Luka 11:4 - Ulufingo Ulupya

⁴ Utuhobokele imbibi zyitu, ukuyana na mumo naswe bulo tukubahobokela abantu babo bakutunangila. Utakitikizyanje ukuti tuwile munjelo.’ ”

IBAYIBOLO 2024

⁴ Utuhobokele imbibi zyitu, ukuyana namumo naswe bulo tukubahobokela abantu babo bakutunangila. Utakitikizyanje ukuti tuwile munjelo.’ ”

Luka 11:4 Iomraidhean Croise

Matayi 18:35

Po u Yesu akamalizya nukuti, “Momumo Utata wane uwa kumwanya akwiza pakubombela na wesi uwa amwe nanti mutakubahobokela abawamwinyu nu moyo winyu ghosi.”

Matayi 26:41

Mubanje maso nukwiputa ukuti mutakawile munjelo. Umuzimu ghukulonda, loli ubuntu bute na maka.”

Luka 11:5

U Yesu akababuzya abamanyili bache akati, “Buli nanti weka mumwinyu abuka kunyumba iya mumanyani wache pakasi pabusiku nukumubuzya ukuti, ‘Wee mumanyani, unkopeleko ivibama vitatu.

Luka 13:4

Nkimba buli nizya bantu 18 bala babo bakafwila mu Silowamu, bo inyumba yiyo yighelesanizye yikabadilimukila. Nkimba mukwinong'ona ukuti bakaba bambibi nkani ukuchila abantu bosi, babo bakwikala mu Yelusalemu?

Luka 22:46

Akababuzya akati, “Nkimba choni chicho mughonite? Nyamuka nukwiputa ukuti mutakawile munjelo.”

Luka 8:13

Imbeyu zizyo zikawila pilyalabwe zikwimilila abantu babo bakwivwa amazyu nukughapokela nu buhobosu. Loli ghatakwinjila nkani mumwabo. Bakusubila pakabalilo akanandi bulo, sona nanti akabalilo akakuyeliwa kakwana bakuwa umwalubilolubilo.

Yohani 17:15

Intakulaba ukuti ubefyemo muchisu ichapasi awe, loli ukuti ubapoke ku Mubibi yula.

1 Aba Kolinti 10:13

Injelo zizyo amwe mwakomana nazyo zyo zizyo abantu abanji bosi bakukomana nazyo. U Chala musubiliwa, umwakuti atakwiza pakwitikizya ukuti muyeliwe ukuchila amaka ghinyu, awe. Loli bo mukuyeliwa, umwenecho akwiza pakubayanizya izila iyakuponelamo, umwakuti mungajimba.

Aba Kolosi 3:13

Mwivwanaye mwebenebene nu kuhobokelana nanti yumo mumwinyu ali na milumbuzyo nu wamwabo. Mubaghiye muhobokelanaye ukuyana na mumo u Mwene akabahobokelela.

2 Aba Tesalonika 3:3

Loli u Mwene we musubiliwa, sona akwiza pakubakazya amwe nukubasungilila akiza ukuti Umubibi yula atakabanangannye.

2 Timoti 4:18

U Mwene akwiza pakumpoka ku bubibi bosi nukunsunga akiza mupaka nukunyinjizya mu Bumwene bwache ubwa kumwanya. Kukwache kubanje ubuchindamu bwila na bwila! Ameni.

Yakobo 2:13

Pakuti u Chala atakwiza pakulanjizya ichisa, bo akumulonga umuntu yuyo atakaba ni chisa. Loli umuntu wesi yuyo ali ni chisa atakwiza pakubunyila ubulongi ubwa Chala.

Ubuvumbuli 2:10

Utakanyilaye amayimba ghagho uli papipi pakukomana nagho. Naloli inkubabuzya ukuti u Satana akwiza pakubayela pakubasumbila bamo mumwinyu mujele, sona mukwiza pakuvwimiwa amasiku teni. Mwendelele pakuba basubiliwa mupaka kubufwe, po inkwiza pakubapa impumpu iyabumi.

Ubuvumbuli 3:10

Pakuti wasungilila amazyu ghane aghakuti ujimbaye, po nane inkwiza pakukusungilila pakabalilo aka njelo, kako kakwiza pachisu chosi ichapasi pakubayela abantu babo bakwikalamo.