Ubuvumbuli 1:16 - Ulufingo Ulupya

¹⁶ Akalema intondwa seveni munyobe yache indilo. Mu mulomo mwache mukafuma upanga yuyo akwete kosi na kosi. Icheni chache chikalamagha ngati po izuba lili pamutu.

IBAYIBOLO 2024

¹⁶ Akalema intondwa seveni munyobe yache indilo. Mumulomo mwache mukafuma upanga yuyo akwete kosi na kosi. Icheni chache chikalamagha ngati po izuba lili pamutu.

Ubuvumbuli 1:16 Iomraidhean Croise

Matayi 17:2

Bo bakumwennya, akabonekele aka Yesu kakanduka. Icheni chache chikanyezimila ngati lyo lizuba, sona amenda ghache ghakaba maswepu nkani!

Imbombo 26:13

Mwene, bo izuba lyafika pamutu, bo indi muzila, inkennya ulukozyo ulwakulama nkani ukuchila ukulama kwa izuba ukufuma kumwanya kukandamila na bantu babo inkendagha babo.

Aba Efeso 6:17

Vwala ubupoki pakuba chisote chinyu, sona amazyu agha Chala ghabanje we panga uwa Muzimu Umuzelu.

Aba Hebeli 4:12

Pakuti amazyu agha Chala mumi sona ghakubombabomba. Ghakwete nkani ukuchila upanga yuyo akwete kosi na kosi. Upanga akulasa mupaka papo pakomanite impingu na mafuta agha mwifupa. Umwakuyana bulo, amazyu agha Chala ghakulasa mupaka papo pakomanite umoyo nu muzimu uwa muntu. Ghakulonga inyinong'ono izya bantu, sona na vivyo amoyo ghabo ghakunyonywa.

Ubuvumbuli 1:20

Ichakubusyefu icha ntondwa seveni zizyo wazyennya munyobe indilo, ni vyakubikapo inyale ivya golide seveni vila cho ichi: Intondwa seveni zila bo bantumi aba vipanga seveni, sona ivyakubikapo inyale ivya golide seveni vila vyo vipanga seveni.

Ubuvumbuli 10:1

Pisinda pache inkamwennya uwantumi uyunji uwamaka akwika kumwanya. Akavwinkiwa mwibingu, sona kumutu wache kukaba umupingo-pingo uwa vula. Icheni chache chikaba ngati lyo lizuba, sona ivinama vyache vikaba ngati zyo mpanda izya moto.

Ubuvumbuli 12:1

Pisinda pache ichimanyilo ichikulu ichakuswighizya nkani chikaboneka kumwanya. Kukaba umukolo yuyo akavwala izuba ni nyayo zyache zikanyite pamwezi. Kumutu wache akavwala impumpu iya bumwene yiyo yikaba ni ntondwa 12.

Ubuvumbuli 19:15

Mu mulomo wache mukafuma upanga yuyo akwete nkani, uwakupotela abantu aba inko izyakulekanalekana. Akwiza pakubalaghila ni ndisa yache iya chela, sona akwiza pakukanyannya amampesya mu chiliba ichakukanyilamo amampesya icha bukali ubwa Chala Uwamaka Ghosi.

Ubuvumbuli 19:21

Abasikali babo bakaghoghiwa nu panga uwakufuma mu mulomo uwa yuyo akakwela pa falasi. Po iviyuni vyosi vikasong'ompola amabili ghabo mosi mumo vikalondelagha.

Ubuvumbuli 2:1

Uwantumi uwa muchipanga icha mu Efeso umusimbile uti, “Amazyu ghagho ghaneniwa na yuyo alemite intondwa seveni munyobe yache indilo, sona yuyo akwenda pakasi pa vyakubikapo inyale izya golide seveni gho agha.”

Ubuvumbuli 2:12

“Uwantumi uwa muchipanga icha mu Peligamu umusimbile uti: Amazyu ghagho ghaneniwa na yuyo alemite upanga yuyo akwete kosi na kosi, gho agha:

Ubuvumbuli 2:16

Pinduka nukuzileka imbibi zyinyu! Nanti mutakupinduka inkwiza kukwinyu lunulu nukulwa namwe inkondo nu panga yuyo akwete kosi na kosi, sona yuyo akufuma mu mulomo wane.

Ubuvumbuli 3:1

“Uwantumi uwa muchipanga icha mu Salidisi umusimbile uti: Amazyu ghagho ghaneniwa na yuyo ali ni mizimu seveni iya Chala, sona yuyo ali ni ntondwa seveni gho agha: Invimenye vyosi vivyo ukubomba. Napapo umanyikitwe ukuti we mumi, loli izimenye ukuti we mufwe.