Luka 10:3 - Ulufingo Ulupya

³ Bukagha! Inkubatuma ngati bo bana aba ng'ozi pakasi pa mpumpi.

IBAYIBOLO 2024

³ Bukagha! Nkubatuma ngati bo bana abang'ozi pakasi pa mpumpi.

Luka 10:3 Iomraidhean Croise

Matayi 10:16

“Ivwa kuno! Inkubatuma amwe ngati zyo ng'ozi pakasi pa mpumpi. Po mubanje mwe bachevu ngati yo njoka, sona mubanje bololo ngati yo nkunda.

Matayi 10:22

Abantu bosi bakwiza pakubabenga pachifukwa chakuti mwe bakonki bane. Loli umuntu wesi yuyo ajimba mupaka pabumalilo akwiza pakupokiwa.

Matayi 7:15

“Muchebaye nabo abalaghuzi abamyasi; bakwiza kukwinyu ngati zyo ng'ozi, loli mukasi bayanite bulo ni mpumpi!

Luka 10:4

Mutakasende ichikwama pamo inyambi iya pa bulendo pamo inkwato, sona mutakimaye muzila pakulamuka abantu.

Yohani 10:12

Umudimi uwaganyu bulo, yuyo ate mudimi, sona yuyo ing'ozi zite zyache, nanti akuyennya impumpi yikwiza, akuzileka ing'ozi nukuchimbila, po impumpi yikulemapo ing'ozi zila nukuzinyampannya.

Yohani 15:20

Kumbuka zizyo inkababuzya ukuti, ‘Uwambombo ate wapamwanya ukumuchila u mwene wache, awe.’ Nanti abantu bakanvwima ane, bakwiza pakubavwima namwe bulo. Nanti bakivwila ubumanyisi bwane, bakwiza pakwivwila nu bumanyisi bwinyu bulo.

Yohani 16:2

Bakwiza pakubepusya munyumba izyakwiputilamo, sona akabalilo kakwiza kako umuntu wesi yuyo akubaghogha akwiza pakwinong'ona ukuti pakubomba bunubu, akumubombela u Chala.

Imbombo 20:29

Inzimenye ukuti bo nabuka impumpi inkali zitakwiza pakughuleka bulo umudimo.

Imbombo 9:16

Ane nemwene inkwiza pakumulanjizya amayimba ghosi ghagho akwiza pakukomana nagho pachifukwa icha nene.”

Imbombo 9:2

nukulaba abakalata ukuti abuke nabo munyumba izyakwiputilamo mu Damasika, umwakuti nanti angabagha bamo abakonki aba Zila iya Mwene, abapinye, bosi abanavuli na bakolo nukwiza nabo mu Yelusalemu.