Titi 3:3 - Ulufingo Ulupya

³ Pakuti naswe bulo akabalilo kamo tukaba bapunganu, abasita ukwivwila, sona na bakusobela. Tukaba bazya aba vinyonywa ivibibi, sona ni vintu vyosi ivyakulekanalekana ivyakuhobosya umubili. Tukalindagha mumbibi na mukabini. Abantu abanji bakatubenga, sona naswe bulo tukababenga.

IBAYIBOLO 2024

³ Pakuti naswe bulo akabalilo kamo tukaba bapunganu, abasita ukwivwila, sona na bakusobela. Tukaba bazya aba vinyonywa ivibibi, sona ni vintu vyosi ivyakulekanalekana ivyakuhobosya umubili. Tukalindagha mumbibi na mukabini. Abantu abanji bakatubenga, sona naswe bulo tukababenga.

Titi 3:3 Iomraidhean Croise

Matayi 21:29

Umwana yula akamula akati, ‘Tata, ntakulonda.’ Loli pisinda pache akabuka.

Luka 21:8

U Yesu akamula akati, “Mubanje maso, ukuti patakabepo nayumo umuntu uwakubazimbula. Pakuti abantu abinji bakwiza pakubombezya itabwa lyane nukuti, ‘Ane ne Kilisitu.’ Bakwiza pakunena sona ukuti, ‘Ubumalilo bwafika.’ Loli mutakabakonke.

Yohani 8:34

U Yesu akabamula akati, “Naloli inkubabuzya ukuti umuntu wesi yuyo akubomba imbibi, muzya uwa mbibi.

Aba Loma 11:30

Ngati mumo amwe mwe bantu babo bate ba Yuda kale mutakamwivwila u Chala, loli ilelo mwapokela ichisa icha Chala pachifukwa ichakusita kwivwila kwa ba Yuda.

Aba Loma 6:12

Polelo mutakitikizye ukuti imbibi yilamulilaye amabili ghinyu ghagho ghakufwa, umwakuti mukonke ivinyonywa ivya mabili ghinyu.

Aba Loma 6:17

Loli amapalo ghabanje kwa Chala, napapo akabalilo kamo mukaba mwe bazya abambibi, loli ilelo mukwivwila nu moyo winyu ghosi ubwanaloli ubwa vimanyisyo vivyo mukapokela.

Aba Loma 6:22

Loli pakuti ilelo mwasatuliwa ku mbibi, po mwaba mwe bazya aba Chala. Chicho mwakabapo bumi ubuzelu, sona bumalilo bwache, bo bumi ubwa bwila na bwila.

Aba Loma 6:6

Tuzimenye ukuti inkalo yitu inkali yikakomeliwa poka nu Yesu pachipinjika, ukuti inkalo zyitu izya mbibi zinanganike, umwakuti tutakabe sona bazya abambibi.

2 Aba Kolinti 12:20

Pakuti inkunyila ukuti lumo ningiza nukubagha bulo ukulekana namumo nalondelagha, sona nukuti namwe munganyagha bulo ukulekana namumo mwalondelagha. Inkunyila sona ukuti lumo ningagha ukudalinkana, na kabini, nu kukalala, nu kwiyighana, ni ntuko, ni yebo, nu kwitutumula, sona nu buvulunganu.

Aba Galatiya 6:3

Pakuti nanti umuntu yumo akwipima mwene ukuti we muntu naloli, po muntu bulo, akwizimbula bulo mwene.

Aba Kolosi 1:21

Akabalilo kamo amwe mukaba kubutali nu Chala, sona mukaba balwani bache, pachifukwa icha nyinong'ono zyinyu, sona ni mbombo zyinyu imbibi.

Aba Kolosi 3:7

Namwe bulo kale inkalo yinyu yikayanagha bulo ni yabo, akabalilo kako mukakonkagha ivinyonywa vinivi.

2 Timoti 3:13

Loli abantu ababibi na bazimbuli bakwiza pakonjelela-konjela akuba babibi nukubazimbula abantu abanji, loli bope bakwiza pakuzimbuliwa.

2 Timoti 3:6

Bamo aba bantu banaba bakwinjila munyumba izya bantu nukubazimbula abakolo babo badedebaye, babo bang'wamilwe nu katundu uwa mbibi. Abakolo banaba bakuwesiwa ni vinyonywa ivyakulekanalekana,

Titi 1:16

Bakwipima bene ukuti bamumenye u Chala, loli mumbombo zyabo bakumukana. Abene banyazu, na basita ukwivwila, sona batabaghiye napo panandi pakubomba ichintu ichiza.

Titi 2:12

Ichisa ichi chikutumanyizya ukuti tuleke pakuba ni nkalo iyakusita ukumuchindika u Chala, sona nukuti tuleke ivinyonywa ivya muchisu ichapasi. Chikutumanyizya sona ukuti tubanje bantu abakwilema, na bagholosu, sona na bakumuchindika u Chala mubumi bwitu ubwa muchisu ichapasi,

Yakobo 1:26

Nanti umuntu akwipima ukuti akumwiputa u Chala, loli atakululema ululimi lwache, akwizimbula bulo, sona ukwiputa kwache kwabulo.

1 Pitala 1:14

Mumwivwilaye u Chala, sona mutakavikonkaye ivinyonywa vyinyu ivyakale vivyo mukaba navyo, bo muchili muli muchisi.

Ubuvumbuli 12:9

Inyivwila inkulu yikasumbiwa pachisu ichapasi—injoka inkali yila, yiyo yikitiziwanga ukuti we Mubibi pamo Satana, yuyo akachizimbula ichisu chosi ichapasi. Akasumbiwa pasi poka na bantumi bache.

Ubuvumbuli 13:14

Chikabazimbula abantu bosi abakwikala muchisu ichapasi pakupela iviswigho vivyo chikitikiziwa ukuti chibombaye pamaso pa chinyamana ichakwanda chila. Ichinyamana chila chikababuzya abantu ukuti babize ichifwani ichakuchindikila ichinyamana chicho chikavulaziwa nu panga, loli pope bulo chikaba nubumi.

Ubuvumbuli 18:2

Akakolomoka nizyu ilya pamwanya nkani akati, “Kamala mwee! Kamala mwee! Kamala akaya akakulu nkani aka Babiloni! Ipelite mwene pakuba buyo ubwa mizimu imibibi. Ipelite pakuba chivulumbo icha viyuni vyosi ivinyazu pakuba buzilo ubwa vinyamana ivilwani.