Ubuvumbuli 1:5 - Ulufingo Ulupya

⁵ Ichisa chinichi chikufuma kwa Yesu Kilisitu, ukaboni umusubiliwa uwakwanda pakuzyuka kubufwe, sona yuyo we umulaghili uwa bamwene bosi aba muchisu ichapasi. U Mwene atughanite aswe, sona atwabuye ku mbibi zyitu ni banda lyache.

IBAYIBOLO 2024

⁵ Ichisa chinichi chikufuma kwa Yesu Kilisitu, ukaboni umusubiliwa uwakwanda pakuzyuka kubufwe, sona yuyo we umulaghili uwa bamwene bosi aba muchisu ichapasi. U Mwene atughanite aswe, sona atwabuye kumbibi zyitu ni banda lyache.

Ubuvumbuli 1:5 Iomraidhean Croise

Matayi 20:28

Ayane bulo nu Mwana uwa Muntu, pakuti atakiza ukuti bamubombelaye, loli pakubabombela nukubapa ubumi bwache ukuti abapoke abantu abinji.”

Matayi 28:18

U Yesu akapalamila nukubabuzya ukuti, “Napeghiwa ubulaghili bosi kumwanya na pasi pano.

Yohani 13:1

Kukasyalako bulo isiku lyoka ukuti Ulusekelo ulwa Pasa lubombiwe. U Yesu akazimanyila zila ukuti akabalilo kache kakwana akakuti achileke ichisu chapasi nukubuka kwa Wise. Abaghanite nkani abantu bache aba muchisu ichapasi, sona akabaghana mupaka pisiku ilyabumalilo ilya bumi bwache pachisu ichapasi.

Yohani 13:34

Po losi ulu nkubapa ilamulo ilipya ilyakuti mughananaye mwebene. Mughananaye, ukuyana na mumo inkabaghanila.

Yohani 15:9

Ukuyana na mumo Utata anganiye, momumo nane bulo imbaghaniye. Mubanje mulughano ulwane.

Yohani 18:37

Po u Pilati akamulalusya akati, “Nkimba we Mwene?” U Yesu akamula akati, “Momumo mo wanenela ukuti ane ne Mwene. Nkapapiwa nukwiza muchisu ichapasi ukuti imbusimikizye ubwanaloli. Umuntu wesi yuyo ali pa bwanaloli, akwivwila amazyu ghane.”

Yohani 3:11

Naloli inkukubuzya ukuti aswe tukunena zizyo tuzimenye, tukuzisimikizya zizyo tuzyenizye, loli nayumo umuntu mumwinyu yuyo akulupokela ulusimikizyo lwitu.

Yohani 3:16

Pakuti u Chala akabaghana nkani abantu aba muchisu ichapasi, umwakuti akabapa u Mwana wache mwene na mwene, kokuti umuntu wesi yuyo akumusubila atakafwanje, loli abanje nubumi ubwa bwila na bwila.

Yohani 3:32

Umwene akuzisimikizya zizyo azyenizye nu kuzyivwa. Loli nayumo umuntu yuyo akulupokela ulusimikizyo lwache.

Imbombo 20:28

Po mwisungilile mwebene, sona nu mudimo ghosi ghugho u Muzimu Umuzelu abikite munyobe zyinyu. Mubanje mwe badimi aba chipanga icha Chala, chicho akachitabula ni banda ilya mwana wache.

Imbombo 26:23

ukuti u Kilisitu abaghiye pakuyimba, sona akwiza pakuba wakwanda pakuzyuka mu bantu abafwe, ukuti alumbilile ulukozyo ulwa bupoki ubwa ba Yuda, nulwa bantu babo bate ba Yuda.”

Aba Loma 3:25

U Chala akamubika ukuti chibanje chakwiyipa, ukuti ukwendela mu bufwe bwache imbibi izya bantu zihobokeliwe, abantu babo bakumusubila. U Chala akabomba bunubu ukuti alanjizye ubugholosu bwache, pachifukwa icha bufisalyoyo bwache atakabafundila zila abantu babo bakananga.

Aba Loma 8:37

Awe, loli muvintu vyosi vinivi twe bapoti ukwendela mu yuyo akatughana aswe.

1 Aba Kolinti 6:11

Umu mo mumo bamo mumwinyu mukabela, loli mukaswefiwa nukupaghuliwa, sona mwaneniwa ukuti mute ninongwa nayimoyimo pamaso pa Chala mwitabwa ilya Mwene u Yesu Kilisitu, sona nukwendela mu Muzimu uwa Chala witu.

Aba Galatiya 2:20

Inkomeliwe pachipinjika poka nu Kilisitu. Po inte nene yuyo mumi, loli we Kilisitu. Ubumi bubo inkwikala muchisu ichapasi, inkwikala ukwendela mu lwitiko mu Mwana uwa Chala, yuyo anganite nukufwa pachifukwa icha nene.

Aba Efeso 2:4

Loli u Chala, yuyo wachisa nkani, akatughana nu lughano lwache lulo lukulu nkani,

Aba Efeso 5:2

Mubanje nu lughano ukuyana na mumo u Kilisitu akatughanila nukwiyipa ubumi bwache pakuba chabupi ichakununkila, sona ni chakwiyipa ichakumuhobosya u Chala.

