Ubuvumbuli 3:10 - Ulufingo Ulupya

¹⁰ Pakuti wasungilila amazyu ghane aghakuti ujimbaye, po nane inkwiza pakukusungilila pakabalilo aka njelo, kako kakwiza pachisu chosi ichapasi pakubayela abantu babo bakwikalamo.

IBAYIBOLO 2024

¹⁰ Pakuti wasungilila amazyu ghane aghakuti ujimbaye, po nane nkwiza pakukusungilila pakabalilo aka njelo, kako kakwiza pachisu chosi ichapasi pakubayela abantu babo bakwikalamo.

Ubuvumbuli 3:10 Iomraidhean Croise

Matayi 24:14

Po Amazyu Amiza agha Bumwene ghakwiza pakulumbililiwa pachisu chosi ichapasi pakubikila ubwakaboni pakasi pa bantu aba inko zyosi, po ubumalilo bukwiza.

Matayi 26:41

Mubanje maso nukwiputa ukuti mutakawile munjelo. Umuzimu ghukulonda, loli ubuntu bute na maka.”

Matayi 6:13

Utakitikizyanje ukuti tuwile munjelo, loli utupoke kwa Satana, Umubibi yula.’

Maliko 14:9

Naloli inkubabuzya ukuti kosi kuko Amazyu Amiza agha ghakulumbililiwa muchisu chosi ichapasi, chicho abomba umukolo uyu chikwiza pakuneniwa ukuti abantu bamukumbukilayepo.”

Luka 2:1

Mumasiku ghalaghala u Kesale u Ogasitini akalamula ukuti abantu bosi babelengiwe muvyisu vyache vyosi.

Yohani 17:6

“Nakuvumbula awe ku bantu babo ukampa pakasi pa bantu aba muchisu ichapasi. Bakaba bako, po awe ukampa ane. Bivwila amazyu ghako,

Aba Loma 1:8

Ichakwanda, inkumupalizya u Chala wane ukwendela mwa Yesu Kilisitu pachifukwa icha mwemwe mwebosi pakuti ichisu chosi ichapasi chikwivwa nizya lwitiko lwinyu.

1 Aba Kolinti 10:13

Injelo zizyo amwe mwakomana nazyo zyo zizyo abantu abanji bosi bakukomana nazyo. U Chala musubiliwa, umwakuti atakwiza pakwitikizya ukuti muyeliwe ukuchila amaka ghinyu, awe. Loli bo mukuyeliwa, umwenecho akwiza pakubayanizya izila iyakuponelamo, umwakuti mungajimba.

Aba Efeso 6:13

Polelo vwala ivilwilo ivya Chala, umwakuti mwimaye nkani pisiku lilyo mukwiza pakukomana ni vintu ivibibi, sona bo mwamala pakubomba vyosi ukuti mwimaye.

2 Timoti 2:12

Nanti tukwendelela pakujimba, naswe bulo tukwiza pakulaghila nawe. Nanti tukumukana, wepe bulo akwiza pakutukana.

Yakobo 3:12

Mwee bakamu bane, nkimba ikwi ilya ikuyu lingela isyunguti, pamo ulutabo ulwa mampesya lungela ivikomwa ivya makuyu? Nkimba imbwibwi iya mizi aghambeya yingafumya amizi amiza?

1 Pitala 4:12

Mwee bamanyani bane abaghaniwa, mutakaswighaye ni njelo impalapala zizyo mukukomana nazyo ngati po chintu chimo ichiyeni chabawila.

2 Pitala 2:9

Po u Mwene amenye namumo akubapokela munjelo abantu babo bakumunyila nukubafunda abantu babo batakumunyila mupaka pisiku lilyo u Chala akwiza pakubalonga abantu.

Ubuvumbuli 1:9

Ane ne Yohani umukamu winyu, inkugabana namwe amayimba, nu bumwene, sona nu bufisalyoyo mwa Yesu. Inkabikiwa pa kasungo aka Patimo pachifukwa chakuti nkalumbilila amazyu agha Chala, sona nu bwanaloli bubo u Yesu akabuvumbula.

Ubuvumbuli 11:10

Abantu aba muchisu ichapasi bakwiza pakuhoboka nkani pachifukwa icha bufwe ubwa bantu babili banaba. Bakwiza pakusekela nukutumilana ivyabupi pachifukwa chakuti abalaghuzi babili banaba bakabayivya nkani abantu aba muchisu ichapasi.

