Ubuvumbuli 4:2 - Ulufingo Ulupya

² Panapo na panapo u Muzimu Umuzelu akanyizila. Inkennya Ichitengo icha bumwene kumwanya, chicho akikalaghapo yumo.

IBAYIBOLO 2024

² Panapo na panapo u Muzimu Umuzelu akanyizila. Nkennya ichitengo icha bumwene kumwanya, chicho akikalaghapo yumo.

Ubuvumbuli 4:2 Iomraidhean Croise

Matayi 22:43

U Yesu akalalusya akati, “Nkimba choni chicho u Muzimu Umuzelu akinjila mwa Devedi ukuti amwitizye ukuti Mwene? U Devedi akati,

Aba Hebeli 8:1

Ifundo iyenecho yiyo tukunena yo iyi: Tuli nawe Umuputi Usongo yuyo ikaye kunyobe indilo iya chitengo icha buchindamu icha Chala kumwanya.

Ubuvumbuli 1:10

Pisiku ilya Mwene u Muzimu Umuzelu akanyizila, po nkivwa izyu ilyamaka kwisinda kukwane, lilyo likaba ngati kulila kwa lipati.

Ubuvumbuli 12:5

Po akapapa umwana umulumendo, yuyo akwiza pakulaghila abantu abaluko losi ni ndisa iya chela. Loli umwana yula akazompoliwa nukubuka nawe kwa Chala, sona na ku chitengo chache icha bumwene.

Ubuvumbuli 17:3

Po u Muzimu Umuzelu akansendela munkolongo. Kulakula inkamwennya umukolo ikaye pachinyamana ichichesamu, chicho chikaba ni mitu seveni, sona ni mpembe teni, zizyo zikaba na matabwa posi na posi aghakumusamula u Chala.

Ubuvumbuli 19:4

Abasongo 24 ni vipeliwa ivyabumi folo vikawa pasi nukumuchindika u Chala, yuyo akikala pachitengo icha bumwene bakati, “Ameni! U Chala apaliwanje!”

Ubuvumbuli 20:11

Po inkennya ichitengo icha bumwene ichikulu ichiswepu, sona na yuyo akikalapo. Ichisu chapasi na kumwanya vikachimbila pantazi papache, sona vitakaboneka sona.

Ubuvumbuli 21:10

Po u Muzimu Umuzelu akansendela pighamba ikulu, sona itali nkani. Akandanjizya u Yelusalemu, akaya akakulu nkani akazelu, kako kakwika kumwanya kwa Chala.

Ubuvumbuli 21:5

Panapo uwakwikala pachitengo icha bumwene yula akati, “Losi ulu nkwandula ivintu vyosi pakuba vipya!” Akanena sona kukwane akati, “Simba ivi, pakuti amazyu ghanagha ghanaloli, sona masubiliwa.”

Ubuvumbuli 3:21

Umuntu yuyo akupota, inkwiza pakumwitikizya ukwikala nane pachitengo icha bumwene, ukuyana na mumo nane nkapotela nukwikala nu Tata pa Chitengo chache icha ubumwene.

Ubuvumbuli 4:10

abasongo 24 bala bakuwa pamaso pa yuyo akwikala pachitengo icha bumwene nukumuchindika, yuyo mumi bwila na bwila. Bakusumbila pasi impumpu zyabo pantazi pachitengo icha Bumwene nukuti,

Ubuvumbuli 4:5

Mu chitengo icha bumwene mukafumagha utumesya, ichongo nu kujilimizya kwa vula. Pantazi pa chitengo icha Bumwene mukakagha ivikoka ivya moto seveni, vivyo yo Mizimu seveni iya Chala.

Ubuvumbuli 4:9

Ivipeliwa ivyabumi folo vila vikwimbagha inyimbo izya buchindamu nu muchizi nukumupalizya yuyo ikaye pa chitengo icha bumwene, sona yuyo mumi bwila na bwila. Bo vikwimba bunubu,

Ubuvumbuli 5:1

Nkennya ibuku innyenge munyobe indilo iya yuyo akwikala pachitengo icha bumwene. Ibuku lila likaba nu busimbe kumbazu zyosi zibili, sona likamatiwa ni vimatilo seveni.

Ubuvumbuli 5:13

Po nkivwa ivya bumi ivya kumwanya, nivya muchisu ichapasi, nivya kusi kuchisu, nivya munyanja, sona ni vipeliwa vyosi ivya bumi vikwimba vikuti, “Uwakwikala pachitengo icha bumwene nu Mwana uwa ng'ozi, apokele amapalo nu buchindamu, sona na maka bwila na bwila!”

Ubuvumbuli 6:16

Bakaghitizya amaghamba na mabwe bakati, “Mutuwile, mutufise pamaso pa yuyo ikaye pachitengo icha bumwene, mutufise ku bukali ubwa Mwana uwa ng'ozi.