1 Timoti 1:5 - Ulufingo Ulupya

⁵ Loli ifundo iyakubapela indaghilo izi yakuti abitiki bosi babanje nu lughano, lulo lukufuma mumoyo umuzelu nu mabyebye umwiza, sona nu lwitiko ulwenecho.

IBAYIBOLO 2024

⁵ Loli ifundo iyakubapela indaghilo izi yakuti abitiki bosi babanje nu lughano, lulo lukufuma mumoyo umuzelu nu mabyebye umwiza, sona nu lwitiko ulwenecho.

1 Timoti 1:5 Iomraidhean Croise

Matayi 12:35

Umuntu umwiza akunena ivintu ivyiza vivyo asungite mumoyo wache, wepe umuntu umubibi akunena ivintu ivibibi vivyo asungite mumoyo wache.

Matayi 5:8

Basayiwa babo bazelu mumoyo, pakuti bakwiza pakumwennya u Chala.

Imbombo 15:9

U Chala atakatulekannya nabo; akabahobokela imbibi zyabo, pachifukwa chakuti bakasubila.

Imbombo 23:1

U Pabuli akenelezya abalongi bala nukuti, “Mwee bakamu bane, mupaka ilelo namubombela u Chala nu mabyebye wane umwiza.”

Imbombo 24:16

Po akabalilo kosi inkuyezya pakubomba inyiza ukuti imbanje nu mabyebye umwiza pamaso pa Chala na bantu.

Aba Loma 10:4

Pakuti u Kilisitu amalizya Indaghilo, umwakuti umuntu wesi yuyo akusubila aneniwanje pakuba mugholosu pamaso pa Chala.

Aba Loma 12:9

Ulughano lutakabanje ulwa buzimbuli. Muchibengaye chicho chibibi, loli muchilemelele chicho chiza.

Aba Loma 14:15

Nanti ukumupela umukamu wako ukuti anange pachifukwa icha vyakulya vivyo ukulya, kokuti utamughanite umukamu yulayula. Utakamunangaye umukamu wako, yuyo u Kilisitu akamufwila, pachifukwa icha vyakulya vivyo ukulya.

Aba Loma 9:1

Nkunena ubwanaloli: Ane ne uwa Kilisitu, sona intakutamanta. Umabyebye wane yuyo akulamuliwa nu Muzimu Umuzelu sona wepe akunsimikizya ukuti ntakutamanta

1 Aba Kolinti 13:1

Napapo ninganenela mundimi izya bantu nizya bantumi, loli nanti inte nu lughano, injanite bulo ni chela chicho chikulila, pamo ibangala lilyo likuzuma bulo ichongo.

2 Aba Kolinti 1:12

Chicho tukwituvikizyapo chakuti umabyebye witu akutusimikizizya ukuti inkalo yitu muchisu ichapasi nkani-nkani ubukamu bwitu namwe, yikaba zelu, sona iyisita ubuzimbuli. Zikabanga bunubu chite chifukwa ichakukonka amahala agha buntu, awe, loli pachifukwa icha chisa icha Chala.

Aba Galatiya 5:22

Loli ivikomwa ivya Muzimu Umuzelu zyo izi: Ulughano nu buhobosu, nu mutende, nu bufisalyoyo, ni chisa, nu bwiza, nu busubiliwa,

Aba Galatiya 5:6

Nanti tuli mwa Kilisitu u Yesu ukusilimuliwa pamo ukusita kusilimuliwa kute ni mbombo. Ichintu choka bulo chicho chapamwanya nkani lo lwitiko, lulo luli pambombo ukwendela mu lughano.

1 Timoti 1:18

Wee mwana wane Timoti, inkukupa ilamulo ili ukuyana na mazyu ghagho abalaghuzi bakalaghula. Leka amazyu agha ghabanje vilwilo vyako ukuti ungalwa inkondo inyiza.

1 Timoti 1:19

Sungilila ulwitiko lwako nu mabyebye umwiza. Abantu bamo batakamwivwila umabyebye wabo, po ulwitiko lwabo lwananganika.

1 Timoti 3:9

Babulemelezyanje nkani ubwanaloli ubwibizu ubwa lwitiko nu mabyebye umwiza.

