Titi 1:8 - Ulufingo Ulupya

⁸ Loli abanje muntu uwakupokela abayeni, nukuchighana chicho chiza. Abanje wakwilema, nu mugholosu, nu muzelu, sona nu wankalo inyiza.

IBAYIBOLO 2024

⁸ Loli abanje muntu uwakupokela abayeni, nukuchighana chicho chiza. Abanje wakwilema nu mugholosu nu muzelu, sona nu wankalo inyiza.

Titi 1:8 Iomraidhean Croise

Luka 2:25

Pakabalilo kalakala kukabako umuntu yumo yuyo akaba we Simiyoni, yuyo akikalagha mu Yelusalemu. Akaba mugholosu, sona umuntu uwakumunyila u Chala. Akalindililagha akabalilo kako u Chala akwiza pakubapoka aba Izilayeli, sona u Muzimu Umuzelu akaba nawe.

Imbombo 24:25

Bo u Pabuli akunena nizya bugholosu, nizya kwilema, sona nizya Isiku lilyo u Chala akwiza pakubalonga abantu, u Felikisi akaba nu bogha nukumubuzya ukuti, “Ungabuka losi ulu. Inkwiza pakukwitizya sona nanti nakagha akabalilo.”

1 Aba Tesalonika 2:10

Amwe mwe bakaboni bitu, sona nu Chala wepe, we kaboni witu ukuti inkalo yitu kukwinyu mwe bitiki yikaba nzelu, yikaba ngolosu, sona nisita chilema nachimochimo.

1 Timoti 3:2

Umulongozi uwa chipanga abanje ni nkalo inyiza, abanje nu muchi weka, atakakolwanje, abanje wakwilema, nu mololo, nu wamuchizi, nu wakupokela abayeni, uwakumanya pakumanyizya.

1 Timoti 4:12

Patakabepo umuntu uwakukusula pachifukwa chakuti we mulumendo, loli ubanje we chifwanikizyo icha bitiki mukanenele, na munkalo, na mulughano, na mulwitiko, sona na mubumi ubwiza.

1 Timoti 6:11

Loli awe, we mubombi uwa Chala uvileghuke ivintu vyosi vinivi. Ubanje nu moyo uwakubulondelezya ubugholosu, nukumunyila u Chala, nu lwitiko, nu lughano, nu bufisalyoyo, sona nu bololo.

2 Timoti 2:22

Leghukako kuvinyonywa ivya chilumendo, sona ubukonkaye ubugholosu, nu lwitiko, nu lughano, nu mutende, poka na bantu babo bakumuchindika u Mwene nu moyo umuzelu.

2 Timoti 3:3

Bakwiza pakuba basita lughano, na basita luhobokelo, na biyebo, na bavyongo, na bakoghofya, sona na balubengo pavintu ivyiza.

Titi 2:7

Muvintu vyosi, awe ubanje we chifwanikizyo icha nkalo inyiza. Bo ukumanyizya, umanyizyanje nu moyo uwanaloli, sona nu muchizi.

1 Yohani 3:14

Tuzimenye ukuti twepamo mu bufwe, twikwinjila mubumi, pachifukwa chakuti tubaghanite abakamu bitu. Umuntu wesi yuyo atakumughana umukamu wache achili ali mu bufwe.

1 Yohani 5:1

Umuntu wesi yuyo akusubila ukuti u Yesu we Mesiya umusaliwa yula, kokuti umwene mwana uwa Chala. Sona umuntu wesi yuyo amughanite u Wise, abaghanite sona na bana bulo.