Ubuvumbuli 2:3 - Ulufingo Ulupya

³ Awe we mufisalyoyo, sona wayimba nkani pachifukwa icha nene nukuti utakulita.

IBAYIBOLO 2024

³ Awe we mufisalyoyo, sona wayimba nkani pachifukwa icha nene nukuti utakulita.

Ubuvumbuli 2:3 Iomraidhean Croise

Maliko 15:21

Muzila bakakomana nu Simoni uwa mu Kileni uwise uwa Alikizandala nu Lufu, yuyo akadumusannyanga bulo ukufuma mutwaya. Abasikali abankondo bakamufyenga ukuti anyamule ichipinjika icha Yesu.

Luka 14:27

Umuntu wesi yuyo atiyanizye pakuyimba mupaka nukufwa nu kunkonka, atangaba mumanyili wane.

Luka 18:1

Po u Yesu akababuzya abamanyili bache ichili pakubamanyizya ukuti biputaye akabalilo kosi nukusita ukulita.

Luka 21:19

Wime nkani, po ukwiza pakupokela ubumi.

Luka 5:5

U Simoni akamula akati, “Mwene tubombite busiku bosi, loli tutalemitepo nachimochimo. Loli pakuti wewe wanena bunubu, inkwiza pakusumbila ivilepa.”

Luka 8:15

Imbeyu zizyo zikawila pitope ilyiza zikwimilila abantu babo bakwivwa amazyu nukughasunga mumoyo umwiza nu bwanaloli. Sona bakujimba mupaka bape ivikomwa.”

Yohani 15:21

Bakwiza pakubabombela zyosi zinizi pachifukwa icha mwe bane pakuti batakumanya yuyo akantuma.

Aba Loma 12:12

Muhobokaye nkani pachifukwa icha lusubilo lwinyu, mubanje bafisalyoyo muntamyo nukwiputa akabalilo kosi.

Aba Loma 16:12

Mundamukileko u Tilifena nu Tilifosa, abakolo babo bakwiyula nkani pambombo iya Mwene. Mundamukileko umughaniwa wane u Pelesi, umukolo yuyo iyula nkani pambombo iya Mwene.

Aba Loma 2:7

Abantu babo bakwendelela pakubomba ubwiza nu buchindamu, umuchizi nubumi, u Chala akwiza pakubapa ubumi ubwa bwila na bwila.

Aba Loma 8:25

Loli nanti tukulindilila chicho tutakuchennya na maso, tukuchilindilila nu bololo.

1 Aba Kolinti 13:7

Ulughano lutakuvwituka, sona lukwitika vyosi, lukusubila vyosi nukufisa ilyoyo

1 Aba Kolinti 16:16

ukuti mubivwilaye abantu banaba, sona nu muntu wesi yuyo akubomba umwakwiyipa poka nabo.

2 Aba Kolinti 10:15

Sona tutakwituvya ukuchila impaka ni mbombo yiyo abantu abanji babomba, awe. Loli ulusubilo lwitu lwakuti, ulwitiko lwinyu lukonjelela-konjela, imbombo yitu mumwinyu yingonjelela nkani,

2 Aba Kolinti 11:23

Nkimba abene babombi aba Kilisitu? Nkunena ngati po ne chipena, ane ne mutumiwa ukubachila abene. Nabomba nkani imbombo ukubachila abene, sona akabalilo akinji nighaliliwa mujele. Inkasyempiwa ni nkomwa izyakusita kubelengiwa, sona nukukomana ni ntamyo izya bufwe kabilikabili.

2 Aba Kolinti 4:1

U Chala muchisa chache atupiye imbombo iyi, po tutakunyokela mwisinda.

2 Aba Kolinti 4:16

Pachifukwa chinichi tutakunyokelapo nalumolumo mwisinda. Napapo amabili ghitu ghakudedebala panandi-panandi, loli amoyo ghitu ghakupokela amaka amapya isiku ni siku.

2 Aba Kolinti 5:9

Manyi tuli mukaya kitu muchisu ichapasi, manyi kuko ali, ifundo yitu yakuti tumuhobosye u Mwene.

2 Aba Kolinti 6:5

Twakomiwa, twighaliliwa mujele nukuvulaziwa muvyongo. Twabomba ukuchila amaka ghitu nukusita ukughona utulo pamo ukulya.

Aba Galatiya 6:2

Munyamulilanaye ukatundu, sona pakubomba bunubu mukwiza pakukwanilisya indaghilo izya Kilisitu.

Aba Galatiya 6:9

Po mutakalitaye pakubomba ivyiza, pakuti pakabalilo kache akiza tukwiza pakwinula nanti tutakuwa amaka.

Aba Filipi 2:16

bo mukubapa amazyu agha bumi. Nanti mukubomba bunubu, inkwiza pakuba ni chifukwa icha kwituvikizya nacho pisiku ilya Kilisitu, pakuti chikwiza pakulanjizya ukuti ukwiyula kwane ni mbombo yane vitakaba vyabulo.