Aba Kolosi 1:18

Umwene we mutu uwa mubili wache, chicho chipanga. Umwene we mbwibwi iyabumi ubwa mubili wache, sona we Mwana ukatote, yuyo akazyuka kubufwe, umwakuti abanje wakwanda pavintu vyosi.

1 Timoti 6:13

Pantazi pa Chala, yuyo akupa ubumi ivintu vyosi, sona na pamaso pa Kilisitu u Yesu, yuyo akitika ulwitiko pamaso pa Pontiyo Pilati, nkukulamula ukuti

1 Timoti 6:15

Ukuboneka kwache kukwiza pakulanjiziwa pakabalilo kache akiza, kako kakayaniziwa nu Chala, umusayiwa, sona yuyo Mulaghili mwene, Usongo uwa basongo, sona nu Mwene uwa bamwene.

Aba Hebeli 10:29

Po nkimba zingaba buli-buli nu muntu yuyo akumusamula u Mwana uwa Chala? Nkimba zingaba buli-buli nu muntu yuyo akulinyazya ibanda ilya lufingo ulwa Chala lilyo likamuswefya imbibi zyache? Nkimba zingaba buli-buli nu muntu yuyo akumusamula u Muzimu Umuzelu, yuyo akumulanjizya ichisa?

Aba Hebeli 9:14

Po ibanda ilya Kilisitu, yuyo ukwendela mu Muzimu uwa bwila na bwila, akiyipa mwene ukuti chibanje chakwiyipa ichakufikapo kwa Chala likwiza pakuswefya umabyebye witu pambombo izyabulo, umwakuti tungamubombela u Chala umumi.

1 Pitala 1:19

Loli mukasatuliwa ni banda ilyamutengo ilya Kilisitu, yuyo mwana uwa ng'ozi umusita chilema nachimochimo pamo ububibi bumo.

1 Yohani 1:7

Loli nanti tukwenda mu lukozyo, ukuyana na mumo umwene abeleye mu lukozyo, kokuti tuli mubupoka twebenebene, sona ibanda ilya Yesu u Mwana wache likutuswefya aswe imbibi zyosi.

1 Yohani 4:10

Ulughano ulwenecho lo ulu: Tute sweswe twe tukamughana u Chala, awe. Loli u Chala we yuyo akatughana nukututumila u Mwana wache ukuti abanje chakwiyipa ichakuhobokela imbibi zyitu.

Ubuvumbuli 11:15

Uwantumi waseveni akalizya ipati lyache, sona izyu ilya pamwanya nkani likivwika kumwanya likati, “Amaka aghakulaghilila ichisu chapasi ilelo ghali munyobe izya Mwene nu Mesiya wache. Akwiza pakulaghila bwila na bwila!”

Ubuvumbuli 11:3

Inkwiza pakubatuma abakaboni bane babili abakuvwala amasaka pachifukwa bakalililagha imbibi. Bakwiza pakulumbilila Amazyu Amiza agha Chala amasiku 1,260.”

Ubuvumbuli 17:14

Bakwiza pakulwa inkondo nu Mwana uwa ng'ozi. Loli u Mwana uwa ng'ozi na bitiziwa poka na basaliwa bache, bakwiza pakubapota pachifukwa chakuti u Mwana uwa ng'ozi we Mwene uwa bamwene, sona we Mulaghili uwa balaghili.”

Ubuvumbuli 19:11

Pisinda pache inkennya kumwanya kwighukite, po inkennya ifalasi inswepu. Uwakukwelapo akaba we Musubiliwa sona Wanaloli. Akulonga nukulwa inkondo zyache mu bwanaloli.

Ubuvumbuli 19:16

Pa nkazo yache sona na pantapatapa pakasimbiwapo itabwa ilyakuti, “Umwene uwa bamwene, sona Umulaghili uwa balaghili.”

Ubuvumbuli 2:13

Inzimenye ukuti kuko ukwikala, ko kuko kuli ichitengo icha bumwene ubwa Satana. Awe we musubiliwa kukwane, sona utakalutaghe ulwitiko lwako mumwane, na pakabalilo bulo aka Antipasi, ukaboni wane umusubiliwa yula, yuyo akaghoghiwa, kuko u Satana akwikalako.

Ubuvumbuli 3:14

“Uwantumi uwa muchipanga icha mu Labodikiya umusimbile uti: Amazyu ghagho ghaneniwa na yuyo akwitiziwa ukuti we Ameni, umusubiliwa, sona nu kaboni uwanaloli, yuyo we chifumo icha vipeliwa vyosi ivya Chala, gho agha:

Ubuvumbuli 7:14

Inkamwamula inkati , “Mwene wane, wewe uzimenye.” Po akambuzya akati, “Aba bo bantu babo bapona pakuvwimiwa ukukulu nkani. Bachapite inkazo zyabo nukwiswefya bene ni banda ilya Mwana uwa ng'ozi.