Titi 2:1 - Ulufingo Ulupya

¹ Loli awe ubaghiye umanyizyanje ukuyana ni chimanyisyo ichenecho.

IBAYIBOLO 2024

¹ Loli awe ubaghiye umanyizyanje ukuyana ni chimanyisyo ichenecho.

Titi 2:1 Iomraidhean Croise

1 Timoti 1:10

na bamalaya, na banavuli babo bakughonana benebene, na bakwiba abantu, na bamyasi, na bakaboni abamyasi, sona na bosi babo bakususannya ni chimanyisyo ichenecho.

1 Timoti 6:3

Nanti umuntu yumo akumanyizya ichimanyisyo ichakulekana ni vintu ivi, sona atakwivwana na mazyu aghanaloli agha Mwene, u Yesu Kilisitu ni vimanyilo ivya chiputo chitu.

2 Timoti 1:13

Uchilemezyanje ichimanyisyo ichanaloli chicho ukivwa kukwane, umwakuti chibanje chifwanikizyo chicho ubaghiye pakuchikonka. Ubombaye zinizi nu lwitiko, sona nu lughano, vivyo tuli navyo pakumamatilana poka nu Kilisitu u Yesu.

Titi 1:9

Alemezye amazyu amasubiliwa ukuyana ni chimanyisyo chane, umwakuti angabakazya abantu abanji ni chimanyisyo ichanaloli, sona nukubapota abantu babo bakususannya ni chimanyisyo chinichi.

Titi 3:8

Amazyu agha masubiliwa. Nkulonda ukuti udidimizyepo pavintu vinivi, umwakuti abantu babo bakumusubila u Chala babanje bakwikolezannya pakubomba imbombo inyiza, zizyo nyiza, sona zikubavwa abantu bosi.

1 Pitala 4:11

Umuntu wesi yuyo akulumbilila, alumbililaye amazyu agha Chala. Umuntu wesi yuyo akubabombela abanji, abombaye na maka ghagho u Chala akamupa, umwakuti u Chala apaliwanje muvintu vyosi, ukwendela mwa Yesu Kilisitu. Ubuchindamu na maka vibanje kwa Chala bwila na bwila. Ameni.