Ubuvumbuli 3:11 - Ulufingo Ulupya

¹¹ Inkwiza losi ulu. Ulemezye nkani chicho uli nacho, umwakuti atakabepo nayumo umuntu uwakukufyula impumpu yako.

IBAYIBOLO 2024

¹¹ Nkwiza losi ulu. Ulemezye nkani chicho uli nacho, umwakuti atakabepo nayumo umuntu uwakukufyula impumpu yako.

Ubuvumbuli 3:11 Iomraidhean Croise

1 Aba Kolinti 9:25

Umuntu wesi yuyo ali panyangalo iyakuchimbila, akwikanizya muvintu vyosi, umwakuti apokele inkata iya maluba yiyo yikufoka, loli aswe tukulonda pakupokela inkata yiyo yitakufokapo nalumo.

Aba Filipi 4:5

Akabalilo kosi mubanje bololo na bantu bosi. U Mwene ali pamulyango.

2 Timoti 2:5

Umwakuyana bulo atalipo umuntu yuyo ali panyangalo iyakuchimbila akupeghiwa umuvwalo nanti atakukonka indaghilo izya nyangalo yila.

2 Timoti 4:8

Ilelo chicho inkulindilila yo mpumpu iya bugholosu yiyo u Mwene, umulongi umugholosu, akwiza pakumpa pisiku ilyabumalilo. Polelo ate akampe nemwene awe, loli na bantu bosi abanji babo bakusamba nkani ukuboneka kwache.

Yakobo 1:12

Musayiwa umuntu yuyo akujimba nkani munjelo, pakuti nanti ajimba, akwiza pakupokela impumpu iyabumi yiyo u Chala akabalayizya abantu bache babo bamughanite.

Yakobo 5:9

Mwee bakamu bane, mutakalumbuzannyanje mwebenebene, umwakuti u Chala atakabalonge. Umulongi imiliye pamulyango.

Ubuvumbuli 1:3

Musayiwa umuntu yuyo akubelenga ibuku ili, sona basayiwa abantu babo bakwivwisya amazyu agha bulaghuzi nukukonka zizyo zisimbiwe mwibuku linili. Pakuti akabalilo akakubonekela zyosi zinizi kali papipi.

Ubuvumbuli 16:15

Ennya! Inkwiza ngati ne mwiba! Musayiwa umuntu wesi yuyo akuba maso nukughasunga amenda ghache, umwakuti atakwiza pakwenda nkule nukusamuliwa pachilundilo!

Ubuvumbuli 2:10

Utakanyilaye amayimba ghagho uli papipi pakukomana nagho. Naloli inkubabuzya ukuti u Satana akwiza pakubayela pakubasumbila bamo mumwinyu mujele, sona mukwiza pakuvwimiwa amasiku teni. Mwendelele pakuba basubiliwa mupaka kubufwe, po inkwiza pakubapa impumpu iyabumi.

Ubuvumbuli 2:13

Inzimenye ukuti kuko ukwikala, ko kuko kuli ichitengo icha bumwene ubwa Satana. Awe we musubiliwa kukwane, sona utakalutaghe ulwitiko lwako mumwane, na pakabalilo bulo aka Antipasi, ukaboni wane umusubiliwa yula, yuyo akaghoghiwa, kuko u Satana akwikalako.

Ubuvumbuli 2:25

Loli amwe mulemezye nkani chicho muli nacho mupaka nize.

Ubuvumbuli 22:12

U Yesu akati, “Ivwa kuno! Inkwiza lunulu! Inkwiza nu muvwalo wane pakumupa umuntu wesi ukuyana ni mbombo zyache.

Ubuvumbuli 22:20

Yuyo akusimikizya ivintu vyosi vinivi akuti, “Naloli! Inkwiza lunulu.” Ameni! Mwene Yesu, zagha!

Ubuvumbuli 22:7

U Yesu akuti, “Ivwa kuno! Inkwiza lunulu! Basayiwa abantu babo bakughivwila amazyu agha bulaghuzi ghagho ghali mwibuku linili.”

Ubuvumbuli 3:3

Po ukumbuke zizyo ukamanyiziwa, sona na zizyo ukivwa. Uzyivwile, upinduke nukuzileka imbibi zyako. Nanti utakulamusya, inkwiza pakukwizila ngati ne mwiba, sona utakwiza pakukamanya akabalilo kako inkwiza pakukwizila.

Ubuvumbuli 4:10

abasongo 24 bala bakuwa pamaso pa yuyo akwikala pachitengo icha bumwene nukumuchindika, yuyo mumi bwila na bwila. Bakusumbila pasi impumpu zyabo pantazi pachitengo icha Bumwene nukuti,

Ubuvumbuli 4:4

Ichitengo icha bumwene chila chikazyunguliliwa ni vitengo ivinji 24, sona babo bakikalagha pa vitengo vila bakaba abasongo 24. Bakavwala amenda amaswepu ni mpumpu izya golide kumitu yabo.