Luka 3:16 - Ulufingo Ulupya

¹⁶ Po u Yohani akababuzya abantu bosi akati, “Ane inkubozya na mizi, loli pisinda papane pakwiza yumo uwamaka ukunchila. Ane ntabaghiye napo panandi pakwinama nukusatula utupinyilo utwa nkwato zyache. Akwiza pakubozya nu Muzimu Umuzelu, sona nu moto.

IBAYIBOLO 2024

¹⁶ Po u Yohani akababuzya abantu bosi akati, “Ane nkubozya na mizi, loli pisinda papane pakwiza yumo uwamaka ukunchila. Ane intabaghiye napo panandi pakwinama nukusatula utupinyilo utwa nkwato zyache. Akwiza pakubozya nu Muzimu Umuzelu, sona numoto.

Luka 3:16 Iomraidhean Croise

Matayi 3:11

Ane inkubozya na mizi pakulanjizya ukuti naloli mwapinduka nukuzileka imbibi zyinyu. Loli pisinda papane pakwiza yumo pakubozya nu Muzimu Umuzelu nu moto. Ali na maka ukunchila. Ane ntabaghiye na panandi pakunyamula inkwato zyache.

Matayi 3:12

Ali nu luselo munyobe zyache ulwakupetela ingano. Po akwiza pakubika ingano muntamba, loli ilyelelo likwiza pakochiwa nu moto, ghugho ghutakuzimapo nalumolumo.”

Yohani 1:26

U Yohani akabamula akati, “Ane inkozya na mizi, loli pakasi papinyu alimo yumo yuyo amwe mutamumenye.

Yohani 1:27

Yunuyu we yuyo akwiza pisinda papane, umwakuti ane ntabaghiye napo panandi pakusatula utupinyilo utwa nkwato zyache.”

Yohani 1:33

Pope bulo ntakamanya ukuti we yuyo, loli u Chala yuyo akantuma pakozya na mizi akambuzya akati, ‘Bo ukwennya u Muzimu Umuzelu akwika nukwikala papache, we yuyo akozya nu Muzimu Umuzelu.’

Yohani 7:38

Pakuti Amasimbo ghakuti, ‘Umuntu wesi yuyo akunsubila, isoko izya mizi amapela ubumi zikwiza pakwendagha mumwache.’ ”

Imbombo 1:5

U Yohani akozyanga na mizi, loli mumasiku amanandi mukwiza pakoziwanga nu Muzimu Umuzelu.”

Imbombo 10:44

Bo u Pitala achili akunena, u Muzimu Umuzelu akabikila bosi babo bakateghelezyanga amazyu ghache.

Imbombo 2:33

U Yesu akakweziwa nukwikala kunyobe indilo iya Chala, akapokela u Muzimu Umuzelu yuyo Uwise akalayizya. Vivyo mukuvyennya nukwivwa ivyabupi vyache vivyo vyapunguliliwa papitu.

1 Aba Kolinti 12:13

Pakuti aswe twebosi, manyi mu Yuda, pamo umuntu yuyo ate mu Yuda, manyi muzya, manyi musatuke, tukoziwa mu Muzimu Umuzelu weka ukuti tubanje mubili ghoka, sona twebosi tupeghiwe u Muzimu weka ukuti tung'wele.