo na basongo 24. U Mwana uwa ng'ozi akabonekagha ngati aboliwe. Akaba ni mpembe seveni na maso seveni vivyo yo Mizimu seveni iya Chala, yiyo yitumiwe muchisu chosi ichapasi.