Ubuvumbuli 13:10

Umuntu wesi yuyo abaghiye pakuba muzya naloli akwiza pakuba muzya. Umuntu wesi yuyo abaghiye pakuboliwa nu panga, akwiza pakuboliwa naloli nu panga. Po panapa pakulonda ukuti abantu aba Chala babanje bakujimba nukuba bamaka mulwitiko.

Ubuvumbuli 13:14

Chikabazimbula abantu bosi abakwikala muchisu ichapasi pakupela iviswigho vivyo chikitikiziwa ukuti chibombaye pamaso pa chinyamana ichakwanda chila. Ichinyamana chila chikababuzya abantu ukuti babize ichifwani ichakuchindikila ichinyamana chicho chikavulaziwa nu panga, loli pope bulo chikaba nubumi.

Ubuvumbuli 13:8

Abantu abakwikala muchisu ichapasi bakwiza pakuchichindika ichinyamana chila, abantu bosi babo amatabwa ghabo ghatasimbiwe mwibuku ilya bumi ilya Mwana uwa ng'ozi, yuyo akaboliwa yula.

Ubuvumbuli 14:12

“Panapa pakulondiwa ukuti abantu abazelu aba Chala babanje bajivu nkani, babo bakukonka amalamulo agha Chala, sona babo bakwendelela pakumusubila u Yesu.”

Ubuvumbuli 14:6

Pisinda pache inkennya uwantumi uyunji akupululuka mumwanya-mwanya nkani, bo anyamuye Amazyu Amiza agha bwila na bwila aghakuti alumbilile pakasi pa bantu bosi aba muchisu ichapasi. Banaba bo bantu abaluko losi, na bantu abavikolo vyosi, na bantu abaneno zyosi.

Ubuvumbuli 16:14

Iyi mizimu imibibi yiyo yikupela iviswigho. Imizimu mitatu iyi yikubuka pakubabungannya abamwene bosi aba muchisu ichapasi ukuti balwe inkondo pisiku ikulu ilya Chala Uwamaka Ghosi.

Ubuvumbuli 17:2

Abamwene aba muchisu ichapasi bakalowa nawe, sona abantu aba muchisu ichapasi bakalowa pakung'wela uvinyo uwa bulowe bwache.”

Ubuvumbuli 17:8

Ichinyamana chicho ukachennya chikaba nubumi kale, loli ilelo chite sona nubumi. Losi ulu chikwiza pakufuma mu chibanka ichibizu nkani nukubuka pakuchinangannya. Abantu aba muchisu ichapasi, babo amatabwa ghabo ghatasimbiwe mwibuku ilya bumi ukwandila ko kubwandilo ubwa chisu ichapasi, bakwiza pakuswigha, bo bakuchennya sona ichinyamana, chicho kale chikafwa.

Ubuvumbuli 2:10

Utakanyilaye amayimba ghagho uli papipi pakukomana nagho. Naloli inkubabuzya ukuti u Satana akwiza pakubayela pakubasumbila bamo mumwinyu mujele, sona mukwiza pakuvwimiwa amasiku teni. Mwendelele pakuba basubiliwa mupaka kubufwe, po inkwiza pakubapa impumpu iyabumi.

Ubuvumbuli 3:8

Invimenye vyosi vivyo ukubomba. Inzimenye ukuti amaka ghako manandi, loli wasungilila amazyu ghane, sona utalikana itabwa lyane. Nighula umulyango pantazi papako ghugho nayumo umuntu yuyo angighalila.

Ubuvumbuli 6:10

Bakakolomoka nkani bakati, “Mwene, Uwamaka Ghosi, umuzelu nu wanaloli, nkimba choni chicho ukukaba pakubalonga abantu aba muchisu ichapasi nukubafunda babo bakatughogha?”

Ubuvumbuli 8:13

Bo inkwenelezya, nkalyennya izwanga likupululuka mumwanya nukukolomoka nizyu ilya pamwanya ukuti, “Ntamyo mwee! Ntamyo mwee! Intamyo inkulu nkani zikwiza pakubawila abantu babo bakwikala pachisu ichapasi, bo abantumi aba bumalilo batatu bakulizya amapati ghabo!”