Ubuvumbuli 22:4 - Ulufingo Ulupya

⁴ Bakwiza pakwennya icheni chache, sona itabwa lyache likwiza pakusimbiwa pa vyeni vyabo.

IBAYIBOLO 2024

⁴ Bakwiza pakwennya icheni chache, sona itabwa lyache likwiza pakusimbiwa pa vyeni vyabo.

Ubuvumbuli 22:4 Iomraidhean Croise

Matayi 5:8

Basayiwa babo bazelu mumoyo, pakuti bakwiza pakumwennya u Chala.

Yohani 12:26

Umuntu wesi yuyo akulonda pakumbombela, ankonkaye, umwakuti kuko indiko, ko kuko nu mubombi wane bulo abanjeko. U Tata wane akwiza pakumuchindika umuntu wesi yuyo akumbombela.

Yohani 17:24

“Wee Tata, nkulonda ukuti abantu babo umpiye babanje nane kuko indi, umwakuti bangennya ubuchindamu bwane, bubo ukampa pakuti ukangana bo ni chisu chichili pakupeliwa.

1 Aba Kolinti 13:12

Chicho ilelo tukwennya chiyanite bulo nu muzyezye pigalasi ilyakwenezyapo, loli pakabalilo kalakala tukwiza pakwenannya icheni ni cheni. Chicho inchimenye ilelo ukuti chite chakufikapo, chikwiza pakuba chakufikapo—ngati mumo u Chala amanyiye umwakufikapo.

Aba Hebeli 12:14

Yezya nkani ukwikala mumutende na bantu bosi, sona mubanje bazelu. Pakuti ukusita ubuzelu nayumo umuntu yuyo akwiza pakumwennya u Mwene.

Ubuvumbuli 14:1

Pisinda pache inkenelezya nukwennya u Mwana uwa ng'ozi imite pighamba ilya Ziyoni. Palapala akaba poka na bantu 144,000, babo pa vyeni vyabo pakasimbiwapo itabwa lyache, ni tabwa ilya wise.

Ubuvumbuli 3:12

Umuntu yuyo akupota inkwiza pakumupela pakuba mpanda iya Nyumba iya Chala wane, sona atakwiza pakufumapo nalumolumo kuzi. Inkwiza pakusimba itabwa ilya Chala wane papache, sona ni tabwa ilya kaya akakulu nkani aka Chala, u Yelusalemu umupya, yuyo akwiza pakwika kumwanya kwa Chala wane.

Ubuvumbuli 7:3

Uwantumi yula akati, “Utakanangaye ichisu chapasi, pamo inyanja, pamo amakwi mupaka papo twabadinda ni chidindo pa vyeni ababombi aba Chala witu.”