Luka 21:8 - Ulufingo Ulupya

⁸ U Yesu akamula akati, “Mubanje maso, ukuti patakabepo nayumo umuntu uwakubazimbula. Pakuti abantu abinji bakwiza pakubombezya itabwa lyane nukuti, ‘Ane ne Kilisitu.’ Bakwiza pakunena sona ukuti, ‘Ubumalilo bwafika.’ Loli mutakabakonke.

IBAYIBOLO 2024

⁸ U Yesu akamula akati, “Mubanje maso, ukuti patakabepo nayumo umuntu uwakubazimbula. Pakuti abantu abinji bakwiza pakubombezya itabwa lyane nukuti, ‘Ane ne Kilisitu.’ Bakwiza pakunena sona ukuti, ‘Ubumalilo bwafika.’ Loli mutakabakonke.

Luka 21:8 Iomraidhean Croise

Matayi 24:11

Po abalaghuzi abamyasi abinji bakwiza pakuboneka nukuzimbula abantu abinji.

Matayi 3:2

Akati, “Pinduka nukuzileka imbibi zyinyu, pakuti Ubumwene ubwa Kumwanya buli papipi!”

Matayi 4:17

Ukwanda pakabalilo kalakala u Yesu akanda pakulumbilila ukuti, “Pinduka nukuzileka imbibi zyinyu, pakuti Ubumwene ubwa Kumwanya buli papipi!”

Luka 17:23

Kukwiza pakubako babo bakwiza pakunenagha kukwinyu ukuti, ‘Ali pano,’ pamo ‘Ali kula.’ Loli mutakabukaye nukubakonka.

Luka 21:7

Bakamulalusya bakati, “Wee Mumanyisi, nkimba ivintu vinivi vikwiza pakuboneka liyi? Nkimba choni chicho chikwiza pakuboneka ukulanjizya ukuti akabalilo kali papipi ukuti vinivi vibombiwe?”

Luka 21:9

Mutakanyilaye bo mukwivwa nizya nkondo ni vyongo. Ivintu vinivi vibaghiye vibombiwe tasi, loli kute kokuti ubumalilo bwafika.”

Yohani 5:43

Ane nizite nu bulaghili ubwa Tata wane, loli amwe mutampokelite. Loli nanti yumo akwizila mu bulaghili ubwache nu bwache, amwe mukwiza pakumpokela.

Yohani 8:24

Ichi cho chifukwa inkababuzya ukuti mukwiza pakufwa pachifukwa icha mbibi zyinyu. Mukwiza pakufwa pachifukwa icha mbibi zyinyu nanti mutakusubila ukuti, ‘Ane Nene.’ ”

Yohani 8:28

U Yesu akanena nabo akati, “Bo mukumupayika u Mwana uwa Muntu, panapo mukwiza pakumanya ukuti, ‘Ane Nene,’ sona mukwiza pakumanya ukuti ntakubomba nachimo nu bulaghili ubwane nu bwane, loli nkunena zyene zizyo Utata ambuzizye ukuti inene.

1 Aba Kolinti 6:9

Naloli muzimenye ukuti abantu ababibi batakwiza pakupyana Ubumwene ubwa Chala. Mutakizimbulaye mwebene pakuti abamalaya, pamo abantu babo bakwiputa ivifwani, pamo abalowe, pamo abanavuli na bakolo babo bakughonana benebene,

Aba Efeso 5:6

Mutakamwitikizye nayumo umuntu ukuti abazimbule na mazyu aghabupunganu, pakuti ivintu vinivi vyo vivyo vikwiza nu bukali pakasi pa bantu babo batakumwivwila u Chala.

2 Aba Tesalonika 2:3

Patakabepo nayumo umuntu uwakubazimbula napo panandi, pakuti isiku lila litakwiza mupaka papo ukumusambukila u Chala ukwabumalilo kwabombiwa, sona umuntu Umubibi yula aboneke, yuyo ubumalilo bwache ko kuzimila.

2 Timoti 3:13

Loli abantu ababibi na bazimbuli bakwiza pakonjelela-konjela akuba babibi nukubazimbula abantu abanji, loli bope bakwiza pakuzimbuliwa.

1 Yohani 4:1

Mwee bamanyani bane abaghaniwa, mutakabasubilaye abantu bosi babo bakuti bali nu Muzimu Umuzelu, loli mubayezyanje ukuti mumanye nanti naloli umuzimu ghugho bali nagho uwa kwa Chala. Pakuti abalaghuzi abamyasi binji nkani muchisu chosi ichapasi.

2 Yohani 1:7

Abazimbuli abinji babo batakwitika ukuti u Yesu Kilisitu akiza mu mubili uwa buntu, benda-benda muchisu chosi ichapasi. Abantu banaba bazimbuli, sona balwani aba Kilisitu.

Ubuvumbuli 1:3

Musayiwa umuntu yuyo akubelenga ibuku ili, sona basayiwa abantu babo bakwivwisya amazyu agha bulaghuzi nukukonka zizyo zisimbiwe mwibuku linili. Pakuti akabalilo akakubonekela zyosi zinizi kali papipi.

Ubuvumbuli 12:9

Inyivwila inkulu yikasumbiwa pachisu ichapasi—injoka inkali yila, yiyo yikitiziwanga ukuti we Mubibi pamo Satana, yuyo akachizimbula ichisu chosi ichapasi. Akasumbiwa pasi poka na bantumi bache.