Ubuvumbuli 5:2 - Ulufingo Ulupya

² Inkennya sona uwantumi uwamaka, ukulalusya umwakukolomoka ukuti, “Nkimba we wenu abaghiye pakwighula ibuku ilyakunnyengiwa nukumamatula ivimatilo?”

IBAYIBOLO 2024

² Nkennya sona uwantumi uwamaka, akulalusya umwakukolomoka ukuti, “Nkimba wewenu abaghiye pakwighula ibuku ilyakunnyengiwa nukumamatula ivimatilo?”

Ubuvumbuli 5:2 Iomraidhean Croise

Ubuvumbuli 10:1

Pisinda pache inkamwennya uwantumi uyunji uwamaka akwika kumwanya. Akavwinkiwa mwibingu, sona kumutu wache kukaba umupingo-pingo uwa vula. Icheni chache chikaba ngati lyo lizuba, sona ivinama vyache vikaba ngati zyo mpanda izya moto.

Ubuvumbuli 18:21

Po uwantumi uwamaka akanyamula ibwe lilyo ubukulu bwache likayana nu lwala ulukulu nkani, akalisumbila munyanja nukuti, “Umu mo mumo akaya akakulu nkani aka Babiloni kakwiza pakusumbiliwa. Katakwiza pakubonekapo nalumo.

Ubuvumbuli 5:1

Nkennya ibuku innyenge munyobe indilo iya yuyo akwikala pachitengo icha bumwene. Ibuku lila likaba nu busimbe kumbazu zyosi zibili, sona likamatiwa ni vimatilo seveni.

Ubuvumbuli 5:5

Po weka uwa basongo bala akambuzya akati, “Utakalilaye, pakuti Inkalamu iya luko ulwa Yuda, uwaluko uwamaka uwa Devedi apota, sona we yuyo angighula ibuku innyenge lila nukumamatula ivimatilo seveni vila.”