1 Timoti 3:4 - Ulufingo Ulupya

⁴ Amanyaghe pakulongozya akiza inyumba iyache ni yache nukwenelezya akiza ukuti abana bache bakumwivwila nu muchizi nkani.

IBAYIBOLO 2024

⁴ Amanyaghe pakulongozya akiza inyumba iyache ni yache nukwenelezya akiza ukuti abana bache bakumwivwila nu muchizi nkani.

1 Timoti 3:4 Iomraidhean Croise

Imbombo 10:2

Umwene ni mbumba yache yosi bakaba bantu abakumwiputa u Chala. Akabomba imbombo inkulu pakubavwa bantu abapina aba Chiyuda, sona akabalilo na kabalilo akamwiputagha u Chala.

Aba Efeso 5:24

Ngati mumo ichipanga chili pasi pa Kilisitu, umwakuyana bulo, bope abachi babanje pasi pa balume babo mu vintu vyosi.

Aba Filipi 4:8

Mwee bakamu bane, pabumalilo inkubabuzya ukuti mubikayepo umoyo pavintu vyosi vivyo vyiza nkani, sona ni vichindamu ivi: Ivyanaloli, ni vichindamu, ni vigholosu, ni vizelu, ni vighaniwa, sona ni vyamuchizi.

1 Timoti 3:12

Umwavwilizi uwa chipanga abanje nu muchi weka. Abalelaye akiza abana bache nukusungilila akiza inyumba yache.

Titi 1:6

Kumbuka ukuti usongo uwa chipanga atakabanje ni chilema nachimochimo. Abanje nu muchi weka, yuyo abana bache bitiki, sona atakabanje ni mbili iya bunyamana pamo iyakusita ukwivwila.

Titi 2:2

Ubamanyizye abanavuli abachasongo ukuti batakakolwanje, babanje bantu abamahala na bakwilema; babanje bantu abamaka mulwitiko, na balughano, sona na bololo.

Titi 2:7

Muvintu vyosi, awe ubanje we chifwanikizyo icha nkalo inyiza. Bo ukumanyizya, umanyizyanje nu moyo uwanaloli, sona nu muchizi.