Aba Filipi 4:3

Ee, inkukulaba nawe bulo, we mubombi wamwitu umusubiliwa, ukuti ubavwe abakolo aba, pakuti bakabomba nkani poka nane pakufumusya Amazyu Amiza, poka nu Kelementi, sona na babombi abamwitu bosi, babo amatabwa ghabo ghasimbiwe mwibuku ilya bumi.

Aba Kolosi 1:11

Tukwiputa sona ukuti u Chala abakazye na maka ghache ghosi agha buchindamu, umwakuti mubanje bajivu nkani, na bafisalyoyo, sona na bahobosu.

1 Aba Tesalonika 1:3

Pakuti bwila bulo tukukumbuka pamaso pa Chala nu Tata witu, nizya lwitiko lwinyu, mumo mukiyulila ukulanjizya ulughano lwinyu, sona na mumo ulusubilo lwinyu lwimiye nkani mwa Mwene witu u Yesu Kilisitu.

1 Aba Tesalonika 2:9

Mwee bakamu bane, naloli mukukumbuka namumo tukiyulila. Tukabomba imbombo umusanya nu busiku, umwakuti tutakabatamye, bo tukulumbilila kukwinyu Amazyu Amiza agha Chala.

1 Aba Tesalonika 5:12

Bakamu bitu, tukubalaba ukuti mubachindikaye nkani abantu babo bakubomba imbombo pakasi papinyu, sona na babo u Mwene akabimika ukuti babalongozyanje nu kubamanyizya.

2 Aba Tesalonika 3:13

Loli amwe, mwe bakamu, mutakalitaye pakubomba ubwiza.

2 Aba Tesalonika 3:5

U Mwene alongozye inyinong'ono zyinyu ukuti mulwivwisye ulughano ulwa Chala, sona nu bufisalyoyo ubwa Kilisitu umwakufikapo.

2 Aba Tesalonika 3:8

Aswe tutakalyapo ichakulya icha muntu yumo ukusita ukulipila. Loli tukendelela pakubomba imbombo umusanya nu busiku, umwakuti tutakamutamyepo nayumo umuntu.

1 Timoti 4:10

Ichi cho chifukwa tukwiyula nu kubomba nkani imbombo, pakuti twabika ulusubilo lwitu mwa Chala umumi, yuyo Mupoki uwa bantu bosi, sona nkani-nkani uwa bantu babo bakusubila.

1 Timoti 5:17

Abasongo aba chipanga babo bakubomba akiza imbombo yabo bapokelaye umuvwalo uwakufikapo, nkani-nkani babo imbombo yabo yakulumbilila nu kumanyizya.

Aba Hebeli 10:36

Amwe mubaghiye mubanje bafisalyoyo, umwakuti mubombaye zizyo u Chala akulonda. Po mukwiza pakupokela zizyo akalayizya.

Aba Hebeli 12:1

Pakuti tuzyunguliliwe ni chilundilo ichikulu nkani icha bakaboni, zagha tuvyepuke ivintu vivyo vingatuzighila, sona ni mbibi zizyo zitumamatiye nkani. Zagha tuchimbile nu lweke muchipalano ichakuchimbila chicho chili pantazi papitu.

Aba Hebeli 13:13

Po twende, tubukaye kukwache kuzi kwa visakasa ukuti tusamuliwe poka nawe.

Aba Hebeli 6:10

U Chala mugholosu, sona atakwiza pakuluvya imbombo zyinyu nu lughano lulo mwamulanjizya bo mukubavwa abantu bache, sona mwendelela pakubavwa.

Aba Hebeli 6:12

Tutakulonda ukuti mubanje bakata, loli mweghelelaye abantu babo bakupyana vivyo u Chala akalayizya pachifukwa icha lwitiko nu bufisalyoyo.

Aba Hebeli 6:15

U Abulahamu alindilila mubufisalyoyo, pisinda pache akanda pakapokela zizyo u Chala akamulayizya.

2 Pitala 1:6

pa mahala ghinyu monjelezyepo kwilema, pa kwilema kwinyu monjelezyepo ubufisalyoyo, sona pa bufisalyoyo bwinyu monjelezyepo ukumwiputa u Chala.

Ubuvumbuli 1:9

Ane ne Yohani umukamu winyu, inkugabana namwe amayimba, nu bumwene, sona nu bufisalyoyo mwa Yesu. Inkabikiwa pa kasungo aka Patimo pachifukwa chakuti nkalumbilila amazyu agha Chala, sona nu bwanaloli bubo u Yesu akabuvumbula.

Ubuvumbuli 3:10

Pakuti wasungilila amazyu ghane aghakuti ujimbaye, po nane inkwiza pakukusungilila pakabalilo aka njelo, kako kakwiza pachisu chosi ichapasi pakubayela abantu babo bakwikalamo.