2 Timoti 1:3

Inkumupalizya u Chala, yuyo inkumubombela nu mabyebye wane umwiza bulo ukuyana na mumo abanyenya bane bakabombelagha. Inkubakumbuka amwe bwila munyiputo zyane pamusanya na pabusiku bulo.

2 Timoti 1:5

Inkukumbuka sona nizya lwitiko ulwenecho lulo uli nalo, ulwitiko lulo unyokokulu u Loyisi, sona wepe nu nyoko u Yuniki akaba nalo. Indi nu lusubilo ukuti nawe bulo uli nalo.

2 Timoti 2:22

Leghukako kuvinyonywa ivya chilumendo, sona ubukonkaye ubugholosu, nu lwitiko, nu lughano, nu mutende, poka na bantu babo bakumuchindika u Mwene nu moyo umuzelu.

Titi 1:15

Abantu babo bazelu, ivintu vyosi vinivi vizelu, loli abantu babo inyinong'ono zyabo zinyonganite, sona babo batakusubila nachimochimo chicho chizelu. Ubwanaloli bwakuti, inyinong'ono zyabo nu mabyebye wabo vinyonganite.

Aba Hebeli 10:22

po zagha tupalamile kwa Chala nu moyo uwa naloli nu moyo uwa lwitiko, sona na moyo ghagho ghaswefiwe umabyebye umubibi, sona na mabili ghagho ghasukiwe na mizi amiza.

Aba Hebeli 13:18

Mutwiputilaye pakuti tuli nu bwanaloli ubwakuti umabyebye witu mwiza, pachifukwa chakuti tukulonda pakubomba chicho chigholosu akabalilo kosi.

Aba Hebeli 9:14

Po ibanda ilya Kilisitu, yuyo ukwendela mu Muzimu uwa bwila na bwila, akiyipa mwene ukuti chibanje chakwiyipa ichakufikapo kwa Chala likwiza pakuswefya umabyebye witu pambombo izyabulo, umwakuti tungamubombela u Chala umumi.

Yakobo 4:8

Palamila kwa Chala, po wepe akwiza pakupalamila kukwinyu. Ozya inyobe zyinyu mwe bantu bambibi mwee! Suka amoyo ghinyu, amwe mwe amoyo ghinyu ghali mumwanya-mwanya bulo!

1 Pitala 1:22

Pakuti ilelo mwiswefya mwebene pakwivwila ubwanaloli, umwakuti mukubaghana abitiki abamwinyu. Po mughananaye mwebene nu moyo winyu ghosi.

1 Pitala 3:16

Umabyebye winyu abanje mololo, umwakuti abantu babo bakubatuka pachifukwa icha nkalo yinyu inyiza mwa Kilisitu bakoziwe isoni pa vivyo bakunena.

1 Pitala 3:21

Amizi ghanagha cho chimanyilo icha lozyo, lulo ilelo lukubapoka ukwendela mukuzyuka kubufwe kwa Yesu Kilisitu. Ulozyo lute ko kusuka ichiko icha mu mubili, awe. Loli lilayizyo lilyo likapangiwa kwa Chala pachifukwa icha mabyebye umwiza.

1 Pitala 4:8

Pamwanya pa vyosi mughananaye mwebene nu lughano ulwakufikapo, pakuti ulughano lukuzikupikila imbibi inyinji nkani.

2 Pitala 1:7

Pakumwiputa kwinyu u Chala monjelezyepo ichisa icha bukamu, sona pachisa icha bukamu monjelezyepo ulughano.

1 Yohani 3:10

Umu mo mumo Abana aba Chala na bana aba Satana balekaniye: Umuntu wesi yuyo atakubomba chicho chigholosu, pamo umuntu yuyo atamughanite umukamu wache, ate mwana uwa Chala.

1 Yohani 3:23

Ili lyo lilamulo lyache: Tumusubilaye u Mwana wache u Yesu Kilisitu, sona tughananaye ukuyana na mumo akatulamulilila.

1 Yohani 3:3

Umuntu wesi yuyo ali nu lusubilo ulu, akwiswefya mwene bulo, ukuyana na mumo u Kilisitu umwenecho musita chilema nachimochimo.