Luka 8:10 - Ulufingo Ulupya

¹⁰ Po u Yesu akabamula akati, “U Chala abavumbulila vivyo vifisiwe ivya Bumwene bwache. Loli abantu babo bali kuzi bakwivwa vyosi muvyili, ukuti bangennya nukwennya, loli bate bavyennyanje, sona nukuti bangivwa nukwivwa, loli batangavyivwisya.

IBAYIBOLO 2024

¹⁰ Po u Yesu akabamula akati, “U Chala abavumbulila vivyo vifisiwe ivya Bumwene bwache. Loli abantu babo bali kuzi bakwivwa vyosi muvyili, ukuti bangennya nukwennya, loli bate bavyennyanje, sona nukuti bangivwa nukwivwa, loli batangavyivwisya.

Luka 8:10 Iomraidhean Croise

Matayi 11:25

Pakabalilo kalakala u Yesu akati, “Wee Tata, Mwene uwa kumwanya na pachisu ichapasi! Inkukupalizya pachifukwa chakuti wabavumbulila abantu babo batamanyiye ivintu vivyo ukabafisa abantu abamahala na bamanyi.”

Matayi 16:17

U Yesu akamula akati, “Wee musayiwa, Simoni umwana uwa Yohani. Pakuti ubwanaloli ubu bute ubwa bantu, loli bukapeghiwa kukwako nu Tata wane uwa kumwanya.

Maliko 4:11

U Yesu akamula akati, “U Chala abavumbulila vivyo vifisiwe ivya Bumwene bwache. Loli abantu babo bali kuzi bakwivwa vyosi muvyili,

Maliko 4:12

ukuti, ‘Bangennya nukwennya, loli bate bavyennyanje. Bangivwa nukwivwa, loli batangivwisya. Nanti bangamanya, bangapinduka nukuzileka imbibi zyabo, po u Chala angabahobokela imbibi zyabo.’ ”

Yohani 12:40

“U Chala ighalila amaso ghabo, nukukazya inyinong'ono zyabo, umwakuti amaso ghabo ghaleke pakwennya, ni nyinong'ono zyabo zileke pakwivwisya, nukuti baleke pakupindukila kukwane ukuti imbapozye.”

Aba Loma 16:25

U Chala achindikiwanje. Ali na maka pakubakazya mulwitiko lwinyu, ukuyana na Mazyu Amiza agha Yesu Kilisitu ghagho nalumbilila, sona ukuyana nu buvumbuli ubwa vintu izyakubusyefu vivyo vikafisiwa ukwanda kale.

1 Aba Kolinti 12:11

Loli zyosi zinizi akuzibomba we Muzimu Umuzelu weka mpela, yuyo akumupa umuntu wesi ukuyana nu bwighane bwache.

Aba Kolosi 2:2

Chicho nkulonda chakuti amoyo ghabo ghangakaziwa, sona nukuti bamamatilane poka mulughano, umwakuti bizule na mahala aghakivwisizye aka vintu. Bunubu bakwiza pakumanya umwakufikapo nizya kubusyefu izya Chala, yuyo we Kilisitu,

1 Timoti 3:16

Umwakusita ukwilamwa nakumo-kumo, ubusyefu ubwa chiputo chitu bukulu nkani: Umwene akaboneka nu mubili uwa buntu akasimikiziwa nu Muzimu Umuzelu pakuba mugholosu, na bantumi bulo aba kumwanya bakamwennya. Umwene akalumbililiwa pakasi pa bantu aba inko zyosi. Po abantu bosi aba muchisu chosi ichapasi bakamusubila, sona akasendiwa pakubuka kumwanya nu buchindamu.