Aba Filipi 2:9 - Ulufingo Ulupya

⁹ Pachifukwa chinichi u Chala akamukwezya pamwanya nkani, akamwita itabwa lilyo lichilite na matabwa ghosi,

IBAYIBOLO 2024

⁹ Pachifukwa chinichi u Chala akamukwezya pamwanya nkani, akamwita itabwa lilyo lichilite na matabwa ghosi,

Aba Filipi 2:9 Iomraidhean Croise

Ubuvumbuli 19:16

Pa nkazo yache sona na pantapatapa pakasimbiwapo itabwa ilyakuti, “Umwene uwa bamwene, sona Umulaghili uwa balaghili.”

Matayi 28:18

U Yesu akapalamila nukubabuzya ukuti, “Napeghiwa ubulaghili bosi kumwanya na pasi pano.

1 Pitala 3:22

Ilelo u Yesu abuka kumwanya, kuko ali pachitengo icha buchindamu kunyobe indilo iya Chala. Kulakula abantumi bosi poka na balaghili na bamaka bosi bakumulambila.

Aba Hebeli 2:9

Loli tukumwennya u Yesu, yuyo pakabalilo akapimpa bulo akanduka munandi bulo pamaso pa bantumi aba kumwanya. Po ilelo avwalite impumpu iya buchindamu nu muchizi pachifukwa icha kuyimba kwache nu bufwe umwakuti ukwendela mu chisa icha Chala, abafwile abantu bosi.

Ubuvumbuli 5:12

Bakimba umwakukolomoka bakati, “U Mwana uwa ng'ozi yuyo akaboliwa apokelaye ubulaghili, nu bukabi, na mahala, na maka, nu muchizi, nu buchindamu, sona na mapalo!”

Aba Hebeli 1:4

U Mwana uwa Chala mukulu nkani ukuchila abantumi aba kumwanya pakuba litabwa lilyo u Chala akamupa lyapamwanya nkani ukuchila na matabwa ghabo.

Aba Hebeli 12:2

Zagha tulolotele pa Yesu yuyo we bwandilo nu bumalilo ubwa lwitiko lwitu. Loli pachifukwa icha buhobosu bubo bukamulindilagha, akajimba nkani pachipinjika, napapo chikaba chintu chakukozya isoni, po ilelo akwikala pachitengo icha bumwene kunyobe indilo iya Chala.

Yohani 17:5

Wee Tata, losi ulu umpe ubuchindamu pamaso papako, ubuchindamu bubo inkaba nabo poka nawe, bo ichisu chapasi chichili pakupeliwa.

Ubuvumbuli 3:21

Umuntu yuyo akupota, inkwiza pakumwitikizya ukwikala nane pachitengo icha bumwene, ukuyana na mumo nane nkapotela nukwikala nu Tata pa Chitengo chache icha ubumwene.

Luka 10:22

“Utata wane ampiye ubulaghili uwa vintu vyosi. Nayumo umuntu yuyo amumenye u Mwana, loli Uwise mwene, sona atalipo umuntu yuyo amumenye Uwise, loli u Mwana mwene, sona na bantu babo u Mwana akubasala ukuti abavumbulile Uwise.”

Ubuvumbuli 11:15

Uwantumi waseveni akalizya ipati lyache, sona izyu ilya pamwanya nkani likivwika kumwanya likati, “Amaka aghakulaghilila ichisu chapasi ilelo ghali munyobe izya Mwene nu Mesiya wache. Akwiza pakulaghila bwila na bwila!”

Ubuvumbuli 1:5

Ichisa chinichi chikufuma kwa Yesu Kilisitu, ukaboni umusubiliwa uwakwanda pakuzyuka kubufwe, sona yuyo we umulaghili uwa bamwene bosi aba muchisu ichapasi. U Mwene atughanite aswe, sona atwabuye ku mbibi zyitu ni banda lyache.

2 Pitala 1:17

Bo u Chala u Tata witu akumupa umuchizi nu buchindamu, izyu ilya buchindamu ubukulu likivwika kukwache ukuti, “Uyu Mwana wane umughaniwa, yuyo nhobokite nkani nawe!”

Aba Kolosi 1:18

Umwene we mutu uwa mubili wache, chicho chipanga. Umwene we mbwibwi iyabumi ubwa mubili wache, sona we Mwana ukatote, yuyo akazyuka kubufwe, umwakuti abanje wakwanda pavintu vyosi.

Imbombo 5:31

U Chala akamukwezya nukumubika munyobe izya nyobe yache indilo ukuti abanje Mulongozi nu Mupoki, pakubapa ulusako aba Izilayeli ukuti bapinduke nukuhobokeliwa imbibi zyabo.

Yohani 13:3

U Yesu akazimanya ukuti Uwise abikite vyosi munyobe zyache. Akazimanya sona ukuti afumite kwa Chala, po akunyokela kwa Chala.

Matayi 11:27

“Utata wane ampiye ubulaghili ubwa vintu vyosi. Nayumo umuntu yuyo amumenye u Mwana, loli Uwise mwene, sona atalipo umuntu yuyo amumenye Uwise, loli u Mwana mwene, sona na bantu babo u Mwana akubasala ukuti abavumbulile Uwise.

Yohani 17:11

Losi ulu inkwiza kukwako, ntakwiza pakwikala sona muchisu ichapasi umu awe, loli abene bali muchisu ichapasi. Tata Umuzelu, ubasunge akiza na maka agha itabwa lyako, itabwa lilyo ukampa, umwakuti babanje muntu weka ukuyana na mumo awe nane tuli weka.

Yohani 17:12

Pakabalilo kako nkikalagha nabo, inkabasunga akiza na maka agha itabwa lyako, itabwa lilyo ukampa. Inkabasunga akiza, po nayumo umuntu yuyo asobelitepo, loli mwene yuyo zikamubaghila ukuti ananganike, umwakuti Amasimbo ghakwanilisiwe.

Aba Efeso 1:10

Ulubatiko ulu, lulo u Chala akwiza pakumalizya bo akabalilo kakwana lwakuti, u Chala akwiza pakubungannya poka ivipeliwa vyosi, ni vintu vyosi ivya kumwanya nivya muchisu ichapasi, po u Kilisitu akwiza pakuba mutu.

2 Aba Tesalonika 1:12

umwakuti itabwa ilya Mwene witu u Yesu lichindikiwanje mumwinyu, sona namwe muchindikiwanje mumwache ukuyana ni chisa icha Chala witu nu Mwene u Yesu Kilisitu.

Aba Hebeli 1:9

Mukuchighana ichintu chicho chigholosu, loli mukuchibenga ichintu chicho chibibi. Ichi cho chifukwa u Chala, yuyo we Chala winyu, akabapakazya na mafuta agha buhobosu ukuchila abamanyani binyu.”

3 Yohani 1:7

Pakuti bakanyamuka ubulendo bwabo pachifukwa icha mbombo iya Kilisitu, ukusita ukupokela ivyabupi ivya bantu abakuzi.