Aba Filipi 4:1 - Ulufingo Ulupya

¹ Polelo bakamu bane, imbaghanite, sona inkubasamba nkani. Amwe mwe buhobosu bwane, sona ni mpumpu yane yiyo nkwituvikizyamo. Po baghaniwa bane, mwimaye nkani mwa Mwene.

IBAYIBOLO 2024

¹ Polelo bakamu bane, imbaghanite, sona nkubasamba nkani. Amwe mwe buhobosu bwane, sona ni mpumpu yane yiyo nkwituvikizyamo. Po baghaniwa bane, mwimaye nkani mwa Mwene.

Aba Filipi 4:1 Iomraidhean Croise

Matayi 10:22

Abantu bosi bakwiza pakubabenga pachifukwa chakuti mwe bakonki bane. Loli umuntu wesi yuyo ajimba mupaka pabumalilo akwiza pakupokiwa.

Yohani 8:31

Po u Yesu akababuzya aba Yuda babo bakamusubila akati, “Mwe bamanyili bane naloli, nanti mukwivwila amazyu ghane.

Imbombo 11:23

Bo afika nukwennya mumo u Chala abasayila abantu, akahoboka nkani nukubalaba bosi ukuti bendelele pakusubila mwa Mwene na moyo ghabo ghosi.

Imbombo 14:22

Bakabakazya abamanyili bala, sona bakababuzya ukuti bendelele pakuba nu lwitiko mwa Kilisitu. Bakamanyizya bakati, “Tubaghiye twende muntamyo inyinji ukuti twinjile mu Bumwene ubwa Chala.”

Imbombo 2:42

Bakabika umoyo wabo pa vimanyisyo vivyo abatumiwa bakamanyizyanga, bakaba mubupoka nukumenyannya ichibama pakumukumbuka u Mwene, sona bakaba poka munyiputo.

Aba Loma 2:7

Abantu babo bakwendelela pakubomba ubwiza nu buchindamu, umuchizi nubumi, u Chala akwiza pakubapa ubumi ubwa bwila na bwila.

1 Aba Kolinti 15:58

Polelo bakamu bane baghaniwa mwimaye nkani, sona mutakayinganaye. Akabalilo kosi mwikolezannyanje nkani pakumubombela u Mwene pakuti muzimenye ukuti imbombo zizyo mukumubombela u Mwene zite izya bulo, awe.

1 Aba Kolinti 16:13

Mubanje maso, mwimaye nkani palwitiko. Mubanje bajivu nkani, sona mubanje bamaka.

2 Aba Kolinti 1:14

ukuyana na mumo mukutwivwisizya panandi bulo. Inkusubila ukuti napapo mutumenye panandi bulo, umwakuti mungituvya pachifukwa icha sweswe ukuyana na mumo tukwiza pakwituvikizya pachifukwa icha mwemwe Pisiku ilya Mwene u Yesu.

Aba Galatiya 5:1

U Kilisitu akatusatula ukuti tubanje babuke. Mwimaye nkani, po mutakanyamule sona ikoli ilya buzya.

Aba Filipi 1:27

Ichintu ichapamwanya chakuti, inkalo yinyu yiyane na Mazyu Amiza aghakunena nizya Kilisitu. Napapo nize kukwinyu pakubennya, pamo imbanje kubutali, nkulonda ukwivwa ukuti mukwiyula nkani nu moyo ghoka. Nkulonda ukwivwa sona ukuti umwakwivwana, sona nu mwakwavwana mukulwa inkondo pachifukwa icha kusubila Amazyu Amiza.

Aba Filipi 1:8

U Chala we kaboni wane ukuti nkunena ubwanaloli, bo nkunena ukuti inkubasamba nkani, sona we kaboni wane ukuti imbaghanite nkani ukuyana na mumo u Kilisitu u Yesu abaghaniye.

Aba Filipi 2:16

bo mukubapa amazyu agha bumi. Nanti mukubomba bunubu, inkwiza pakuba ni chifukwa icha kwituvikizya nacho pisiku ilya Kilisitu, pakuti chikwiza pakulanjizya ukuti ukwiyula kwane ni mbombo yane vitakaba vyabulo.

Aba Filipi 2:26

Pakuti akusamba nkani pakubennya mwebosi, sona akuyimba nkani mumoyo pachifukwa chakuti mukivwa ukuti akabinagha.

Aba Kolosi 4:12

U Epafula yuyo weka uwa amwe, sona mubombi uwa Kilisitu u Yesu akubalamuka. Akubiputila nkani akabalilo kosi ukumulaba u Chala ukuti mwimaye nkani, nukuba bantu abazelu, sona nukuti mwiyulaye nkani pakubomba vyosi vivyo u Chala akulonda.

1 Aba Tesalonika 3:13

Bunubu akwiza pakughakazya amoyo ghinyu umwakuti mubanje bantu abasita chilema nachimochimo, sona na bazelu pamaso pa Chala u Tata witu, bo u Mwene witu u Yesu Kilisitu akwiza sona poka na bantu abache na bache abazelu.

2 Aba Tesalonika 2:15

Polelo bakamu bitu, mwimaye nkani, sona mukakatile inyiho zizyo tukabamanyizya amwe, manyi mumazyu, manyi mubakalata bitu.

2 Timoti 2:1

Wee mwana wane, wimaye nkani ukwendela muchisa chicho chili mwa Kilisitu u Yesu.

Aba Hebeli 10:23

Zagha tulemezye ulusubilo lwitu lulo tukwitika, pakuti tungamusubila u Chala pachifukwa chakuti, umwene akusungilila ilayizyo lyache.

Aba Hebeli 3:14

Pakuti twebosi tuli ni chigaba muvintu vivyo u Kilisitu akupa nanti twimite nkani mupaka pabumalilo palusubilo lulo tukaba nalo pakwanda.

Aba Hebeli 4:14

Polelo pakuti tuli nu Muputi Usongo yuyo akabuka mupaka ukufika kumwanya, yuyo we Yesu u Mwana uwa Chala, po zagha tulemezye nkani ulwitiko lwitu lulo tukwitika.

2 Pitala 3:17

Polelo bamanyani bane abaghaniwa, pakuti muzimenye kale zinizi, muchebaye ukuti mutakasovyiwe ni mbibi izya bantu ababibi umwakuti mutakawe papo mwimite nkani.