Ubuvumbuli 22:3 - Ulufingo Ulupya

³ Nachimochimo chicho chighuniwe nu Chala chingaghiwa mukaya mulamula. Ichitengo icha bumwene icha Chala nicha Mwana uwa ng'ozi chikwiza pakuba mukaya mulamula, sona ababombi bache bakwiza pakumuchindika.

IBAYIBOLO 2024

³ Nachimochimo chicho chighuniwe nu Chala chingaghiwa mukaya mulamula. Ichitengo icha bumwene icha Chala nicha Mwana uwa ng'ozi chikwiza pakuba mukaya mulamula, sona ababombi bache bakwiza pakumwiputa.

Ubuvumbuli 22:3 Iomraidhean Croise

Matayi 25:21

Umwene wache yula akati, ‘Wabomba akiza, we wambombo umwiza nu musubiliwa! We musubiliwa patuntu utunandi, po ukwiza pakuba we songo uwa vintu ivikulu. Zagha kuno tusekelele poka!’

Matayi 25:41

“Po akwiza pakubabuzya abantu aba kunyobe imongo ukuti, ‘Epako kukwane mwe baghuniwa. Bukagha mu moto uwa bwila na bwila ghugho bamuyanizye u Satana na bantumi bache!

Yohani 12:26

Umuntu wesi yuyo akulonda pakumbombela, ankonkaye, umwakuti kuko indiko, ko kuko nu mubombi wane bulo abanjeko. U Tata wane akwiza pakumuchindika umuntu wesi yuyo akumbombela.

Yohani 13:32

Po nanti ubuchindamu ubwa Chala bwabonekela ukwendela mumwache, po ilelo u Chala akwiza pakulanjizya ubuchindamu ubwa Mwana uwa Muntu, po akwiza pakuzibomba umwalubilolubilo.

Yohani 14:3

Sona bo nabuka pakubayanizya ubuzilo, inkwiza sona pakubasenda, umwakuti kuko indiko, ko kuko namwe bulo mubanje.

Yohani 17:24

“Wee Tata, nkulonda ukuti abantu babo umpiye babanje nane kuko indi, umwakuti bangennya ubuchindamu bwane, bubo ukampa pakuti ukangana bo ni chisu chichili pakupeliwa.

Ubuvumbuli 7:10

Bakakolomoka nkani bakati, “Ubupoki bukufuma kwa Chala witu, yuyo akwikala pa Chitengo icha bumwene, na kwa Mwana uwa ng'ozi!”

Ubuvumbuli 7:9

Pisinda pazinizi inkenelezya, po inkennya ichilundilo ichikulu icha bantu ichakuti nayumo umuntu yuyo angabelenga. Bakaba bantu aba muchisu chosi, na bantu abaluko losi, na bantu abaneno zyosi nukwimilila pantazi pachitengo icha bumwene, sona na pamaso pa Mwana uwa ng'ozi. Bakavwala inkazo inswepu nukulema isamba izya mabale munyobe zyabo.