Aba Filipi 4:5 - Ulufingo Ulupya

⁵ Akabalilo kosi mubanje bololo na bantu bosi. U Mwene ali pamulyango.

IBAYIBOLO 2024

⁵ Akabalilo kosi mubanje bololo na bantu bosi. U Mwene ali pamulyango.

Aba Filipi 4:5 Iomraidhean Croise

Matayi 6:25

“Polelo inkubabuzya ukuti mutakapasyanje nizya bumi bwinyu ukuti mukwiza pakulya ichoni, pamo mukwiza pakung'wela ichoni, pamo nizya mabili ghinyu, ukuti mukwiza pakuvwala ichoni. Nkimba ubumi bute bwapamwanya ukuchila ichakulya? Nkimba umubili ghute wapamwanya ukuchila amenda?

Matayi 6:34

Mutakapasyanje nizya ndabi pakuti ivya ndabi vya ndabi. Isiku lili lyosi lili ni ntamyo izyakuyana nalyo.

Luka 21:34

“Muchebaye ukuti amoyo ghinyu ghatakikolezannyanje nu kulya, nu kukolwa, sona nu kupasya nizya bumi ubu, pamo isiku lila lingiza kukwinyu umwakubachenusya bulo

1 Aba Kolinti 16:22

Umuntu wesi yuyo atakumughana u Mwene, ichighune chibanje papache! Malanata kokuti Mwene witu, zagha!

1 Aba Kolinti 6:7

Ukulongana kwa nongwa kuko kuli mumwinyu kukulanjizya pabuzelu ukuti mwapotwa zila. Nkimba choni chicho mutakufisa ilyoyo nanti bamo bakubanangila? Nkimba choni chicho mutakubitikizya abantu ukuti babibile?

1 Aba Kolinti 8:13

Polelo nanti ivyakulya vikumupelela umukamu wane ukwipunula, ntakwiza pakulya nalumolumo sona inyama, umwakuti intakamupunuzye umukamu wane.

1 Aba Kolinti 9:25

Umuntu wesi yuyo ali panyangalo iyakuchimbila, akwikanizya muvintu vyosi, umwakuti apokele inkata iya maluba yiyo yikufoka, loli aswe tukulonda pakupokela inkata yiyo yitakufokapo nalumo.

2 Aba Kolinti 10:1

Ane ne Pabuli, yuyo abantu bamo bakuti, “Ne mogha, bo indi namwe pamaso na pamaso, loli ne mujivu, bo indi kubutali namwe.” Inkubalaba mwitabwa ilya Kilisitu yuyo mololo sona wachisa

2 Aba Tesalonika 2:2

imitu yinyu yitakavulunganaye, pamo ukuchenukila na mazyu aghakuti, “Isiku ilya Mwene lyafika,” napapo bakunena ukuti amazyu agha ghakufuma kwa Muzimu Umuzelu, pamo ukuti sweswe twaghanena, pamo ukuti twabasimbiye mwakalata uyu.

Titi 3:2

Ubabuzye ukuti batakamuyebaye nayumo umuntu, loli babanje bantu abamutende, abamanyani aba bantu bosi, sona babanje bololo ku bantu bosi.

Aba Hebeli 10:25

Tutakanyokaye-nyokaye ku nkomano zyitu ukuyana na mumo abantu bamo bakizubilila, loli aswe tukazannyanje, nkani-nkani bo tukwennya ukuti Isiku ilyakwiza kwa Mwene lili papipi.

Aba Hebeli 10:37

Amasimbo ghakuti, “Kwasyalako bulo akabalilo akapimpa, akakuti yuyo akwiza, afike sona ate akakabe.

1 Pitala 1:11

Abalaghuzi bala bakayezya pakukagha akabalilo akenecho, sona na mumo kangizila. Aka kakaba kabalilo kako Umuzimu uwa Kilisitu yuyo akaba mumwabo akasonta. Bakanenela zila namumo u Kilisitu akwiza pakujimbila mumayimba, sona nu buchindamu bubo bukwiza pakukonkapo.

1 Pitala 4:7

Ubumalilo ubwa vintu vyosi buli papipi. Polelo mubanje bantu abakwilema, sona mubanje maso, umwakuti mungiputa.

Ubuvumbuli 22:20

Yuyo akusimikizya ivintu vyosi vinivi akuti, “Naloli! Inkwiza lunulu.” Ameni! Mwene Yesu, zagha!

Ubuvumbuli 22:7

U Yesu akuti, “Ivwa kuno! Inkwiza lunulu! Basayiwa abantu babo bakughivwila amazyu agha bulaghuzi ghagho ghali mwibuku linili.”